Minder sit, meer speel

Goeie gewoontes vroeg gevestig

08 May 2019 | Gesondheid
Henriette Lamprecht – Minder skermtyd, minder tyd in stootwaentjies en karstoeltjies, meer slaap en meer speel.

Dít is die kern van die Wêreldgesondheidorganisasie (WHO) se onlangse verslag wat op ’n gesonde leefstyl vir kinders onder vyf jaar fokus.

‘n Onaktiewe leefstyl is geïdentifiseer as die grootste risikofaktor wat gewig laat toeneem en vetsug veroorsaak.

“Om gesondheid te bereik, beteken jy doen van die begin af wat die beste vir mense is,” sê die WHO se direkteur-generaal, dr. Tedros Ghebreyesus.

“Vroeë kinderontwikkeling is ‘n tydperk van vinnige ontwikkeling en ‘n tyd wanneer ‘n gesin se leefstylpatrone tot voordeel van hul gesondheid aangepas kan word,” sê Ghebreyesus.

Die WHO se riglyne is deur ‘n paneel kenners ontwikkel, wat gefokus het op die uitwerking van te min slaap op jong kinders, asook die tyd wat hulle voor televisie- of rekenaarskerms of in karstoeltjies en stootwaentjies deurbring.

Voorts is die voordele van verhoogde aktiwiteitsvlakke ondersoek.

Volgens die paneel kan meer fisieke aktiwiteit, minder tyd wat kinders stilsit en beter slaappatrone kinders in dié ouderdomsgroep se fisieke en geestelike welstand bevorder en die kanse op latere vetsug en verwante siektes verminder.

Meer as vyf miljoen sterftes wêreldwyd onder mense in alle ouderdomsgroepe kom voor omdat daar nie aan die huidige riglyne vir fisieke aktiwiteit voldoen word nie.

Tans is meer as 23% volwassenes en 80% tieners nie aktief genoeg nie.

Die WHO sê as gesonde fisieke aktiwiteit en genoeg slaap nie vroeg reeds deel van ‘n kind se lewe is nie, sal negatiewe patrone deur hul kinder- en tienerjare tot in volwassenheid voortduur.

“Ons moet kinders laat speel,” sê die WHO se dr. Juana Willumsen.

“Dit gaan oor ‘n skuif van stilsit na speel, terwyl slaappatrone ook beskerm word,” het sy gesê.

Volgens die WHO moet voorkeur gegee word aan interaktiewe aktiwiteite, wat nie skermtyd is nie, maar storielees, sing en legkaartbou insluit.

Van die voorstelle vir kinders jonger as ‘n jaar sluit in dat hulle op verskeie maniere en op verskillende tye deur die dag aktief is.

Dit sluit interaktiewe vloergebaseerde speletjies in.

Kinders onder vyf moet verkieslik ook nie langer as ‘n uur op ‘n slag in stootwaentjies, eetstoeltjies of op ‘n versorger se rug vasgemaak wees nie.

Babas onder drie maande behoort 14 tot 17 ure te slaap en babas tussen vier en 11 maande moet 12 tot 16 ure ’n dag slaap.

Die WHO sê kinders tussen een en twee jaar moet ten minste 180 minute aan ‘n verskeidenheid fisieke aktiwiteite deur die dag bestee. Hulle behoort ook nie langer as ‘n uur op ‘n slag in ‘n eetstoeltjie of stootwaentjie deur te bring nie. ‘n Groot nee vir eenjariges is enige skermtyd voor ‘n rekenaar of ‘n televisie.

Drie- tot vierjariges behoort ten minste 180 minute aan ‘n verskeidenheid fisieke aktiwiteite te spandeer, met 60 minute wat matige tot intensiewe fisieke aktiwiteite insluit.

Voorts maan die WHO dié kinders behoort nie langer as ‘n uur op ‘n slag in stootwaentjies deur te bring nie, en skermtyd kan tot ‘n uur op ‘n slag beperk word.

Volgens die gesondheidsorganisasie het die riglyne ten doel om ‘n gaping te vul wat nie in 2010 se wêreldriglyne vir fisieke aktiwiteit vir gesondheid ingesluit is nie.

Dit dra ook by tot die implementering van die kommissie wat vetsug onder kinders wil beëindig se voorstelle, sowel as die wêreld- aksieplan vir fisieke aktiwiteit vir 2018 tot 2030.

Soortgelyk

 

Etosha Sondagmiddag deur aardbewing geskud

1 uur gelede | Omgewing

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Is groot Beethoven-feesjaar van die baan?

1 uur gelede | Kuns en vermaak

Groot feesvierings is wêreldwyd en veral in Duitsland en Oostenryk beplan ter herdenking van die komponis Ludwig van Beethoven se 250ste geboortejaar. Elretha Britz van...

Naam bekend van Namibiër wat in Engeland aan Covid-19...

1 uur gelede | Gesondheid

Ronelle Rademeyer - Die Namibiër wat Saterdag in Nottingham, Engeland, aan die coronavirussiekte (Covid-19) dood is, se naam is bekend gemaak.Hy is die 56-jarige mnr....

Paspoorte: Lorriedrywers kry voorkeur

2 ure gelede | Regering

Denver Kisting – Die ministerie van binnelandse sake, immigrasie, veiligheid en sekuriteit het by monde van sy woordvoerder, mnr. Sakeus Kadhikwa, ontken hulle reik tans...

Meer as 3 000 vir Covid-19 getoets

3 ure gelede | Gesondheid

Die adjunkminister van gesondheid en maatskaplike dienste me. Esther Muinjangue sê 3 186 weefselmonsters is tot op hede vir Covid-19 getoets. Namibië het tans 21...

Moody's-klap voor begroting

13 ure gelede | Regering

Jo-Maré Duddy – Op die vooraand van finansminister Iipumbu Shiimi se debuutbegroting sit die regering nie net kniediep in die rommel nie, maar verskraal sy...

Kwarantyn-drama ry lorriedrywers

13 ure gelede | Gesondheid

Leandrea Louw op Walvisbaai – Die vragmotorbestuurder wat die afgelope naweek positief vir Covid-19 getoets het, sê sy voormalige werkgewer het hom en sy kollega...

Man voor hof ná 'hardhandigheid'

13 ure gelede | Misdaad

Denver Kisting – 'n Inwoner van Groot Aub, mnr. Richard Davids, wat aanvoer 'n beampte van die stadspolisie het hom verlede week aangerand, is Vrydag...

Weer, Dinsdag 26 Mei 2020

13 ure gelede | Weer

WEERWAAK: Koue tot baie koue toestande word in die Suide, die Weste en oor die Khomas- en Omahekestreek verwag. Tref voorsorg.BINNELAND: Gedeeltelik bewolk en koud...