Minder plastiek in die duine

29 April 2019 | Omgewing
Tanja Bause – Die Otto Herrigel Envionmental Trust (Ohet) het Swakopmund se supermarkte in Desember verlede jaar versoek om ’n vrywillige tarief van N$1 op plastieksakke te hef.

Volgens me. Angela Burrell van die trust het die Spar-supermark hierdeur binne drie maande N$65 000 ingesamel, wat aan ouetehuise en die Namibië Boere se droogtehulpfonds geskenk is.

“Die ander supermarkte moet nog aandui hoeveel geld hulle ingesamel het en aan watter organisasies hulle dit gaan skenk,” het Burrell gesê.

Op Swakopmund is die Spar, Food Lover’s Market, Pick n Pay, Shoprite, Checkers en Woolworths deel van die projek.

“Van 1 Mei af sal verskeie supermarkte op Walvisbaai en Hentiesbaai ook N$1 per plastieksak begin vra. Die inkomste hieruit sal ook aan liefdadigheid geskenk word.

“Drie maande ná die implementering van die projek gebruik Swakopmund se supermarkte tot 80% minder plastieksakke. Die doel hiervan is om besoedeling in die see en op land te verminder.

“Ons moedig alle besighede aan die kus en in die hele land aan om die supermarkte op Swakopmund se voorbeeld te volg en nie te wag tot ’n wet geïmplementeer word nie. Elke besigheid het die reg om geld te vra vir ’n plastieksak en het geen toestemming van enige instansie nodig nie. Dit is elke besigheidseienaar of bestuurder se eie besluit.

“Dié besluit sal ’n groot verskil aan die toekoms van Namibië se omgewing maak,” lui ’n verklaring wat Ohet uitgereik het.

Ohet is ’n nieregeringsorganisasie vir omgewingsbewaring wat projekte en aktiwiteite in Namibië te ondersteun wat die bewaring van biodiversiteit, of die ekologies volhoubare gebruik van natuurlike hulpbronne in Namibië tot voordeel van Namibiese gemeenskappe bevorder.

Die trust wil bewustheid skep, opvoeding verskaf en die omgewing deur positiewe verandering verbeter.

Ohet werk nou met verskeie plaaslike gemeenskappe en belanghebbendes saam om natuurlike hulpbronne en biodiversiteit te bewaar.

Soortgelyk

 

Bank en depot sal nie sluit nie, sê Peya

14 minute gelede | Regering

Denver Kisting – Die minister van inligting en kommunikasietegnologie, dr. Peya Mushelenga (foto, Nampa), sê mnr. Knowledge Ipinge, raadslid van die Walvisbaai- stedelike kiesafdeling, het...

Namibië het nou 22 bevestigde Covid-19-gevalle

22 minute gelede | Gesondheid

Namibië se jongste bevestigde geval van Covid-19, geval nr. 22, is in 'n kritieke toestand en gekoppel aan 'n ventilator in 'n intensiewesorgeenheid aan die...

B-dag: Maak of breek

10 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

10 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

10 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

10 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

10 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

10 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

10 ure gelede | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...