Matriekleerling sterf in ongeluk

04 October 2019 | Ongelukke
Henriette Lamprecht - ‘n Matriekleerling aan die Private Skool Welwitschia in Windhoek is Woensdagmiddag in ’n motorongeluk in die hoofstad dood.

Die ongeluk wat die lewe van die 19-jarige Jamie von Francois geëis het, het omstreeks 16:30 by die Kleine Kuppe stortingsterrein op ’n grondpad agter die Windhoek Gimnasium plaasgevind.

Jamie het glo beheer verloor oor die voertuig waarin hy gery het, en dit het die pad verlaat en omgeslaan.

‘n Vriend wat saam met hom in die motor was, het geringe beserings opgedoen.

Me. Dalene Jordaan, die Private Skool Welwitschia se hoof, het die ongeluk bevestig.

Sy het Jamie, wat Maandag met sy matriekeksamen sou begin, as “baie sjarmant” en ‘n aangename kind beskryf.

“Hy het altyd geglimlag en was glad nie ’n moeilike kind nie. Hy was ’n regte charmer en nie ’n rebel nie,” het sy gesê.

Volgens Jordaan het Jamie se klasmaats Woensdagaand die geleentheid gehad om by die hospitaal van hom afskeid te neem.

“Ons het hom gegroet en gesoen. Dit was goed en het baie beteken om daar met mekaar te praat en afskeid te kan neem.”

Jordaan sê die skoolsielkundige ondersteun die leerlinge.

Sy sê Jacques Venter (13), ‘n leerling van Windhoek Gimnasium wat in Augustus in ‘n busongeluk gesterf het, se stiefma, me. Liezel Venter, het met die leerlinge kom gesels.

Sy is volgens Jordaan ook ‘n Welwitschia-ouer en haar boodskap was “soos salf vir ons siel”.

Die skool beplan om later ‘n roudiens vir Jamie by die skool te hou.

Sy pa, Iwan, was gister te getraumatiseer om met Republikein te praat.

Intussen het insp. Kauna Shikwambi, polisiewoordvoerder, die ongeluk bevestig.

Volgens haar het Jamie ’n rooi Jeep bestuur en het hy in ’n draai beheer oor die voertuig verloor.

[email protected]

Soortgelyk

 

Twee 'renosterstropers' verskyn in Gobabis-hof

20 minute gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

4 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

5 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

16 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

16 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

16 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

16 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

16 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...

Weer, Maandag 1 Junie 2020

16 ure gelede | Weer

BINNELAND: Gedeeltelik bewolk en baie warm in die Zambezi- en Kavangostreek. Elders sonnig en warm tot baie warm. Winderige weer sal oor die binneland heers....