Marén de Klerk vrees vir sy lewe

‘Polisiemanne’ wou glo Fishrot-prokureur vermoor

31 July 2020 | Howe
Ronelle Rademeyer – Die Windhoekse prokureur om wie se kop ’n storm losgebars het ná beweringe dat N$75,6 miljoen van die vermeende Fishrot-korrupsiegeld deur sy rekenings na begunstigdes gevloei het, sê daar is mense wat hom wil doodmaak.

“Ek het verskeie doodsdreigemente ontvang en het rede om te glo magtige en invloedryke individue wie se onwettige aktiwiteite moontlik aan die lig kan kom deur wat ek te sê het, het ten minste een aanslag op my lewe beplan,” sê mnr. Marén de Klerk.

Hy onthul dié vrese in ’n beantwoordende eedsverklaring wat by die hoërhof in Windhoek ingedien is. De Klerk staan ’n dringende aansoek teen waarin die hoërhof op 5 Augustus versoek gaan word om hom as die eksekuteur van die boedels van wyle mnr. Aaron Mushimba asook van mnr. Danilo Reviglio en me. Adrienne Penderis te verwyder.

’n Ingeligte bron het intussen aan Republikein gesê die aanslag op sy lewe was in Februarie toe hy in die West Beach-kliniek in Bloubergstrand by Kaapstad psigiatriese behandeling vir erge depressie ontvang het.

De Klerk sê in die hofstukke hy is van 25 Januarie tot 14 Februarie gehospitaliseer en ontvang steeds behandeling vir sy geestesgesondheid.

Volgens die bron het mans wat hulle glo as polisiebeamptes voorgedoen het, die kliniek besoek en wou De Klerk sien. “Die mediese personeel het lont geruik en hom na ’n ander kliniek oorgeplaas.”

De Klerk het Namibië op 17 Januarie verlaat. Hy besit eiendom in die Wes-Kaap.

Werknemers van die regsfirma De Klerk, Horn and Coetzee Incorporated waarvan hy, mnr. Stoan Horn, me. Celeste Coetzee en Petrus Strauss die direkteure is, ontbind einde Augustus. Horn, Coetzee en Strauss sal hulle glo by ’n ander regsfirma in die stad aansluit.

Horn het gister by navraag gesê dit is “nog net interne inligting”, maar het later in ’n teksboodskap gesê “ek bevestig dat ons in onderhandelinge is met (die firma) Theunissen en Louw”.

Die aansoek om hom as eksekuteur te verwyder, is by die hoërhof ingedien deur mnr. Johan Penderis en die prokureur, mnr. Philip Ellis, asook die begunstigdes van die drie boedels wat deur De Klerk beredder word.

Penderis, wat Mushimba se finansiële raadgewer was en saam met Ellis trustees van sy trust is, sê in die funderende eedsverklaring “dit is duidelik hy (De Klerk) was vir bykans ses maande nie in Namibië nie en is daarom nie in staat om sy take as eksekuteur behoorlik uit te voer nie”.

Hy beskuldig De Klerk ook van wanadministrasie met die bereddering van Mushimba se boedel.

Penderis voer in die hofstukke aan ’n deposito van N$100 000 wat aan De Klerk oorbetaal is vir die verkoop van ’n eiendom wat aan die Mushimba Trust behoort het, is nie meer in die trustrekening van sy firma nie.

De Klerk ontken dat hy nie bevoeg is om as eksekuteur op te tree nie en maak ook die beweringe van wanadministrasie as onsin af.

Volgens hom het Covid-19 bewys dit is moontlik om funksies soos hierdie virtueel te verrig en dit is nie vir hom nodig om fisiek in Namibië te wees nie.

Hy voer aan hoewel hy na Namibië kan kom as hy 14 dae in kwarantyn deurbring, vrees hy vir sy lewe en is dit waarom hy nie kan terugkeer nie.
- [email protected]

Soortgelyk

 

Vandag se Covid-19-data

6 ure gelede | Gesondheid

'n Visuele opsomming van die inligting vir Maandag 10 Augustus 2020, soos om 15:00 vanmiddag aangekondig deur die minister van gesondheid en maatskaplike dienste, dr....

Skerp styging in gevalle in Windhoek wek kommer, sê...

7 ure gelede | Gesondheid

Die minister van gesondheid en maatskaplike dienste dr. Kalumbi Shangula het die situasie in Windhoek as "kommerwekkend" beskryf met 79 nuwe Covid-19-gevalle wat vandag in...

Twee met ivoor, velle vasgetrek

12 ure gelede | Misdaad

Twee vermeende wildmisdadigers, mnr. Gabriel Kuutondokwa Nalitje en David Simon, is verlede Maandag in Windhoek glo met drie stukke ivoor en een elk luiperd- en...

Viskwotas: Tweede Fishrot gevrees

23 ure gelede | Misdaad

Leandrea Louw op Walvisbaai - Rolspelers in die visbedryf is bekommerd dat die land in 'n tweede Fishrot-skandaal gedompel sal word as viskwotas opgeveil word....

Olifante vertrap Noorde-plase

23 ure gelede | Omgewing

Elvira Hattingh - Twee troppe olifante het sedert Donderdag en oor die afgelope naweek verwoesting op plase teen die veterinêre kordonheining in die Noordooste gesaai,...

Tossing papers, tapping buttons

23 ure gelede | Tegnologie

Justicia Shipena WINDHOEKHaving started his coding journey in grade nine at De Duine Secondary School in Walvis Bay, Joachim Shilongo recently developed a...

'Beskerm jouself en ander'

23 ure gelede | Gesondheid

Henriette Lamprecht – Die ministerie van gesondheid en maatskaplike dienste gaan beheermaatreels in Windhoek verskerp in ’n poging om die toenemende skerp styging in Covid-19-gevalle...

Weer vir 11 Augustus 2020

23 ure gelede | Weer

WEERWAAK: Koue toestande sal môre in die Suide vestig. Die nodige voorsorgmaatreëls moet getref word. BINNELAND: Gedeeltelik bewolk en matig tot warm, maar baie warm...

#Covid19SafetyChallenge closing date extended

23 ure gelede | Gesondheid

Justicia Shipena LifeLine ChildLine, through Uitani Radio, invites young people of all ages to participate in the #Covid19SafetyChallenge.This competition aims to monitor how many...