Melkoorlog versuur verder
Die prysoorlog tussen plaaslike en ingevoerde produkte melk die suiwelbedryf opnuut.
Ronelle Rademeyer - Namibië se melkboere, wat reeds om oorlewing veg, kry op 1 April 'n verdere terugslag wanneer die prys waarteen hulle roumelk aan Namibia Dairies lewer, met 10c per liter verlaag word.
Daar is Vrydag in Windhoek op hierdie verlaging ooreengekom nadat die suiwelverwerker die prys aanvanklik met 20c per liter afwaarts wou aanpas.
Hierdie nuutste krisis in die land se geteisterde suiwelbedryf volg nadat Namibies geproduseerde melk opnuut op winkelrakke met spotgoedkoop langlewemelk en melkmengsels uit Suid-Afrika moet meeding.
Van die Suid-Afrikaanse produkte word tans in Namibië vir so min as N$10 en N$11,99 per liter verkoop.
“Dit is onmoontlik dat melk, wat deur soveel prosesse moet gaan, soveel kan kos. Dit is goedkoper as gebottelde water!” sê mnr. Kokkie Adriaanse, voorsitter van die Suiwelprodusentevereniging van Namibië (SPV).
Hy sê die melkstorting bring mee dat produkte goedkoper in Namibië beskikbaar is as wat verbruikers in Suid-Afrika daarvoor betaal.
Die bedryf se hoop is nou op die spoedige wysiging van die Suiwelwet van 1986.
“Dit sal vir 'n tipe kwotastelsel voorsiening maak om die hoeveelhede melk wat ingevoer word, te reguleer,” sê Adriaanse.
In 2015 het die plaaslike bedryf hom in 'n soortgelyke situasie bevind. Vanweë die prysdruk het 1,4 miljoen liter langlewemelk in Namibia Dairies se pakstoor opgehoop.
Namibië het in hierdie stadium nog net 13 suiwelprodusente oor. Dit sluit nie Ohlthaver & List se Aimab Superplaas by Mariental in nie.
Volgens Adriaanse lewer hierdie 13 produsente tans sowat 900 000 liter melk per maand aan Namibië Dairies, terwyl die Superplaas se kwota 1,1 miljoen liter per maand beloop.
Hy sê as die plaaslik vervaardigde produkte op 'n meer gelyke prysgrondslag met ingevoerde produkte meeding, kan die mark hierdie hoeveelhede absorbeer.
Dit is egter in tye soos nou wanneer groot hoeveelhede goedkoop langlewemelk in die Namibiese mark gestort word, wat die bedryf om oorlewing moet veg.
Namibia Dairies en die produsente sal weer op 26 April vergader om die situasie in heroënskou te neem.
Daar is Vrydag in Windhoek op hierdie verlaging ooreengekom nadat die suiwelverwerker die prys aanvanklik met 20c per liter afwaarts wou aanpas.
Hierdie nuutste krisis in die land se geteisterde suiwelbedryf volg nadat Namibies geproduseerde melk opnuut op winkelrakke met spotgoedkoop langlewemelk en melkmengsels uit Suid-Afrika moet meeding.
Van die Suid-Afrikaanse produkte word tans in Namibië vir so min as N$10 en N$11,99 per liter verkoop.
“Dit is onmoontlik dat melk, wat deur soveel prosesse moet gaan, soveel kan kos. Dit is goedkoper as gebottelde water!” sê mnr. Kokkie Adriaanse, voorsitter van die Suiwelprodusentevereniging van Namibië (SPV).
Hy sê die melkstorting bring mee dat produkte goedkoper in Namibië beskikbaar is as wat verbruikers in Suid-Afrika daarvoor betaal.
Die bedryf se hoop is nou op die spoedige wysiging van die Suiwelwet van 1986.
“Dit sal vir 'n tipe kwotastelsel voorsiening maak om die hoeveelhede melk wat ingevoer word, te reguleer,” sê Adriaanse.
In 2015 het die plaaslike bedryf hom in 'n soortgelyke situasie bevind. Vanweë die prysdruk het 1,4 miljoen liter langlewemelk in Namibia Dairies se pakstoor opgehoop.
Namibië het in hierdie stadium nog net 13 suiwelprodusente oor. Dit sluit nie Ohlthaver & List se Aimab Superplaas by Mariental in nie.
Volgens Adriaanse lewer hierdie 13 produsente tans sowat 900 000 liter melk per maand aan Namibië Dairies, terwyl die Superplaas se kwota 1,1 miljoen liter per maand beloop.
Hy sê as die plaaslik vervaardigde produkte op 'n meer gelyke prysgrondslag met ingevoerde produkte meeding, kan die mark hierdie hoeveelhede absorbeer.
Dit is egter in tye soos nou wanneer groot hoeveelhede goedkoop langlewemelk in die Namibiese mark gestort word, wat die bedryf om oorlewing moet veg.
Namibia Dairies en die produsente sal weer op 26 April vergader om die situasie in heroënskou te neem.
Kommentaar
Republikein
Geen kommentaar is op hierdie artikel gelaat nie