Metromans laat die geld behoorlik inrol

Ekonomiese faktor

17 May 2019 | Sakenuus
Francois Williams – Die metroman word ’n ekonomiese faktor in Suid-Afrika. Die skoonheidsalon Sorbet se afdeling vir mans, Sorbet Man, het in hul eienaar Long4Life se afgelope boekjaar alle groeiverwagtinge oorskry en het nou 21 takke.

Sorbet het 207 takke landwyd en die belangstelling van potensiële franchise-eienaars is steeds sterk, sê Long4Life in die kommentaar op sy resultate vir die boekjaar tot einde Februarie.

Dit is die groep se eerste jaarsyfers sedert sy notering op die JSE in April 2017. Long4Life word gelei deur die veteraan-entrepreneur Brian Joffe.

Sorbet is oorspronklik in 2004 deur die entrepreneur Ian Fuhr begin. Hy het sy groep skoonheidswinkels in 2017 aan Long4Life verkoop.

Business Insider berig Fuhr het ná die transaksie in 2017 besluit om Sorbet in Brittanje uit te brei, maar dié inisiatief het misluk en die vier takke daar is teen die einde van Januarie gesluit.

Fuhr het self teen Februarie vanjaar besluit om halt te roep en het uit die onderneming bedank.

Intussen het Sorbet tuis sy beheergroep se verwagtinge oortref en vir die eerste keer sy omset vir die jaar tot meer as R100 miljoen opgestoot. Dit is 19% beter as die vorige jaar. Sorbet se handelswins het met 74% geklim.

Long4Life beplan ’n opknap van sowat 60 van die bestaande Sorbet-takke in die lopende jaar. Benewens Sorbet Man is Sorbet Salons, Nail Bars, Dry Bars en Candi & Co deel van die reeks handelsnaam-takke binne Sorbet.

Sorbet SK-N is ’n nuwe velbehandelingsaanbod wat vandeesmaand in Hyde Park Corner in Johannesburg oopgemaak gaan word.

Sportklere

Long4Life se sport- en ontspanningsafdeling, wat uit onder meer Sportsmans Warehouse en Outdoor Warehouse bestaan, het minder opwindende groei getoon.

Sportsmans Warehouse het in die boekjaar ’n nuwe, kleiner soort winkel bekend gestel wat meer daarop gemik is om binne ’n winkelsentrum te pas as op ’n alleenstaande perseel.

Drie van die nuwe konsepwinkels is in die afgelope jaar geopen - in die Rosebank Mall, Sandton City en die Eikestad Mall in Stellenbosch.

Sportsmans Warehouse het nou ’n totaal van 43 takke. Die volgende winkel van dié aard maak vandeesmaand in die Eastgate Mall aan die Oos-Rand oop. Bestaande takke sal oor die volgende drie jaar aangepas word met nuwe ontwerp-elemente.

Outdoor Warehouse se verkopegroei was in die boekjaar effe traag op 3,3%. Long4life skryf dit toe aan prysdeflasie en die Desember-skoolvakansie wat korter was as gewoonlik, wat ’n demper geplaas het om mense se tradisionele uitkamp-vakansies, en dus ook op hul vraag na buitelewe-produkte. Outdoor Warehouse moes selfs twee van sy winkels verklein om kostedoeltreffendheid te verbeter. Outdoor Warehouse het 26 takke en ’n nuwe tak gaan later vanjaar in Randburg oopmaak.

Speedo

Long4Life se Performance Brands-afdeling het die eksklusiewe verspreidingsregte vir Speedo se swemdrag gekry. Die kontrak geld van Januarie 2020.

Performance Brands besit, vervaardig en versprei sport- en buitelewe-kleredrag van First Ascent, Capestorm, Second Skins, OTG Active en African Nature. Dié afdeling se totale eksterne verkope het met 2,5% gekrimp, en verkope via Long4life se eie kleinhandeltakke het met net 0,5% gegroei.

Koeldrank

Die groep se koeldrank-afdeling is effe geraak deur beurtkrag, wat sy aanlegte in Stellenbosch (Chill Beverages) en Heidelberg in Gauteng (Inhle Beverages) geraak het. Maar die watertekorte in die Wes-Kaap het nie juis ’n effek gehad nie.

Die suikerbelasting wat op 1 April 2018 van krag geword het, het nie juis verbruiksvolumes geraak nie, maar het die afdeling se winsmarges effe geraak.

Long4Life het Inhle in 2017 gekoop en Chill Beverages in 2018. Chill Beverages vervaardig die ikoniese Wes-Kaapse koeldrank Bashews, die energiedrankie Score, die mengdrankies Fitch & Leedes, en die vonkelwyn-in-’n-blikkie genaamd Chateau del Rei.

Soortgelyk

 

Katrina bedank

4 ure gelede | Misdaad

Denver Kisting – Katrina Hanse-Himarwa het pas as minister van onderwys, kuns en kultuur bedank.Dít kom nadat sy gister in die hoërhof in Windhoek aan...

Saturnus kom vanaand náby

6 ure gelede | Omgewing

Vanaand is die beste tyd om na die planeet Saturnus te kyk omdat dit op sy helderste en grootste vir vanjaar sal vertoon. Vir...

Hanse-Himarwa se getuienis vals, sê hof

20 ure gelede | Howe

Denver Kisting – Nadat die hof al die getuienis in ag geneem het, is die enigste gevolgtrekking die staat het bo redelike twyfel bewys Katrina...

Katrina se toekoms duister

20 ure gelede | Howe

Denver Kisting – Teen gistermiddag was pres. Hage Geingob nog stil oor een van sy kabinetsministers wat aan korrupsie skuldig bevind is.Katrina Hanse-Himarwa, die minister...

Jessné struts her stuff

20 ure gelede | Mense

Mariselle Stofberg Even though Jessné Swart is only in grade 5, she has already made a name for herself in the modelling industry. Her love...

Weer vir 9 Julie 2019

20 ure gelede | Weer

WEERWAAK: Ooswindtoestande sal oor die kus vir die res van die week heers, asook stofstorms op plekke.BINNELAND: Koud aanvanklik, andersins mooi weer en warm tot...

Eenjarige brand in sinkhuis dood

20 ure gelede | Misdaad

Tanja Bause – Twee mense het die afgelope naweek doodgebrand toe hul sinkhuise aan die brand geslaan het. Volgens die Namibiese polisie se misdaadverslag het...

Bekentenis was glo vrywillig

20 ure gelede | Howe

Erwin Leuschner op Swakomund – Mnr. Ernst Lichtenstrasser, wat van die moorde op mnre. Eckhart Mueller en Heimo Hellwig aangekla is, was ten tyde van...

Dragtige ietermagô uit drom gered

20 ure gelede | Misdaad

Francoise Steynberg - ’n Ietermagô wat dae lank in ’n brandstofdrom gelos is, se verhaal het ’n gelukkige einde.Volgens me. Maria Diekmann, van die Rare...