Mandi Samson bedank by Air Nam
Ronelle Rademeyer
Namibië se nasionale redery het aangekondig die waarnemende uitvoerende hoof, adv. Mandi Samson, het bedank.
Vrydag is haar laaste werksdag.
Air Namibia sê die soektog na 'n nuwe uitvoerende hoof het begin. Daarmee saam sal 'n geskikte waarnemende kandidaat in haar plek aangestel word sodra “die nodige regulatoriese goedkeuring verkry is”, het die nuutaangestelde direksie in 'n verklaring laat gister gesê.
Mnr. John Mutorwa, minister van werke en vervoer, het die direksielede met hul aanstelling vroeër vanjaar opdrag gegee om die aanstelling van “'n substantiewe uitvoerende hoof” te finaliseer.
“Die tussentydse aanstelling sal die inkomende posbekleërs in staat stel om die kernkwessies in hul onderskeie poste reg te stel, en die uitvoerende bestuur terselfdertyd die geleentheid bied om op kritieke kwessies soos die finansies, kommersiële dienslewering en die verskeie voortslepende regsaksies te fokus,” lui die raad se verklaring.
Sedert die skorsing van me. Theo Namises as besturende direkteur van Air Namibia in 2015, is die redery deur uitvoerende hoofde in 'n waarnemende hoedanigheid bestuur.
“Die nuwe raad van onafhanklike direksielede het die afgelope sewe weke baie tyd bestee om 'n omvattende en duidelike oorsig van die situasie by Air Namibia te kry, en maak vordering daarmee om die bestuur verantwoordbaar te hou vir operasionele kwessies, asook die finalisering van die strategiese plan,” sê hulle.
Volgens die voorsitter, adv. Dee Sauls-Deckenbrock, het 'n nuwe era vir Namibië en sy nasionale redery aangebreek.
Namibië se nasionale redery het aangekondig die waarnemende uitvoerende hoof, adv. Mandi Samson, het bedank.
Vrydag is haar laaste werksdag.
Air Namibia sê die soektog na 'n nuwe uitvoerende hoof het begin. Daarmee saam sal 'n geskikte waarnemende kandidaat in haar plek aangestel word sodra “die nodige regulatoriese goedkeuring verkry is”, het die nuutaangestelde direksie in 'n verklaring laat gister gesê.
Mnr. John Mutorwa, minister van werke en vervoer, het die direksielede met hul aanstelling vroeër vanjaar opdrag gegee om die aanstelling van “'n substantiewe uitvoerende hoof” te finaliseer.
“Die tussentydse aanstelling sal die inkomende posbekleërs in staat stel om die kernkwessies in hul onderskeie poste reg te stel, en die uitvoerende bestuur terselfdertyd die geleentheid bied om op kritieke kwessies soos die finansies, kommersiële dienslewering en die verskeie voortslepende regsaksies te fokus,” lui die raad se verklaring.
Sedert die skorsing van me. Theo Namises as besturende direkteur van Air Namibia in 2015, is die redery deur uitvoerende hoofde in 'n waarnemende hoedanigheid bestuur.
“Die nuwe raad van onafhanklike direksielede het die afgelope sewe weke baie tyd bestee om 'n omvattende en duidelike oorsig van die situasie by Air Namibia te kry, en maak vordering daarmee om die bestuur verantwoordbaar te hou vir operasionele kwessies, asook die finalisering van die strategiese plan,” sê hulle.
Volgens die voorsitter, adv. Dee Sauls-Deckenbrock, het 'n nuwe era vir Namibië en sy nasionale redery aangebreek.
Kommentaar
Republikein
Geen kommentaar is op hierdie artikel gelaat nie