Mashatile: NUK sou Zuma Woensdag afdank
'n Vertroulike opname het lig gewerp op interne gesprekke oor die Suid-Afrikaanse staatshoof.
Die ANC het beplan om pres. Jacob Zuma as staatshoof af te dank op Woensdagaand se gekanselleerde vergadering waartydens die nasionale uitvoerende komitee (NUK) Zuma se lot sou bepaal.
Paul Mashatile, ANC-tesourier-generaal, het so gesê, luidens ’n vertroulike opname van Mashatile wat lig op die interne gesprekke oor Zuma se toekoms as staatshoof werp.
Dit is aan verskeie media-instansies uitgelap.
Luidens EWN het dié opname, wat vandeesweek by die Mynindaba in Kaapstad gemaak is, onthul hoe die NUK Zuma uit die kussings sou lug.
TimesLIVE berig die opname is Woensdagaand aan hulle gestuur.
Mashatile het Dinsdag beleggers by die Mynindaba in Kaapstad toegespreek ’n paar uur voordat Ramaphosa aangekondig het dat die NUK-vergadering uitgestel is.
Mashatile was duidelik onbewus daarvan dat die vergadering uitgestel wou word en het toe vir die beleggers gesê hulle gaan Zuma verwyder nadat hy geweier het om te bedank nadat hy Sondagaand met die party se topses vergader het, berig SowetanLIVE.
Hy het besonderhede oor Sondagaand se vergadering gegee en het hulle gevra wat die ANC met “oorgangstydperk” bedoel.
“Ons het vir hom gesê dit beteken dat jy jou magte aan Cyril moet oorhandig,” het Mashatile gesê.
Intussen berig Ügen Vos Ramaphosa het moontlik ’n rampspoedige flater begaan toe hy Dinsdag ’n spesiale vergadering van die ANC se NUK oor pres. Jacob Zuma se lot uitgestel het, sê John Steenhuisen, die DA se parlementêre hoofsweep.
Steenhuisen het Woensdag gesê dit sal ’n ramp wees as Zuma nie voor die einde van hierdie week bedank nie.
“Die onsekerheid rondom Zuma en Ramaphosa is hoogs problematies en hoe langer hierdie staat van onsekerheid voortduur, hoe swakker lyk Ramaphosa,” sê Steenhuisen.
“Jy los nie jou opponent net wanneer jy hom teen die toue het nie. Hoe langer Ramaphosa Zuma se spel speel, hoe meer geleentheid het die Zuma-kamp om te herorganiseer.”
Steenhuisen meen Ramaphosa en die ANC moet so vinnig moontlik “die sneller trek” en Zuma die trekpas gee. Indien hulle dit nie doen nie, hoop hy die parlement kan die mosie van wantroue teen Zuma vorentoe skuif.
“ANC-lede het reeds met die vorige mosie van wantroue in beduidende getalle saam met die opposisie gestem en ek glo as ons dié keer weer stem, sal die ANC-LP’s ons help om Zuma uit die kussings te lig.”
Steenhuisen sê hy verneem vertroulik Zuma dring aan op immuniteit teen vervolging vir hom en sy gesin, dat die staat pa staan vir sy regskoste en dat Nkosazana Dlamini-Zuma as adjunkpresident aangestel word.
“Indien Ramaphosa egter ’n man met 783 klagte van bedrog en korrupsie immuniteit gee, sal dit ’n leuen van sy teenkorrupsieboodskap maak. Dit is beslis nie hoe Ramaphosa sy presidentskap wil begin nie.”
Steenhuisen sê die moontlikheid van ’n mosie van wantroue is die swaard wat oor Zuma se kop hang.
Indien hy uitgewerk word, sal dit hom nie net verneder nie, maar hy sal ook al sy voordele, soos byvoorbeeld sy pensioen, verloor.
“As jy na Zuma se loopbaan kyk, is dit egter duidelik dat hy nie sommer toegee nie. Hy verkies om homself te verskans en vanuit daardie posisie voort te veg.” - Netwerk24
Paul Mashatile, ANC-tesourier-generaal, het so gesê, luidens ’n vertroulike opname van Mashatile wat lig op die interne gesprekke oor Zuma se toekoms as staatshoof werp.
Dit is aan verskeie media-instansies uitgelap.
Luidens EWN het dié opname, wat vandeesweek by die Mynindaba in Kaapstad gemaak is, onthul hoe die NUK Zuma uit die kussings sou lug.
TimesLIVE berig die opname is Woensdagaand aan hulle gestuur.
Mashatile het Dinsdag beleggers by die Mynindaba in Kaapstad toegespreek ’n paar uur voordat Ramaphosa aangekondig het dat die NUK-vergadering uitgestel is.
Mashatile was duidelik onbewus daarvan dat die vergadering uitgestel wou word en het toe vir die beleggers gesê hulle gaan Zuma verwyder nadat hy geweier het om te bedank nadat hy Sondagaand met die party se topses vergader het, berig SowetanLIVE.
Hy het besonderhede oor Sondagaand se vergadering gegee en het hulle gevra wat die ANC met “oorgangstydperk” bedoel.
“Ons het vir hom gesê dit beteken dat jy jou magte aan Cyril moet oorhandig,” het Mashatile gesê.
Intussen berig Ügen Vos Ramaphosa het moontlik ’n rampspoedige flater begaan toe hy Dinsdag ’n spesiale vergadering van die ANC se NUK oor pres. Jacob Zuma se lot uitgestel het, sê John Steenhuisen, die DA se parlementêre hoofsweep.
Steenhuisen het Woensdag gesê dit sal ’n ramp wees as Zuma nie voor die einde van hierdie week bedank nie.
“Die onsekerheid rondom Zuma en Ramaphosa is hoogs problematies en hoe langer hierdie staat van onsekerheid voortduur, hoe swakker lyk Ramaphosa,” sê Steenhuisen.
“Jy los nie jou opponent net wanneer jy hom teen die toue het nie. Hoe langer Ramaphosa Zuma se spel speel, hoe meer geleentheid het die Zuma-kamp om te herorganiseer.”
Steenhuisen meen Ramaphosa en die ANC moet so vinnig moontlik “die sneller trek” en Zuma die trekpas gee. Indien hulle dit nie doen nie, hoop hy die parlement kan die mosie van wantroue teen Zuma vorentoe skuif.
“ANC-lede het reeds met die vorige mosie van wantroue in beduidende getalle saam met die opposisie gestem en ek glo as ons dié keer weer stem, sal die ANC-LP’s ons help om Zuma uit die kussings te lig.”
Steenhuisen sê hy verneem vertroulik Zuma dring aan op immuniteit teen vervolging vir hom en sy gesin, dat die staat pa staan vir sy regskoste en dat Nkosazana Dlamini-Zuma as adjunkpresident aangestel word.
“Indien Ramaphosa egter ’n man met 783 klagte van bedrog en korrupsie immuniteit gee, sal dit ’n leuen van sy teenkorrupsieboodskap maak. Dit is beslis nie hoe Ramaphosa sy presidentskap wil begin nie.”
Steenhuisen sê die moontlikheid van ’n mosie van wantroue is die swaard wat oor Zuma se kop hang.
Indien hy uitgewerk word, sal dit hom nie net verneder nie, maar hy sal ook al sy voordele, soos byvoorbeeld sy pensioen, verloor.
“As jy na Zuma se loopbaan kyk, is dit egter duidelik dat hy nie sommer toegee nie. Hy verkies om homself te verskans en vanuit daardie posisie voort te veg.” - Netwerk24
Kommentaar
Republikein
Geen kommentaar is op hierdie artikel gelaat nie