Mielies: Te veel reën kan plantery rem

07 January 2021 | Landbou
Ronelle Rademeyer – Sonder reën kan mielieboere nie plant nie, maar té veel reën hou hulle ook uit die lande.

Dit is tans die situasie in die mieliedriehoek tussen Otavi, Grootfontein en Tsumeb waar die grootste hoeveelheid droëlandverbouing gedoen word.

Mnr. Gernot Eggert, voorsitter van die Akkerbouprodusentevereniging (APV), sê voor die groot reën van die afgelope week het produsente “net hier en daar” al begin plant. “Die grootste gedeelte moet nog geplant word, maar dit hang af van wanneer ons in die lande kan kom.”

Hy sê die sanderige grond droog vinniger uit, maar landerye waar die klei-inhoud van die grond hoog is, bly lank nat. “As die lande te nat is, kan ons nie met die trekkers inkom om te begin plant nie.”

Hy sê ‘n paar boere het in goeie geloof “droog” geplant voor die eerste reën geval het, maar die oorgrote meerderheid moet nou eers plant.

“Ons kan tot einde Januarie plant ... As die seisoen laat is, dalk tot so die eerste week in Februarie. Maar daarna is dit te laat.”

In goeie reënseisoene word tot soveel as 12 000 hektaar mielies in dié gebied onder droëlandtoestande verbou, sê Eggert.

Hy sê dit is kritiek belangrik dat boere so vinnig as moontlik kans kry om klaar te plant. Té veel reën, sê hy, kan plantery in die wiele ry.

MAHANGU

In die noordelike kommunale gebiede (NCA) is kleinboere ook fluks besig om mahangu te plant.

Dr. Fidelis Mwazi, hoof uitvoerende beampte van die Akkerbouraad van Namibië (NAB), sê dit het genoeg gereën om vir ten minste die volgende vier weke ontkieming en groei moontlik te maak.

Hy sê as die reënverspreiding tot einde Maart goed is, kan Namibië baie goeie mahangu- en mielieoeste hê.

“Dit is nie goed as ’n klomp reën val en daarna is dit lank droog nie. Dit moet goed deur die seisoen versprei word,” sê Mwazi.

Hy sê Namibië se gemiddelde witmielie-verbruik die afgelope tien jaar, was 154 308 ton per jaar. Daarvan word net sowat 35% plaaslik verbou. Die res moet ingevoer word.

Die jaarlikse mahangu-verbruik in die formele mark beloop 4 558 ton per jaar, waarvan net 23% plaaslik verbou word, sê Mwazi.

Die NAB doen in Februarie en Maart oesvooruitskattings vir dié somergraangewasse, sê hy.

Intussen het hy produsente versoek om hul landerye goed dop te hou vir sprinkane en ander peste soos die herfskommandowurm en dadelik die ministerie van landbou, water en grondhervorming in kennis gestel indien hulle dit gewaar.

- [email protected]

Soortgelyk

 

Gesondheidswerkers, leerlinge en onderwysers deel van 343 nuwe gevalle

1 uur gelede | Gesondheid

Sewe Covid-19-verwante sterftes is vandag aangekondig en wel vier in Windhoek, twee in Swakopmund en een in Grootfontein. Die sterftes in Windhoek sluit 'n 63-jarige...

Moller, Hatuikulipi se belange onder vergrootglas

16 ure gelede | Misdaad

Hoofredaksie – Een van die transaksies wat deur die Teenkorrupsie-kommissie (ACC) as deel van die Fishrot-ondersoek gefynkam word, is 'n bedrag van N$8 miljoen wat...

Rekening van N$151 000 bly toe 'jakkals' gly

16 ure gelede | Misdaad

Francoise Steynberg – 'n Vermeende glyjakkals wat vir 'n maand saam met sy gesin in 'n gastehuis op Swakopmund gebly en glo nie betaal het...

Mans vas oor vervalsing van Covid-19-toetsuitslae

16 ure gelede | Misdaad

Kristien KrugerTwee Zimbabwiese mans is Saterdag omstreeks 12:00 op Katima Mulilo in hegtenis geneem vir die besit was vervalste Covid-19 laboratoriumtoetsverslae van PathCare Namibië.Die mans...

Reënweer bring groot skade

16 ure gelede | Weer

Kristien Kruger – Terwyl Namibië die derde week van swaar neerslae binnegaan, is groot skade reeds aan paaie, landerye en ander infrastruktuur aangerig. Windhoekers is...

Weer vir 11 Januarie 2021

16 ure gelede | Weer

BINNELAND: Gedeeltelik bewolk en baie warm in die Noordweste, verre Weste en dele van die //Kharasstreek. Elders sal dit bewolk en warm tot baie...

Regering slaan toe op klaringsagente

16 ure gelede | Regering

Phillepus Uusiku – Die regering is in die finale fase van die instelling van strenger maatreëls vir die lisensiëring van klaringsagente.Die instellings beoog om die...

Nafau wen in hof teen Shoprite

16 ure gelede | Arbeid

Kristien Kruger en Adolf Kaure – Stakende Shoprite-werknemers was Vrydagmiddag verjuig toe die hoërhof in Windhoek beslis het dat ’n interdik teen die Shoprite-winkelgroep uitgereik...

Op die spoor van Hardapdam se opvangsgebiede

16 ure gelede | Infrastruktuur

Kallie Pauw (gasskrywer)Die onlangse wonderlike reën in groot dele van Namibië en verslae daaroor en foto's van vol riviere en dansende boere het mense (soos...