Min rommelhope in orde

23 August 2019 | Regering
Ogone Tlhange – Verskeie munisipaliteite oraloor die land is tans besig om hul rommelsake in orde te kry.

Volgens die ministerie van die omgewing en toerisme se nuwe regulasies moet munisipaliteite, myne en ander nywerheidsgebiede se stortingsterreine oor omgewingsimpakstudies (EIAs) beskik.

Tot dusver het slegs 11 plaaslike munisipaliteite glo geldige EIAs.

Die ministerie se omgewingsbestuurwet is in 2012 afgekondig en hiervolgens het die ministerie ’n proses van stapel gestuur waartydens met plaaslike owerhede en streekrade geskakel word om standaarde vir afvalbestuur te verbeter en om te verseker alle stortingsterreine doen aansoek om omgewingsklaringsertifikate.

Van die regulasies het ingesluit munisipaliteite moet EIAs vir alle bestaande en beoogde stortingsterreine indien.

Die Keetmanshoop-munisipaliteit werk tans daaraan om aan die nuwe regulasies te voldoen.

Dié dorp is van plan om hul bestaande, ou stortingsterrein te sluit en ’n nuwe een op te rig, sê mnr. Jegg Christiaan, ekonomiese ontwikkelingsbestuurder.

“Ons het ’n omgewingskenner aangestel wat die bestaande terrein opgeknap het,” sê hy.

Volgens Christiaan bestaan ’n EIA vir die nuwe stortingsterrein en is dit goedgekeur.

“Geld is vir die rehabilitasie van die ou stortingsterrein beskikbaar gemaak.”

Volgens die munisipaliteit is alles moontlik gedoen om te verseker die nuwe stortingsterrein voldoen aan die voorgeskrewe regulasies.

Mnr. Luke Salomo, woordvoerder van die Grootfontein-munisipaliteit, sê dié dorp se stortingsterrein is nie op standaard nie omdat dit ’n tydelike terrein is.

Volgens hom is die munisipaliteit nog besig met beplanning en sal werksgeleenthede geadverteer word.

Mnr. Charlie Ntema, ekonomiese ontwikkelingsbeampte by die Katima Mulilo-munisipaliteit, sê hulle is tans besig om oor ’n stuk grond te onderhandel waar hul stortingsterrein geleë sal wees.

Die ministerie het die stadsraad aangeraai om die ou stortingsterrein te sluit.

“’n Moontlike terrein is geïdentifiseer, maar dit val buite die stad se grense. Ons onderhandel tans met die tradisionele owerhede aan wie die grond behoort. Ons het ’n aansoek aan die ministerie gestuur en sodra ons die grond het, sal ons aansoek om ’n EIA doen,” sê Nteme.

Mnr. Benjamin Makayi, woordvoerder van die Rundu-stadsraad, het bevestig die munisipaliteit het wel ’n EIA vir hul stortingsterrein.

Volgens me. Catherine Boois, ekonomiese ontwikkelingsbeampte, is Mariental se munisipaliteit besig om aansoek om ’n EIA te doen.

Ondanks die gebrek aan ’n EIA het die munisipaliteit sy stortingsterrein laat omhein.

Mnr. Pohamba Shifeta, minister van die omgewing en toerisme, het vroeër vandeesmaand sy misnoeë te kenne gegee met die feit dat sommige munisipaliteite die afvalkwessie nie voldoende pak nie.

Volgens die ministerie voldoen slegs 11 munisipaliteite aan huidige regulasies.

Dit sluit in die munisipaliteite van Windhoek, Walvisbaai, Swakopmund, Okahao, Oranjemund, Oshakati, Ruacana, Rundu, Ondangwa, Eheke en Epukiro.

Soortgelyk

 

Meegesleurde Okahandja-vrou steeds soek

44 minute gelede |

Elvira Hattingh - Die 42-jarige vrou wat gisteroggend deur die water meegesleur is toe sy en twee ander mense die Okahandjarivier te voet wou oorsteek,...

Hardap kry 19 Mm³ water sedert Maandag

1 uur gelede | Omgewing

Elvira Hattingh - Sedert die afgelope Maandag het die Hardapdam ’n reusehoeveelheid water bygekry, naamlik 19,523 Mm³ (miljoen kubieke meter). Die dam is nou 27,2%...

Nóg twee kietsies kry nekbande

2 ure gelede | Omgewing

Nóg twee swartpootwildekatte is in die vroeë oggendure met nekbande toegerus. Prof. Morgan Hauptfleisch en sy span van die Black-Footed Cat Working Group is tans...

Okahandja-kleinhoewe oorstroom weer

13 ure gelede | Weer

Elvira Hattingh - Terwyl die polisie gistermiddag bevestig het ‘n vrou is nog soek nadat die Okahandjarivier haar vroeg gisteroggend meegesleur het, was ‘n kleinhoewe-eienaar...

Geingob stil oor kleiner kabinet

13 ure gelede | Regering

Denver Kisting – Ten spyte van die groot gewag daaroor in sy Oujaarsrede weet Namibiërs nog nie hoe groot pres. Hage Geingob se verkleinde kabinet...

Eerste swartpootwildekat kry nekband

13 ure gelede | Omgewing

Francoise Steynberg - Daar is geskiedenis gemaak toe Namibië se eerste swartpootwildekat vandeesweek met 'n nekband toegerus is. "Om die klein katjies op te spoor,...

Weer vir 27 Februarie 2020

13 ure gelede | Weer

WEERWAAK: Verspreide donderbuie sal oor die noordelike streke en Omaheke- en Khomasstreek voortduur waar kitsvloede verwag word. Die nodige voorsorgmaatreëls moet getref word. BINNELAND: Gedeeltelik...

Drie stroop glo renoster in Etosha

13 ure gelede | Misdaad

Francoise Steynberg - Nege verdagtes is verlede week in verband met renosterstropery of -horingsmokkelary in hegtenis geneem. Vanaf 17 tot 23 Februarie is beslag op...

Droogte: Baie boere wurg nog

13 ure gelede | Landbou

Ronelle Rademeyer - Foto’s van vol riviere, opgaardamme waarvan die vlakke styg en panne water langs die pad en in die veld het die afgelope...