Megane pak sy mededingers
Vier sy mondigwording met nuwe voorkoms
Dit was so hittete of die swak rand het ons weerhou van die sjarmante Fransman, maar die somme klop en nou is die Megane hier.
Die sedan sal nie (nou) hierheen kom nie en soos met die vorige generasie sal dit net die luikrug met vyf deure wees.
Die nuwe reeks bestaan uit vier petrolmodelle, twee met outomatiese ratkaste (dubbelkoppelaar) en twee met handratkaste. Aan die intreevlakkant is daar ’n gewone 1600 (geen turbo) met die middelvlak Dynamique-afwerking. Dan volg die twee GT-Lines met ’n 1200-turbo-enjin, een handrat en een outomaties. Die vlagskip is die GT wat ’n 1600-turbo-enjin en ’n outomatiese ratkas het.
Die outomatiese ratkas heet EDC, het sewe gange en is nie ’n tradisionele outokas nie, maar ’n dubbelkoppelaar-eenheid soortgelyk aan VW se DSG.
Van buite het die nuweling steeds heelparty familietrekke as dit met sy voorganger vergelyk word. Die nuwe Megane is ’n fraksie langer en wyer, maar effe platter as die uitgaande model. Die asafstand is ook effe gerek. Die wa span nou dieselfde platform in as die Kadjar en Nissan Qashqai.
Die binneruimte is meer danksy beter verpakking en die effe langer en breër lyf. Die kattebak kan, volgens Renault, ook ’n hele paar liter ekstra bagasie sluk.
Die voorkant met die hooflighuls wat lyk of dit ’n stertjie het, vertoon baie uniek. Dít, saam met die groot luginlate onder die buffer en die goed gedefinieerde sierrooster met ’n redelike groot Renault-diamantkenteken dra tot ’n baie sportiewe voorkoms by.
Die tweede aspek wat dadelik die oog tref, is die agterkant. Die hooflighulse lyk of dit ook stertjies het. Hier is dit horisontaal met net die diamantkenteken wat die twee stertjies van mekaar skei.
In geheel vertoon die nuwe Megane pragtig met meer prominensie as sy voorganger. Die vorige Megane se geronde voorpaneel met uitstaan-satnav bo-op, maak nou plek vir ’n groot 8.7”-raakskerm in die hangdeel van die middelkonsole en 7”-skerm in die intreevlak-1600 se geval.
Die raakskerm huisves die R-Link2-multimediastelsel, satnav en ander nutsfunksies.
Een van die interessante funksies wat van hier af beheer word, is wat Renault Multi-Sense noem. In die GT-Line en GT kan jy een van vier verskillende ritopsies kies.
In die vlagskip-GT kan jy jou keuse verder verfyn deur verskillende verstellings vir die stuur, enjin en ratwisseling te kies.
Die GT-Line en GT het boonop parkeersensors en wegtrekhulp teen opdraandes. Twee pakkette wat vir items soos byvoorbeeld blindekol-waarskuwing, ’n sondak en gevorderde parkeerhulp voorsiening maak, is opsioneel beskikbaar teen N$10 000 elk. Die twee pakkette sluit kombinasies van verskillende geriefsitems in.
Renault glo sy nuwe vierde generasie Megane sal gou byval vind by kopers in die segment. Dit is vanjaar 21 jaar sedert die eerste Renault Megane bekend gestel is. – Netwerk24
Die sedan sal nie (nou) hierheen kom nie en soos met die vorige generasie sal dit net die luikrug met vyf deure wees.
Die nuwe reeks bestaan uit vier petrolmodelle, twee met outomatiese ratkaste (dubbelkoppelaar) en twee met handratkaste. Aan die intreevlakkant is daar ’n gewone 1600 (geen turbo) met die middelvlak Dynamique-afwerking. Dan volg die twee GT-Lines met ’n 1200-turbo-enjin, een handrat en een outomaties. Die vlagskip is die GT wat ’n 1600-turbo-enjin en ’n outomatiese ratkas het.
Die outomatiese ratkas heet EDC, het sewe gange en is nie ’n tradisionele outokas nie, maar ’n dubbelkoppelaar-eenheid soortgelyk aan VW se DSG.
Van buite het die nuweling steeds heelparty familietrekke as dit met sy voorganger vergelyk word. Die nuwe Megane is ’n fraksie langer en wyer, maar effe platter as die uitgaande model. Die asafstand is ook effe gerek. Die wa span nou dieselfde platform in as die Kadjar en Nissan Qashqai.
Die binneruimte is meer danksy beter verpakking en die effe langer en breër lyf. Die kattebak kan, volgens Renault, ook ’n hele paar liter ekstra bagasie sluk.
Die voorkant met die hooflighuls wat lyk of dit ’n stertjie het, vertoon baie uniek. Dít, saam met die groot luginlate onder die buffer en die goed gedefinieerde sierrooster met ’n redelike groot Renault-diamantkenteken dra tot ’n baie sportiewe voorkoms by.
Die tweede aspek wat dadelik die oog tref, is die agterkant. Die hooflighulse lyk of dit ook stertjies het. Hier is dit horisontaal met net die diamantkenteken wat die twee stertjies van mekaar skei.
In geheel vertoon die nuwe Megane pragtig met meer prominensie as sy voorganger. Die vorige Megane se geronde voorpaneel met uitstaan-satnav bo-op, maak nou plek vir ’n groot 8.7”-raakskerm in die hangdeel van die middelkonsole en 7”-skerm in die intreevlak-1600 se geval.
Die raakskerm huisves die R-Link2-multimediastelsel, satnav en ander nutsfunksies.
Een van die interessante funksies wat van hier af beheer word, is wat Renault Multi-Sense noem. In die GT-Line en GT kan jy een van vier verskillende ritopsies kies.
In die vlagskip-GT kan jy jou keuse verder verfyn deur verskillende verstellings vir die stuur, enjin en ratwisseling te kies.
Die GT-Line en GT het boonop parkeersensors en wegtrekhulp teen opdraandes. Twee pakkette wat vir items soos byvoorbeeld blindekol-waarskuwing, ’n sondak en gevorderde parkeerhulp voorsiening maak, is opsioneel beskikbaar teen N$10 000 elk. Die twee pakkette sluit kombinasies van verskillende geriefsitems in.
Renault glo sy nuwe vierde generasie Megane sal gou byval vind by kopers in die segment. Dit is vanjaar 21 jaar sedert die eerste Renault Megane bekend gestel is. – Netwerk24
Kommentaar
Republikein
Geen kommentaar is op hierdie artikel gelaat nie