Miljoene gevra ná ongeluk leerling eis

‘Bestuurder roekeloos, onder invloed’

11 November 2019 | Howe
Henriette Lamprecht – Die ouers van ’n matriekleerling wat in 2016 in ’n motorongeluk dood is en waarin haar vriend ernstig beseer is, dagvaar die bestuurder van die ander voertuig vir miljoene in skadevergoeding.

Dunja von Dewitz het op 15 Oktober 2016 in ’n ongeluk in Windhoek op Mandume Ndemufayoweg gesterf waarin haar vriend, Roedolf Jaco (RJ) Visser, ernstig beseer is.

Von Dewitz se ouers, mnr. Jochen en me. Erna von Dewitz, eis saam met Visser se ouers, me. Alieta en mnr. Werner Wiese, byna N$11 miljoen van mnr. Jacobus van Schalkwyk, die bestuurder van die voertuig.

Van Schalkwyk se ouers, mnr. Piet en me. Liezl van Schalkwyk, is die tweede en derde respondente.

Hy is ná die ongeluk van strafbare manslag aangekla. Volgens hofstukke het hy voor die ongeluk teen ’n hoë spoed, roekeloos en onder die invloed van alkohol bestuur.

Von Dewitz het weens ’n ernstige kopbesering gesterf, terwyl Visser ook ernstige kopbeserings gehad het en vir drie dae ná die ongeluk in ’n koma was.

Volgens hofstukke ervaar hy steeds woede en skuldgevoelens weens Von Dewitz se dood en is hy angstig wanneer hy ’n voertuig bestuur.

Hy ontvang steeds psigiatriese behandeling. Die mediese fonds waaraan hy behoort het net N$286 253 van sy mediese uitgawes gedek.

Die Motorvoertuigongelukkefonds (MVAF) het ten spyte van eise wat ingedien is, geen uitbetalings gemaak nie. Visser eis N$4,7 miljoen vir onder meer mediese uitgawes, die verlies aan ’n toekomstige inkomste, emosionele skok en psigiatriese skade.

Volgens die Von Dewitz-egpaar ly hulle sedert die verlies van hul dogter aan depressie en posttraumatiese stres.

Hulle ontvang steeds sielkundige behandeling, gebruik antidepressante en sukkel om in sosiale omstandighede te funksioneer.

Erna het ook ’n “sielkundige, abnormale weersin en antagonisme” teenoor enigiets ontwikkel wat met motorongelukke verband hou – tot so ’n mate dat sy “buitensporig verward, benoud en kwaad” raak wanneer sy die geluid van ’n motor hoor.

Volgens die egpaar sou Von Dewitz die bestuur van hul familieplaas Otjundji in die Okahandjadistrik oorneem wanneer hulle aftree.

Haar pa eis N$2,5 miljoen vir onder meer ’n verlies aan ondersteuning en emosionele skok, terwyl Erna N$3 miljoen eis.

Die Wiese-egpaar se eis beloop meer as N$800 000 vir onder meer die gedeeltelike verlies aan inkomste.

Van Schalkwyk is in Desember 2016 van strafbare manslag aangekla en dat hy Von Dewitz se dood “onregmatig en weens nalatigheid” veroorsaak het.

Alternatiewelik tot die eerste klag is Van Schalkwyk volgens die padverkeerwet van roekelose of nalatige bestuur aangekla.

Dié klag teen hom is volgens hofdokumente in Junie 2017 “voorlopig” teruggetrek omdat die ondersoek toe nog nie afgehandel was nie.

Die saak is tans van die hofrol geskrap, maar wanneer die ondersoek voltooi is, sal dit volgens hofdokumente “weer terug op die rol geplaas word”.

Soortgelyk

 

Verskeie staatskole in Windhoek sonder water, krag

2 ure gelede | Onderwys

Meer as tien staatskole in Windhoek is reeds vir dae sonder krag en water, nadat toevoer deur die munisipaliteit afgesny is. Die skole wat geraak...

Hardapkrane lóóp

2 ure gelede | Landbou

Elvira Hattingh - Watertoevoer in die besproeiingskanaal op die Hardapskema het reeds 05:00 vanoggend weer afgeskop. Dit volg nadat NamWater se uitvoerende hoof, mnr. Abraham...

‘Skaapdiefstal’ lei tot treurspel ...

11 ure gelede | Howe

Francoise Steynberg - Die beweerde diefstal van 30 skape by ’n bekende ruskamp buite Keetmanshoop het Maandag glo tot die dood van ’n vermeende skaapdief,...

’n Uitspansel vol belofte

11 ure gelede | In beeld

Mnr. Ettienne Rossouw het dié foto gistermiddag om 15:00 in Suid-Namib geneem en op die Facebook-blad “Namibië Reënval” gedeel. “Kyk hoe bou die wolke. Belowend!”...

Itula slyp sy tande opnuut

11 ure gelede | Howe

Denver Kisting – Dae nadat die hooggeregshof beslis het Namibiërs keer nie terug stembus toe nie, het die voormalige onhafhanklike presidensiële kandidaat, dr. Panduleni Itula,...

Corona draai in parlement

11 ure gelede | Regering

Augetto Graig – Die Swapo-agterbanker en parlementslid me. Pendukeni Iivula-Ithana het gistermiddag die minister van hoër onderwys, opleiding en vernuwing, dr. Itah Kandjii-Murangi, oor die...

Krokodil val man aan

11 ure gelede | Misdaad

Francoise Steynberg Omstanders het tevergeefs probeer om 'n 45-jarige man uit die kake van 'n krokodil in die Zambezirivier by Impalila-eiland te red. Volgens die...

Weer, Woensdag 12 Februarie 2020

11 ure gelede | Weer

BINNELAND: Gedeeltelik bewolk en baie tot bloedig warm met enkele tot geïsoleerde donderbuie in die Oshikoto-, Kavango-, Zambezi-, Otjozondjupa-, Omaheke-, Khomas-, Hardap- en //Kharasstreek. Elders...

Oudonnie weer in Maart voor hof

11 ure gelede | Howe

Denver Kisting – Tydens ’n bondige verskyning in die Rehoboth-landdroshof Maandag het ’n 69-jarige, wat daarvan beskuldig word dat hy sy agtjarige dogter verkrag het,...