Mmusi sê hy sal saam met enigeen werk

'Moeilike verhouding'

07 October 2019 | Afrika
Jacob Rooi



'n Uiters diploma­tiese Mmusi Mai­mane sê hy en Helen Zille het in die ver­lede 'n “moeilike verhouding” gehad, maar as afgevaardigdes na die party se federale raadsvergadering op 19 en 20 Oktober haar as voorsitter kies, sal hy saam met haar moet werk om sy visie vir die party in werking te stel.

As sy visie teengestaan word, moet die party 'n kongres daaroor hou, het Maimane in 'n onderhoud aan Rapport gesê.

Zille het Vrydag verras met die besluit om haar beskikbaar te stel vir die pos wat James Selfe 19 jaar lank beklee het.

Die ander kandidate is Mike Waters, Thomas Walters en Athol Trollip.

Maimane sê dit is Zille se volste reg om vir die posisie te staan, maar afgevaardigdes sal bepaal of sy suksesvol is.

“Dit is belangrik om kennis te neem van die rigting waarin ons die party neem. Ons wil 'n party vir alle burgers bou, wat teenwoordig is op die grond en wat ons historiese ongeregtigheid aanspreek en geregtigheid bring. Ek sal saam met mense werk wat verbind is tot daardie visie. Dit is dus nie vir my om te besluit oor enige spesifieke kandidaat nie,” het hy gesê.

Die verhouding tussen Maimane en Zille het in 2017 'n laagtepunt bereik nadat Maimane Zille gerepudieer het weens 'n reeks twiets oor die nalatenskap van kolonialisme.

Maimane het in Junie 2018 aan die Sunday Times gesê dit was 'n fout om Zille, wat steeds Wes-Kaapse premier was, in besluitnemingstrukture te behou nadat sy in 2015 as partyleier uitgetree het. Hy het gesê dis onhoudbaar om die voormalige en huidige leier in dieselfde strukture te hou.

Gister sê hy: “Sy het na die Instituut vir Rasseverhoudinge gegaan en ek het geen kontak met haar gehad nie. So dis nie vir my om te sê as sy wen gaan ek bedank nie.

“Ons het 'n moeilike verhouding in die verlede gehad. Maar die party moet op die toekoms fokus. Laat die afgevaardigdes oor die toekoms van die DA besluit. Die posisie is 'n baie belangrike pos in die DA. Dis nie vir my 'n persoonlike kwessie nie. Of ek bly of nie, dis belangrik vir die DA om op die toekoms te fokus. Ons kan nie die DA 'n eng minderheidsparty maak nie.”

Maimane het sy uitnodiging aan kritici herhaal dat as daar 'n begeerte is om hom voor 2021 se partykongres as leier te vervang, 'n vervroegde kongres belê moet word.

“Ek het nooit daarvan weggeskram nie. Ek het trouens daarvoor gevra.”

Hy is bewus van enkeles se teenstand teen hom, maar hy gaan nie “apologeties” word oor wat hy vir die party beplan nie.

“My taak is ook om mense te verenig. Ek het nooit probeer om op grond van ras te mobiliseer nie. Ek het 'n inklusiewe benadering en werk saam met swart mense en wit mense. Die moeilikheid is daar is mense wat dit eenvoudig teenstaan.”

Dit gaan ook nie oor sy pos nie. “Ek is meer gefokus op die politieke rigting (van die party). En ek sal daardie doelwit en rigting dien. Of dit binne of buite die DA is, dit bly my missie. Ek klou nie vas aan 'n werk nie. Ek is bekommerd want hier is 'n visie wat ernstig bedreig word.”

Hy het Mike Waters, adjunk- federale voorsitter, by die naam genoem as iemand wat 'n veldtog teen hom voer.

Hy sê Waters en sy volgelinge “het hul eie kwessies”.

In 'n rubriek op News24 het John Moodey, DA-leier in Gauteng, die afgelope week geskryf Waters word gedryf deur “diep bitterheid” omdat hy sy pos as die party se adjunkhoofsweep verloor het aan Jacques Julius, 'n bruin DA-LP.

Maimane sê hy is nie bekommerd oor 'n smeerveldtog teen hom nie. “Vals aantygings is teen my gemaak. Ek het die feite voor die organisasie geplaas; my aan ondersoek onderwerp. Maar as my visie beveg word, moet hul beskouings by 'n kongres op die tafel geplaas word eerder as om 'n smeerveldtog in die openbaar te voer.”

– Netwerk24

Soortgelyk

 

Kenner van familieondernemings kom lewer praatjie

7 ure gelede | Kuns en vermaak

Een van Suid-Afrika se voorste kenners van familieondernemings lewer Vrydagoggend op uitnodiging van die kultuurorganisasie, Netwerk, ‘n ontbytpraatjie by Am Weinberg Hotel in Windhoek.Prof. Elmarie...

Nog water vir Hardap en ses ander

7 ure gelede | Omgewing

Elvira Hattingh - Ses nasionale damme ontvang steeds water, met ‘n sewende een wat gister om 16:00 óók nog water gekry het.Volgens NamWater se jongste...

Oudpres. Hosni Moebarak van Egipte sterf

9 ure gelede | Internasionaal

Die voormalige Egiptiese president Hosni Moebarak is dood, het die staatstelevisie berig.Hy was 91.Moebarak is in 2011 ontsetel ná 'n bewind van sowat 30 jaar....

Nege vas oor renosterhorings

9 ure gelede | Misdaad

Nege verdagtes is verlede week in verband met renosterstropery of -horingsmokkelary in hegtenis geneem. Volgens die wildmisdaadverslag van 17 tot 23 Februarie is beslag op...

Gesoek: Namibiërs wat in China woon, studeer

11 ure gelede | Ministeries

Die Namibiese ambassade in China is in die lig van die uitbreking van die corona virussiekte (covid 19) besig om sy lys op te dateer...

Ministerie bemagtig mans én vroue

12 ure gelede | Ministeries

Die algemene siening dat die ministerie van geslagsgelykheid en kinderwelsyn net vir vroue en kinders is, is onwaar en onproduktief. “Sommige mans dink hierdie ministerie...

Damme voller

22 ure gelede | Weer

Elvira Hattingh - Terwyl 99,671 Mm³ (miljoen kubieke meter) water altesaam 10 nasionale damme die afgelope week binnegevloei het, het die weerkantoor opnuut ’n waarskuwing...

Groot kommer oor sprinkaanplaag in Zambezi

22 ure gelede | Omgewing

Ronelle Rademeyer - ’n Plaag van bruin sprinkane uit vermoedelik Botswana teister kommunale boere by Muhundu en ander nedersettings in Katima Mulilo se landelike kiesafdeling...

Weerlig slaan meisie (11) dood

22 ure gelede | Misdaad

Weerlig het Saterdag die lewe van 'n elfjarige kind geëis. Volgens die Namibiese polisie se weeklikse misdaadverslag is Aini Shilongo Saterdag omstreeks 18:00 in 'n...