Man vas oor ietermagôvel

06 January 2021 | Misdaad
'n Man (30) is op Oujaarsdag op Okahao in hegtenis geneem toe hy glo 'n ietermagôvel wou verkwansel.

Hy het glo omstreeks 13:55 die vel ter waarde van N$50 000 tydens 'n polisieoperasie aan 'n geheime polisiebeampte probeer verkoop.

Volgens die Namibiese polisie se misdaadverslag sou die verdagte Maandag in die landdroshof op Okahao op klagte van die onwettige besit van en handel in beheerde wildprodukte verskyn.

Wat veediefstal betref, is twee sake aanhangig gemaak. Op die plaas Daham 54 in die Karibib-distrik is agt bokke verlede Donderdag gesteel.

“Die onbekende verdagtes het omstreeks 16:00 agt bokke uit die weiveld gesteel, hulle in 'n kamp ingejaag en al die bokke geslag. Hulle het drie karkasse, asook die koppe en binnegoed op die toneel gelos en met vyf karkasse verdwyn,” lui die verslag.

Die waarde van die bokke is sowat N$21 800. Niemand is in hegtenis geneem nie en die polisieondersoek duur voort.

Op Nuwejaarsdag tussen 14:00 en 17:00 is ses skape uit die weiveld op die plaas Springbokvlakte (Omumbonde) in die Khorixas-distrik gesteel. Die waarde van die skape is sowat N$5 400.

Twee verdagtes van 39 en 34 jaar oud is in hegtenis geneem. Die ondersoek duur voort.

Intussen is kommer oor veediefstal en wildstropery op private plase in die Dordabis-omgewing, sowat 80 km oos van Windhoek, uitgespreek.

Die nasionale woordvoerder van die Namibiese polisie, adj.komm. Kauna Shikwambi, het aan Nampa gesê 29 gevalle van veediefstal en wildstropery is in 2020 by Dordabis se polisie aangemeld. Dordabis het sowat 2 500 inwoners.

Soortgelyk

 

Gesondheidswerkers, leerlinge en onderwysers deel van 343 nuwe gevalle

5 ure gelede | Gesondheid

Sewe Covid-19-verwante sterftes is vandag aangekondig en wel vier in Windhoek, twee in Swakopmund en een in Grootfontein. Die sterftes in Windhoek sluit 'n 63-jarige...

Moller, Hatuikulipi se belange onder vergrootglas

20 ure gelede | Misdaad

Hoofredaksie – Een van die transaksies wat deur die Teenkorrupsie-kommissie (ACC) as deel van die Fishrot-ondersoek gefynkam word, is 'n bedrag van N$8 miljoen wat...

Rekening van N$151 000 bly toe 'jakkals' gly

20 ure gelede | Misdaad

Francoise Steynberg – 'n Vermeende glyjakkals wat vir 'n maand saam met sy gesin in 'n gastehuis op Swakopmund gebly en glo nie betaal het...

Mans vas oor vervalsing van Covid-19-toetsuitslae

20 ure gelede | Misdaad

Kristien KrugerTwee Zimbabwiese mans is Saterdag omstreeks 12:00 op Katima Mulilo in hegtenis geneem vir die besit was vervalste Covid-19 laboratoriumtoetsverslae van PathCare Namibië.Die mans...

Reënweer bring groot skade

20 ure gelede | Weer

Kristien Kruger – Terwyl Namibië die derde week van swaar neerslae binnegaan, is groot skade reeds aan paaie, landerye en ander infrastruktuur aangerig. Windhoekers is...

Weer vir 11 Januarie 2021

20 ure gelede | Weer

BINNELAND: Gedeeltelik bewolk en baie warm in die Noordweste, verre Weste en dele van die //Kharasstreek. Elders sal dit bewolk en warm tot baie...

Regering slaan toe op klaringsagente

20 ure gelede | Regering

Phillepus Uusiku – Die regering is in die finale fase van die instelling van strenger maatreëls vir die lisensiëring van klaringsagente.Die instellings beoog om die...

Nafau wen in hof teen Shoprite

20 ure gelede | Arbeid

Kristien Kruger en Adolf Kaure – Stakende Shoprite-werknemers was Vrydagmiddag verjuig toe die hoërhof in Windhoek beslis het dat ’n interdik teen die Shoprite-winkelgroep uitgereik...

Op die spoor van Hardapdam se opvangsgebiede

20 ure gelede | Infrastruktuur

Kallie Pauw (gasskrywer)Die onlangse wonderlike reën in groot dele van Namibië en verslae daaroor en foto's van vol riviere en dansende boere het mense (soos...