Mos-trauma verdiep

Oorskot ontbind

07 January 2020 | Misdaad
Denver Kisting - ’n Ma van Rehoboth, me. Drieka Benz, wat weens die dood van haar enigste kind in rou gedompel is, het verdere trauma beleef toe sy dié dogter, me. Margaret Mos (33), Vrydag inderhaas moes begrawe.

Dít het gekom omdat die oorskot ná die nadoodse ondersoek in ’n stadium van ontbinding uit Windhoek teruggekeer het.

Mos se amptelike begrafnis is eers vir eerskomende naweek geskeduleer.

Benz het die dag ná Kersdag uitgevind dit is haar dogter wie se liggaam onlangs aan die buitewyke van Rehoboth onthoof ontdek is.

Benz het die polisie op die dorp op 26 Desember besoek ná Mos ’n paar dae vermis was.

Die Rehoboth-polisie het vroeër ’n beroep op lede van die publiek gedoen om te help met die uitkenning van die lyk van ’n jong vrou.

Adj.komm. Kauna Shikwambi, die nasionale polisiewoordvoerder, het gister by navraag gesê volgens die beampte aan diens by die polisielykshuis in Windhoek was die verkoelingsgeriewe in ’n werkende toestand aan die einde van die werksdag op Oujaarsdag.

Dié beamptes werk kantoorure, het Shikwambi gesê.

Met hul terugkeer op 2 Januarie het hulle vasgestel daar is ’n probleem met die yskas se temperatuur.

Volgens Shikwambi is ’n tegnikus se hulp ontbied “wat alles reggestel het”.

Op ’n vraag oor hoeveel liggame deur die temperatuuruitdaging geraak is, het sy gesê: “Die liggame was nie regtig ontbind nie.”

Oor Mos se oorskot het sy gesê dit is onbekend wanneer die liggaam aan die familie oorhandig is.

“Maar onthou die toestand van daardie liggaam. Dit is buite die lykshuis se beheer.”

Vroeër is berig Mos se liggaam is erg vermink.

Hoewel die polisie volgens Shikwambi steeds ’n saak van strafbare manslag ondersoek, is die ondersoek nog nie afgehandel nie.

“Niemand is in hegtenis geneem nie en die ondersoek duur voort.”

’n Familied van Benz het gister aan Republikein gesê hulle is stukkend oor die onwaardige begrafnis.

Volgens haar het hulle verneem die oorskot is glo nie ná die nadoodse ondersoek in die verkoelingsgeriewe teruggeplaas nie.

Sy sê bure van Benz het laatnag – enkele ure voor Mos deur ’n voertuig getref is – ’n vrou om hulp hoor skree.

Dit is in dié stadium nog onbekend of Mos reeds ten tyde van die ongeluk reeds dood was.

Naas haar ma word Mos deur haar stiefpa, mnr. Harry Benz, en ’n 13-jarige seun, Harrien, oorleef.

Shikwambi het vroeër gesê Mos se kop is onder die voertuig vasgekeer en is toe vermoedelik afgeruk.

Die familielid het gister gesê hulle het die Golf GTI gesien en reken dit kon nie moontlik gewees het nie.

Die bestuurder van die sedan moes vir ’n paar ure gehospitaliseer word weens die trauma van die ongeluk.

Hy was na verneem word uit ’n westelike rigting ooswaarts op pad toe die ongeluk gebeur het.

Die bestuurder het glo eers die persoon op die teerpad opgemerk toe hy reeds naby haar was.

’n Polisiebron op Rehoboth het gistermiddag gesê die nadoodse verslag is nog nie aan hulle beskikbaar gestel nie.

[email protected]

Soortgelyk

 

Destined to inspire

8 ure gelede | Mense

Ester KamatiSem Mandela Uutoni’s desire for community development manifests itself in his work and is what drove him to pursue a bachelor’s degree in regional...

Make education your New Year’s resolution in 2020

8 ure gelede | Mense

Albin JacobsWith the holiday season drawing to a close it is time to focus on the new year, 2020. Almost everyone makes some kind of...

Dankbare dorre aarde

8 ure gelede | In beeld

“Die Karasberge in die Karasburg-distrik het onlangs vir die eerste keer in vier jaar reën gekry,” sê NP Esterhuyse, wat dié pragfoto geneem het.

Groot kanonne hoor kiessaak

8 ure gelede | Howe

Denver Kisting – Alle oë is vandag op Namibië se hoogste hof, die hooggeregshof, waar die land se heel eerste onafhanklike presidensiële kandidaat dié hof...

Katrina hoor gou oor appèl

8 ure gelede | Howe

Denver Kisting – Die voormalige minister van onderwys, kuns en kultuur, me. Katrina Hanse-Himarwa, sal eersdaags hoor of haar aansoek om verlof tot appèl geslaag...

Fearless manager - Game of Phones

8 ure gelede | Mense

Michelline NawatisesLeandro van Wyk, call centre manager at MultiChoice Namibia, started his career in the banking industry in 2001 as a back-office ledgers clerk, after...

Connecting clients to the correct networks

8 ure gelede | Mense

Ester Kamati With internet connection, there is no stopping Macveren Kapukare, a telecommunication engineering graduate who is passionate about making a difference in the world...

Oudonderwyser sit steeds

8 ure gelede | Howe

Denver Kisting - Die 69-jarige man, wat sedert verlede naweek op Rehoboth in polisieaanhouding is weens beweerde verkragting, se formele aansoek om borgtog het nie...

Aandag alle bruidspare!

8 ure gelede | Gebeure

Republikein se Bruidspaar van die Jaar-kompetisie skop weer vandag af. Paartjies wat tussen 1 Maart 2019 en 29 Februarie 2020 getroud is, kan vir vanjaar...