Meidag sonder fut gevier

02 May 2019 | Regering
Ronelle Rademeyer



Die regering se amptelike Werkersdagvieringe gister in Katutura is nie net swak deur die publiek bygewoon nie, maar werkers is ook anders as verwag nie deur pres. Hage Geingob self toegespreek nie.

Die sekretaris-generaal van Swapo, me. Sophia Shaningwa, het twee ure nadat die staatshoof volgens die program die sleutelrede moes lewer, namens hom sy voorbereide Meidag-toespraak voorgelees.

Jana-Mari Smith van Republikein­ se susterkoerant Namibian Sun berig geen ver­duideliking is vir Geingob se afwesigheid verstrek nie.

Intussen het werkers met groter geesdrif by die viering van Meidag deur die Nasionale Unie van Namibiese Werkers (NUNW) in Kuisebmond op Walvisbaai opgedaag, berig ­Leandrea Louw.

Mnr. Petrus Nevonga, 'n uitvoerende lid van NUNW, het plaaslike en streeksleiers daarvan beskuldig dat hulle hierdie saamtrek van werkers geboikot het. Hy het aan die meer as 200 mense gesê die burge­meester van Walvisbaai, mnr. Immanuel­ Wilfred, en die Erongo-streekraadslid, mnr. Hafeni Ndumula, is genooi om die werkers toe te spreek.

In 'n WhatsApp-boodskap wat Dinsdag die ronde gedoen het, is aangevoer die saamtrek op Walvisbaai is gereël om die amptelike vieringe in Windhoek waar die president sou optree, te boikot.

“As 'n vakbond besluit ons waar Meidag gevier sal word en ons doen dit sonder inmenging. Ons vra nie toestemming van enigiemand oor hoe dit gevier word nie,” het hy gesê. “Ons het ons president (mnr. Albert Liswaniso) genooi om die werkers in Windhoek by die hoofsaamtrek toe te spreek. Ons het geen voorneme hoegenaamd gehad om die hoofverrigtinge te boikot nie. Diegene wat beplan om die president (Geingob) te laat faal, laat hom nie faal nie, maar die werkers. Ons wil hom liewer in sy pogings ondersteun. Dit is belangrik dat ons saamstaan en as 'n span vorentoe beweeg,” het Nevonga gesê.

Geingob het in sy toespraak hulde gebring aan die land se werkers “as die hoeksteen van die gemeenskap” en hulle bedank vir hul harde werk en patriotisme.

Verder het Geingob opnuut op die geskiedkundige “strukturele wan­balanse” in die samelewing verwys en gesê “herverdeelde welvaart is ononderhandelbaar”.

Soos in sy staatsrede, het hy weer beloof dat die regering pogings versnel om die Namibië Gelyke Ekonomiese Bemagtingsraamwerk (Neeef) te finaliseer. Volgens Geingob is hy dankbaar teenoor private instansies wat gehoor gegee het aan die regering se bemagtingsversoek, en skemas vir werkersdeelname begin het.

Hy het op die verskeie vorme van ekonomiese krisisse in die wêreld gewys en gesê dit het 'n direkte impak op Namibië se ekonomie en ook sy arbiedsmark. “Dreigemente van afleggings deur multinasionale maatskappye en buitelandse beleggers maak werkers angstig. Ons verstaan dit en daarom glo ons in gereelde gesprekvoering tussen die regering, vakbonde en werkgewers,” het Geingob gesê.

Verder het hy benadruk ekonomiese groei kan nie sonder die invloed van direkte buitelandse beleggings (FDI) plaasvind nie, aangesien “die plaaslike ekonomie eenvoudig te klein is om van ondernemings te verwag om die totale las te dra”.

Die staatshoof het daarop gewys dat buitelandse beleggers op “ons voorwaardes” na Namibië moet kom en nie die land se behoefte aan hierdie beleggings as 'n teken van desperaatheid moet sien nie.

Hy het gewaarsku dat buitelanders die waardigheid en integriteit van Namibiese burgers en veral die werkers moet eerbiedig, en gesê wreedheid en brutaliteit deur buitelandse sowel as plaaslike werkgewers sal nie geduld word nie.

Soortgelyk

 

B-dag: Maak of breek

5 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

5 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

5 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

5 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

5 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

5 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

5 ure gelede | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...

Etosha Sondagmiddag deur aardbewing geskud

5 ure gelede | Ongelukke

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Medelye stroom in vir man wat aan Covid-19 sterf

5 ure gelede | Gesondheid

Ronelle Rademeyer – Medelye stroom glo in vir die familie van die Namibiër wat Saterdag in Nottingham, ­Engeland, aan die coronavirussiekte (Covid-19) dood is.Die minister...