Moody's-klap voor begroting
Jo-Maré Duddy – Op die vooraand van finansminister Iipumbu Shiimi se debuutbegroting sit die regering nie net kniediep in die rommel nie, maar verskraal sy kanse ook om daaruit te ontsnap.
Moody's – een van twee internasionale kredietgradeerders wat Namibië monitor – het Vrydag sy vooruitsig vir die land van stabiel na negatief verlaag.
Soos by Fitch Ratings, lê die regering se langtermynskuld in buitelandse geldeenhede – die rand uitgesluit – reeds sedert verlede jaar twee vlakke ónder beleggingstatus by Moody's.
ROMMEL
Moody's en Fitch het in 2017 die eerste keer hul rommel-etiket op die regering geplak. In Desember verlede jaar het Moody's die regering van Ba1 na Ba2 afgradeer, maar met 'n stabiele vooruitsig. In April vanjaar was die vooruitsig steeds stabiel.
Moody's se graderingskomitee het verlede Dinsdag egter tot die slotsom gekom dat die impak van Covid-19 en die regering se beleidsreaksie daarop 'n “aansienlike inkrimping” in die ekonomie gaan veroorsaak en tot 'n “baie groter begrotingstekort” gaan lei.
Dit gaan olie op Namibië se begrotingsvuur wees en tot “'n beduidende hoër skuldvlak” lei, sê Moody's.
“Kom ons verstaan eers Moody's se assessering voor ek daarop kommentaar lewer,” het Shiimi gister gesê.
Die 2020-'21-begroting sal môre in die parlement ter tafel gelê word, het hy bevestig.
Rooi syfers
Moody's verwag Namibië se ekonomie gaan vanjaar met sowat -7% groei, vergeleke met -0.7% die afgelope drie jaar.
Die begrotingstekort vir die huidige fiskale jaar – wat reeds op 1 April sónder 'n begroting begin het – word op 10% van die bruto binnelandse produk (BBP) geskat.
Om dié tekort te finansier, gaan die regering se skuldlas tot meer as 68% van BBP opjaag, meen Moody's.
Dit als kan die regering se beleid van begrotingskonsolidering belemmer, waarsku die gradeerder.
Mnr. Calle Schlettwein, wat voorheen Namibië se geldleisels vasgehou het, het in 2016 met dié beleid begin en bestedingsrieme dunner gesny juis om die land se wegholskuld te probeer inperk en makro-ekonomiese stabiliteit te herwin.
Aanvaarbare skuldvlakke en ander begrotingshervormings, soos onder meer 'n meer kostedoeltreffende staatsdiens, is noodsaaklik om Namibië se kredietbeeld weer te poets.
• Lees die volledige berig in vandag se Market Watch in Republikein.
Moody's – een van twee internasionale kredietgradeerders wat Namibië monitor – het Vrydag sy vooruitsig vir die land van stabiel na negatief verlaag.
Soos by Fitch Ratings, lê die regering se langtermynskuld in buitelandse geldeenhede – die rand uitgesluit – reeds sedert verlede jaar twee vlakke ónder beleggingstatus by Moody's.
ROMMEL
Moody's en Fitch het in 2017 die eerste keer hul rommel-etiket op die regering geplak. In Desember verlede jaar het Moody's die regering van Ba1 na Ba2 afgradeer, maar met 'n stabiele vooruitsig. In April vanjaar was die vooruitsig steeds stabiel.
Moody's se graderingskomitee het verlede Dinsdag egter tot die slotsom gekom dat die impak van Covid-19 en die regering se beleidsreaksie daarop 'n “aansienlike inkrimping” in die ekonomie gaan veroorsaak en tot 'n “baie groter begrotingstekort” gaan lei.
Dit gaan olie op Namibië se begrotingsvuur wees en tot “'n beduidende hoër skuldvlak” lei, sê Moody's.
“Kom ons verstaan eers Moody's se assessering voor ek daarop kommentaar lewer,” het Shiimi gister gesê.
Die 2020-'21-begroting sal môre in die parlement ter tafel gelê word, het hy bevestig.
Rooi syfers
Moody's verwag Namibië se ekonomie gaan vanjaar met sowat -7% groei, vergeleke met -0.7% die afgelope drie jaar.
Die begrotingstekort vir die huidige fiskale jaar – wat reeds op 1 April sónder 'n begroting begin het – word op 10% van die bruto binnelandse produk (BBP) geskat.
Om dié tekort te finansier, gaan die regering se skuldlas tot meer as 68% van BBP opjaag, meen Moody's.
Dit als kan die regering se beleid van begrotingskonsolidering belemmer, waarsku die gradeerder.
Mnr. Calle Schlettwein, wat voorheen Namibië se geldleisels vasgehou het, het in 2016 met dié beleid begin en bestedingsrieme dunner gesny juis om die land se wegholskuld te probeer inperk en makro-ekonomiese stabiliteit te herwin.
Aanvaarbare skuldvlakke en ander begrotingshervormings, soos onder meer 'n meer kostedoeltreffende staatsdiens, is noodsaaklik om Namibië se kredietbeeld weer te poets.
• Lees die volledige berig in vandag se Market Watch in Republikein.
Kommentaar
Republikein
Geen kommentaar is op hierdie artikel gelaat nie