Moord, doodslag lui nuwe jaar in

Twis oor N$40 lei glo tot messteek

06 January 2020 | Misdaad
’n Man van Tsumeb wat met die dood van sy minnares verbind word, is voortvlugtend.

Adj.komm. Kauna Shikwambi, die nasionale polisiewoordvoerder, sê me. Elizabeth Garises (ouderdom onbekend) se lyk is omstreeks 06:00 op Oujaarsdag naby die Kavukiland-woonbuurt in die bosse ontdek.

Sy is volgens Shikwambi in ’n plas bloed aangetref.

Die oorledene is glo laas gesien toe sy by Jealous Bar op die dorp gekuier het, lui ’n misdaadverslag wat Shikwambi aan die media beskikbaar gestel het.

In ’n stadium het ooggetuies glo gesien hoe Garises deur haar kêrel aangerand word, sê Shikwambi.

“Die verdagte het van die toneel gevlug en die polisieondersoek duur voort.”

Die 22-jarige mnr. Allistar McNab het omstreeks 05:00 op Nuwejaarsdag naby die Swakopmund-lughawe aan die buitewyke van dié vakansiedorp glo sy eie lewe geneem.

Volgens Shikwambi word geen gemene spel in hierdie stadium vermoed nie.

McNab het geen selfdoodbrief agterlaat nie, sê sy.

Sy naasbestaandes is volgens die polisiewoordvoerder van sy dood in kennis gestel en die polisieondersoek duur voort.

Op dieselfde dag is mnr. Levi Kadhila (24) ook na bewering weens selfdood in die Goreangab-woonbuurt in Windhoek dood.

Sy oorskot is volgens Shikwambi tuis aangetref.

Die misdaadverslag vermeld nie die tyd van sy dood of wanneer sy lyk ontdek is nie.

Kadhila het ook geen selfdoodbrief agtergelaat nie.

Mnr. Nangolo Titus (61) het omstreeks 07:50 op Nuwejaarsdag in die Omakuku-nedersetting in die Noorde van die land glo sy eie lewe geneem.

Ook hy het geen selfdoodbrief agterlaat nie, sê Shikwambi.

Twee tienermeisies is in polisieaanhouding weens die moord op die 30-jarige mnr. Dino Vrieslaar omstreeks 03:00 op Nuwejaarsdag in Windhoek.

Luidens die misdaadverslag het die voorval in Testamentstraat in Dolam in Katutura plaasgevind.

Hoewel Vrieslaar op die toneel aan steekswonde beswyk het wat glo deur een van die twee tieners toegedien is, het albei glo vroeër N$40 van sy broer gesteel, lui die misdaadverslag.

Shikwambi sê Vrieslaar het na wat verneem word die meisies oor die beweerde diefstal gekonfronteer.

Dié beweerde konfrontasie het tot sy dood gelei, sê die woordvoerder. Die polisieondersoek duur voort.

Op Otjiwarongo is die vermeende moordenaar(s) van mnr. Arnold Gaoseb (24) steeds op vrye voet nadat sy lyk omstreeks 07:00 op Nuwejaarsdag op dié dorp gevind is.

Volgens Shikwambi is hy verskeie kere met ’n skerp voorwerp toegetakel.

’n 29-jarige man is in Windhoek in polisieaanhouding nadat hy na bewering omstreeks 18:30 op Nuwejaarsdag sy meisie, me. Aina Negonga (ook 29), vermoor het.

Shikwambi sê die paartjie het ’n 15 maande oue seuntjie.

Die verdagte het glo dié middag by Negonga se slaapplek aangekom en die deur gesluit aangetref.

Hy het na bewering geëis dat sy die deur oopmaak en dit oopgeskop toe sy weier, sê Shikwambi.

Volgens haar het die verdagte toe vir Negonga vyf keer met ’n mes in haar bors gesteek.

Hy het glo aanvanklik van die toneel verdwyn, maar homself later by die Wanaheda-polisiekantoor gaan oorgee.

Die polisieondersoek duur voort.

Soortgelyk

 

Covid-19-gevalle styg met 96 tot 1 618

11 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê die aantal Covid-19-gevalle het met 96 tot 1 618 gestyg. Hiervan is 75...

Verkeer tussen Namibië, Kaap weens Covid-19 ontwrig

17 ure gelede | Vervoer

Ronelle Rademeyer - Vragverkeer tussen Namibië en die Wes-Kaap kan sedert Donderdagaand nie langs die kortste roete oor die Oranjerivier plaasvind nie, aangesien Suid-Afrika sy...

24-year-old ensuring safety via TaxiConnect

1 dag gelede | Mense

MICHELLINE NAWATISESTaxiConnect is a locally developed ride-hailing company founded in April 2020. TaxiConnect offers an interactive and smart technology of taxi booking for customers and...

Te min isolasie, suurstof vir Walvis se episentrum

1 dag gelede | Gesondheid

Henriette Lamprecht – Walvisbaai, Hentiesbaai en Swakopmund het nie genoeg isolasie- en kwarantyngeriewe om die toenemende stygende aantal positiewe Covid-19-gevalle en -kontakte te isoleer nie....

Rehoboth verenig in rou

1 dag gelede | Misdaad

Denver Kisting op Rehoboth – Die rou snikke van ’n 20-jarige ma van Rehoboth, me. Roseline Moss, kon gister deurgaans gehoor word toe haar twee...

Weer, Vrydag 24 Julie 2020

1 dag gelede | Weer

WEERWAAK: Oosweertoestande sal oor die Namib en kusareas voorkom. Tref voorsorg.BINNELAND: Koud aanvanklik, andersins sonnig en matig tot warm. 'n Taamlik sterk tot sterk noordoostelike...

Vakbonde tree in bresse vir fabriekswerkers

1 dag gelede | Visserye

Erongo-span – Die president van die Vakbondkongres van Namibië (Tucna), mnr. Paulus Hango, het gesê vakbonde wat werkers in die vissersbedryf verteenwoordig, is bekommerd oor...

Bou van ambassade stort miljoene in ekonomie

1 dag gelede | Infrastruktuur

Kristien Kruger – Die oprigting van die nuwe Amerikaanse ambassadekompleks in Klein-Windhoek het gister 'n sooispitseremonie bereik waartydens dié land se ambassadeur in Namibië, me....

SA trek beampte vas wat visumbedrog uit Windhoek pleeg

1 dag gelede | Misdaad

Die Suid-Afrikaanse departement van binnelandse sake het 100 visums teruggetrek wat na bewering deur een van sy beamptes wat by die hoëkommissariaat in Windhoek geplaas...