Manuel, EFF terug in hof oor lastersaak

Verklaring nie teruggetrek

15 May 2019 | Ekonomie
Jan Cronje – Die hofsaak waarin Trevor Manuel, voormalige minister van finansies, die EFF van laster aankla, hervat Dinsdag in die hooggeregshof in Johannesburg.

Manuel eis skadevergoeding van R500 000.

Manuel het hom in April op die hof beroep nadat die EFF geweier het om ’n verklaring terug te trek waarin hulle hom van nepotisme beskuldig in die proses waarin Edward Kieswetter as nuwe kommissaris van die Suid-Afrikaanse Inkomstediens aangestel is.

Julius Malema, die EFF se leier, en Mbuyiseni Ndlozi, die party se woordvoerder, word as respondente op die hofdokumente aangedui.

Manuel het aan die hoof gestaan van die paneel wat met die kandidate vir die pos as kommissaris onderhoude gevoer het.

Die belastingdiens was sedert Maart 2018 sonder ’n permanente hoof nadat Tom Moyane eers uit dié pos geskors en daarna afgedank is.

Die paneel het aanbevelings gemaak, maar was nie betrokke by die finale keuse om Kieswetter aan te stel nie.

In ’n verklaring wat op 27 Maart gepubliseer is, beweer die EFF dat Kieswetter ’n “geslepe karakter” en ’n familielid en voormalige sakevennoot van Manuel is.

Die party beweer verder dat Kieswetter “in die geheim” gekies is.

Manuel het kort nadat die verklaring gepubliseer is, gesê dit is lasterlik en rassisties. Hy wil hê die hof moet die EFF beveel om die verklaring van al hul platforms terug te trek, verskoning te vra en om skadevergoeding van R500 000 of watter bedrag die hof ook al bepaal, sowel as sy regskoste, te betaal. Hy het onderneem om die geld aan ’n waardige saak te skenk.

Die saak sou op 7 Mei aangehoor word, maar dit is tot Dinsdag uitgestel.

‘Grootliks lasterlik’

Nadat die EFF sy verklaring gepubliseer het, het Manuel se prokureurs ’n brief aan die EFF geskryf en daarop aangedring dat dit teruggetrek word.

Sy regsverteenwoordigers sê “’n opvallend vals en erg lasterlike” verklaring is gepubliseer met die bedoeling om “haat teen Manuel te bevorder of aan te vuur”.

Die EFF het nie die verklaring teruggetrek nie.

Ndlozi het op 12 April, nadat Manuel sy beëdigde verklaring by die hof ingedien het, aan Fin24 gesê die party voel nie geïntimideer nie.

“Ons is reg en ons prokureurs hanteer dit. Ons het dit reeds gesê. Die boelie Manuel sal dit nie regkry om ons stil te maak nie, veral nie wanneer ons hom fyn dophou soos wat ons met alle openbare figure maak nie.

– Fin24/Netwerk24

Soortgelyk

 

Chasing your dream

15 ure gelede | Mense

Ester Kamati Aina Johannes completed her matric at Windhoek High School in 2015 and is currently pursuing her studies in marketing management at the International...

Kinderverkragter: ‘Ek is skuldig’

15 ure gelede | Howe

Francoise Steynberg - Die 50-jarige Jeremia van Wyk het gister skuldig gepleit op die verkragting en ontvoering van ’n vyfjarige meisie. Pas nadat Van Wyk gisteroggend van...

/Khomani wil verskeie Khomas-plase onteien

15 ure gelede | Politiek

Catherine Sasman - Die /Khomani-gemeenskap eis nie net die onteiening van plekke soos Dordabis, Aub en Omitara omdat dit aan hul voorvaders behoort het nie,...

Windhoekers kniediep in die skuld

15 ure gelede | Regering

Denver Kisting – Die Windhoekse stadsraad (CoW) het gister by monde van sy woordvoerder, mnr. Harold Akwenye, bevestig hul debiteure skuld hulle bykans N$900 miljoen...

Weer vir 6 Augustus 2019

15 ure gelede | Weer

BINNELAND: Gedeeltelik bewolk en baie warm in die Noordooste. Elders sal dit sonnig en baie warm wees, maar matig tot warm in die Suide. Dit...

Maltas Club reaches out

15 ure gelede | Onderwys

Ester KamatiIn conjunction with First National Bank (FNB) Namibia, the University Centre for Studies in Namibia (Tucsin) and Dinapama Manufacturing and Supplies, the Maltas Club...

Making science easier

15 ure gelede | Onderwys

Justicia Shipena B2Gold Namibia, in collaboration with the education ministry, officially launched the flagship Little Shop of Physics (LSOP) teacher programme on 2 August...

Embracing differences

15 ure gelede |

Justicia Shipena As a way of bringing together and uniting the different cultural groups within the International University of Management (IUM) community,...

Peer-to-peer conversations

15 ure gelede | Skole

Ndakondja Uusiku Motivations will host the first-ever Purposeful Camp for teenagers aged between 15 and 19 from 28 November to 4 December 2019 at the...