Minder vroue sterf op paaie as mans
Twee en ’n half keer méér mans as vroue het vanjaar op paaie gesterf.
Ronelle Rademeyer - Van 1 Januarie tot 28 Oktober vanjaar is 317 mans in 3 042 padongelukke in die land dood, terwyl 122 vroue gesterf het.
Dit beteken 2,5 keer méér mans het op die land se paaie gesterf.
Dié statistiek is verlede week voorgelê tydens ’n padveiligheidskonferensie wat deur die Motorvoertuigongelukkefonds (MVAF) en die Automobielvereniging van Namibië (AA) aangebied is om vroue se invloed op veiliger paaie te bespreek.
Volgens die MVAF word vroue in die algemeen as veiliger padgebruikers as mans beskou en daarom kan hulle as moeders, susters, eggenote en vriendinne ’n positiewe invloed uitoefen op die padveiligheidsgedrag van die mans in hul lewe en die samelewing in die algemeen.
Dit was die eerste konferensie met dié tema in Namibië en is deur nagenoeg 150 vroue uit die privaat en openbare sektor bygewoon.
Me. Laura McLeod-Katjirua, goewerneur van die Khomasstreek, het in haar openingsrede gesê dit is belangrik dat vroue bemagtig word om die stem vir padveiligheid in die land te word.
Volgens me. Rosalia Martins-Hausiku, uitvoerende hoof van die MVAF, moet vroue hul stem laat hoor op só wyse dat dit beleide beïnvloed en bestaande norme verbreek.
Dié fonds se statistiek vir die jaar tot op 28 Oktober wys 2 891 mans is in die 3 042 padongelukke beseer, terwyl 1 648 vroue vir beserings behandel moes word.
Sy sê wat verblydend is, is die afname van 9% in die getal padongelukke in vergelyking met die ooreenstemmende tydperk verlede jaar. Verder is 31% minder mense dood en 18% minder mense beseer.
“Dit wys dat ons as ’n nasie vordering maak om padongelukke te verminder,” het Martins-Hausiku gesê en daarop gewys dit kan toegeskryf word aan beter samewerking tussen padveiligheidsvennote en die algemene publiek.
Die minister van werke en vervoer, mnr. John Mutorwa, het in sy toespraak erkenning gegee aan die goeie werk wat deur die MVAF gedoen word.
“Die fonds het oor die jare klein saadjies in die vorm van openbare opvoeding en padveiligheidsveldtogte geplant, en met sorg in die vorm van gepaste strategieë en intensiewe rolspelerbestuur is padveiligheid vandag op die nasionale agenda,” het hy gesê.
Verder het die MVAF ook bygedra tot die opgradering van standaarde by openbare gesondheidsinstellings en pasgemaakte rehabilitasieprogramme vir erg beseerde pasiënte, sê hy.
Dié fonds sê die padveiligheidsveldtog vir die 2018-feesseisoen sal binnekort bekend gestel word en doen ’n beroep op Namibiërs om te dink hoe hulle vanjaar kan bydra om die land se paaie veiliger te maak.
Dit beteken 2,5 keer méér mans het op die land se paaie gesterf.
Dié statistiek is verlede week voorgelê tydens ’n padveiligheidskonferensie wat deur die Motorvoertuigongelukkefonds (MVAF) en die Automobielvereniging van Namibië (AA) aangebied is om vroue se invloed op veiliger paaie te bespreek.
Volgens die MVAF word vroue in die algemeen as veiliger padgebruikers as mans beskou en daarom kan hulle as moeders, susters, eggenote en vriendinne ’n positiewe invloed uitoefen op die padveiligheidsgedrag van die mans in hul lewe en die samelewing in die algemeen.
Dit was die eerste konferensie met dié tema in Namibië en is deur nagenoeg 150 vroue uit die privaat en openbare sektor bygewoon.
Me. Laura McLeod-Katjirua, goewerneur van die Khomasstreek, het in haar openingsrede gesê dit is belangrik dat vroue bemagtig word om die stem vir padveiligheid in die land te word.
Volgens me. Rosalia Martins-Hausiku, uitvoerende hoof van die MVAF, moet vroue hul stem laat hoor op só wyse dat dit beleide beïnvloed en bestaande norme verbreek.
Dié fonds se statistiek vir die jaar tot op 28 Oktober wys 2 891 mans is in die 3 042 padongelukke beseer, terwyl 1 648 vroue vir beserings behandel moes word.
Sy sê wat verblydend is, is die afname van 9% in die getal padongelukke in vergelyking met die ooreenstemmende tydperk verlede jaar. Verder is 31% minder mense dood en 18% minder mense beseer.
“Dit wys dat ons as ’n nasie vordering maak om padongelukke te verminder,” het Martins-Hausiku gesê en daarop gewys dit kan toegeskryf word aan beter samewerking tussen padveiligheidsvennote en die algemene publiek.
Die minister van werke en vervoer, mnr. John Mutorwa, het in sy toespraak erkenning gegee aan die goeie werk wat deur die MVAF gedoen word.
“Die fonds het oor die jare klein saadjies in die vorm van openbare opvoeding en padveiligheidsveldtogte geplant, en met sorg in die vorm van gepaste strategieë en intensiewe rolspelerbestuur is padveiligheid vandag op die nasionale agenda,” het hy gesê.
Verder het die MVAF ook bygedra tot die opgradering van standaarde by openbare gesondheidsinstellings en pasgemaakte rehabilitasieprogramme vir erg beseerde pasiënte, sê hy.
Dié fonds sê die padveiligheidsveldtog vir die 2018-feesseisoen sal binnekort bekend gestel word en doen ’n beroep op Namibiërs om te dink hoe hulle vanjaar kan bydra om die land se paaie veiliger te maak.
Kommentaar
Republikein
Geen kommentaar is op hierdie artikel gelaat nie