Miljard vir die bekamping van MIV/vigs
Die Amerikaanse ambassade in Namibië werk saam met die ministerie van gesondheid en maatskaplike welsyn om te verseker dat meer Namibiërs hulself vrywillig vir MIV/vigs laat toets.
Estelle de Bruyn - Die Amerikaanse regering het vir die finansiële jaar wat op 1 Oktober begin US$72,3 miljoen (nagenoeg N$1 miljard) bewillig om Namibië in die stryd teen MIV/vigs by te staan.
Dit is Vrydag deur Amerika se ambassadeur, mnr. Thomas Deaton, tydens 'n nuuskonferensie in Windhoek bekend gemaak.
MIV/vigs bly die grootste oorsaak van sterftes in Namibië.
Nagenoeg 3 900 mense het verlede jaar aan die siekte beswyk, en 13,3% van mense tussen die ouderdom van 15 en 49 jaar is MIV-positief.
Die N$1 miljard wat vir die komende finansiële jaar bewillig is, sal aangewend word om die oordrag van moeders na kinders te voorkom, om sorg en behandeling aan volwasse- en pediatriese pasiënte te verskaf, asook vir voorkoming, manlike besnyding, berading en toetsing, en sorg vir wees- en weerlose kinders.
Dié bystand kom ingevolge die Amerikaanse president se noodplan vir vigs-verligting (Pepfar) wat in 2005 onder oudpres. George W. Bush se leiding tot stand gebring is. Namibië was een van die lande wat uitgesonder is vir bystand. In totaal het Namibië reeds nagenoeg N$13,99 miljard sedert 2005 ontvang.
Namibië vaar ook goed wat die Verenigde Nasies (VN) se program vir die bekamping van MIV/vigs (UNAids) betref.
Dié program wil seker maak dat 90% van die bevolking getoets is vir MIV/vigs en dat diagnoses gemaak is, dat 90% van diegene wat gediagnoseer is anti-retrovirale behandeling (ARV) ontvang, en dat 90% van diegene wat ARV ontvang, se simptome onderdruk is.
In Namibië is 85% van die bevolking getoets en gediagnoseer, 86% van gediagnoseerdes ontvang ARV en by 84% van dié mense is die simptome onder beheer. Volgens UNAids was daar in 2016 tussen 200 059 en 236 933 mense met MIV/vigs in Namibië.
Volgens Deaton bly die grootste uitdaging om diegene wat nie getoets is nie, te laat toets.
GROOT UITDAGINGS
Met Pepfar se hulp is 300 849 Namibiërs verlede jaar vir MIV/vigs getoets en 14 961 pasiënte is met die siekte gediagnoseer, van wie 14 012 ARV's ontvang. Manlike besnyding help om die verspreiding van MIV/vigs te voorkom met tot soveel as 60%. Sowat 15 116 manlike besnydenisse is verlede jaar in Namibië gedoen. Altesaam 95 362 Namibiërs het verlede jaar gratis voorkomingspakkette, wat kondome insluit, ontvang, en bystand is aan 12 403 wees- en weerlose kinders verleen. Volgens Deaton hou landelike gebiede die grootste uitdaging in, ondanks die afgelope 14 jaar se merkwaardige vordering.
Die land se operasionele plan, wat op 1 Oktober in werking tree, is pas voltooi en dit word in samewerking met die ministerie van gesondheid en maatskaplike dienste gedoen.
Sowat US$72,3 miljoen is vir die belastingjaar wat op 1 Oktober begin, goedgekeur. Bush het gesê die stryd is nie gewonne nie en Amerika moenie ophou om die bekamping van MIV/vigs te steun nie.
Namibië is merkwaardig in Afrika, omdat die regering vir 65% van die koste vir die bekamping van MIV/vigs verantwoordelik is.
Dit is Vrydag deur Amerika se ambassadeur, mnr. Thomas Deaton, tydens 'n nuuskonferensie in Windhoek bekend gemaak.
MIV/vigs bly die grootste oorsaak van sterftes in Namibië.
Nagenoeg 3 900 mense het verlede jaar aan die siekte beswyk, en 13,3% van mense tussen die ouderdom van 15 en 49 jaar is MIV-positief.
Die N$1 miljard wat vir die komende finansiële jaar bewillig is, sal aangewend word om die oordrag van moeders na kinders te voorkom, om sorg en behandeling aan volwasse- en pediatriese pasiënte te verskaf, asook vir voorkoming, manlike besnyding, berading en toetsing, en sorg vir wees- en weerlose kinders.
Dié bystand kom ingevolge die Amerikaanse president se noodplan vir vigs-verligting (Pepfar) wat in 2005 onder oudpres. George W. Bush se leiding tot stand gebring is. Namibië was een van die lande wat uitgesonder is vir bystand. In totaal het Namibië reeds nagenoeg N$13,99 miljard sedert 2005 ontvang.
Namibië vaar ook goed wat die Verenigde Nasies (VN) se program vir die bekamping van MIV/vigs (UNAids) betref.
Dié program wil seker maak dat 90% van die bevolking getoets is vir MIV/vigs en dat diagnoses gemaak is, dat 90% van diegene wat gediagnoseer is anti-retrovirale behandeling (ARV) ontvang, en dat 90% van diegene wat ARV ontvang, se simptome onderdruk is.
In Namibië is 85% van die bevolking getoets en gediagnoseer, 86% van gediagnoseerdes ontvang ARV en by 84% van dié mense is die simptome onder beheer. Volgens UNAids was daar in 2016 tussen 200 059 en 236 933 mense met MIV/vigs in Namibië.
Volgens Deaton bly die grootste uitdaging om diegene wat nie getoets is nie, te laat toets.
GROOT UITDAGINGS
Met Pepfar se hulp is 300 849 Namibiërs verlede jaar vir MIV/vigs getoets en 14 961 pasiënte is met die siekte gediagnoseer, van wie 14 012 ARV's ontvang. Manlike besnyding help om die verspreiding van MIV/vigs te voorkom met tot soveel as 60%. Sowat 15 116 manlike besnydenisse is verlede jaar in Namibië gedoen. Altesaam 95 362 Namibiërs het verlede jaar gratis voorkomingspakkette, wat kondome insluit, ontvang, en bystand is aan 12 403 wees- en weerlose kinders verleen. Volgens Deaton hou landelike gebiede die grootste uitdaging in, ondanks die afgelope 14 jaar se merkwaardige vordering.
Die land se operasionele plan, wat op 1 Oktober in werking tree, is pas voltooi en dit word in samewerking met die ministerie van gesondheid en maatskaplike dienste gedoen.
Sowat US$72,3 miljoen is vir die belastingjaar wat op 1 Oktober begin, goedgekeur. Bush het gesê die stryd is nie gewonne nie en Amerika moenie ophou om die bekamping van MIV/vigs te steun nie.
Namibië is merkwaardig in Afrika, omdat die regering vir 65% van die koste vir die bekamping van MIV/vigs verantwoordelik is.
Kommentaar
Republikein
Geen kommentaar is op hierdie artikel gelaat nie