Man vas oor lewende ietermagô

'n Man is Donderdag by 'n vulstasie op Okahandja glo met 'n lewende ietermagô in sy besit in hegtenis geneem.

Volgens die woordvoerder van die Namibiese polisie in die Otjozondjupastreek, insp. Maureen Mbeha, is die 22-jarige man tydens 'n polisie-operasie in hegtenis geneem.

Hy sal Maandag op klagte van die onwettige besit van en handel in beskermde en beheerde wild in die Okahandja-landdroshof verskyn.- Nampa

Foto Nampa