Man met wildprodukte op waarskuwing vrygelaat

29 December 2020 | Howe
Adolf Kaure op Swakopmund - Mnr. Albertus le Roux (69) is gister in die Swakopmund-landdroshof op waarskuwing vrygelaat nadat hy Sondag op ‘n plot in die Swakoprivier in verband met die onwettige besit van beheerde wildprodukte en ammunisie in hegtenis geneem is.


Die wildprodukte sluit in vyf stukke van olifanttande en vermoedelik ‘n ou renosterhoring wat tydens ‘n polisiesoektog gevind is.

Die staatsaanklaer, me. Cleopatra Boois het landdros Conchita Olivier ingelig dat die beskuldigde se regsverteenwoordiger nie gereed was om betyds by die hof te wees nie.

Le Roux is op verskeie voorwaardes op waarskuwing vrygelaat.

Een van die voorwaardes is dat hy elke Vrydag tussen 08:00 en 20:00 by die polisiekantoor moet aanmeld.

Die beskuldigde moes ook beide sy Namibiese en Suid-Afrikaanse paspoorte by die ondersoekbeampte inhandig en sou hy die Swakopmund-distrik wil verlaat, moet hy die ondersoekbeampte inlig.

Die saak is tot 25 Februarie 2021 vir verdere ondersoek uitgestel.

Volgens die Namibiese polisie se koördineerder vir misdaadondersoeke in die Erongostreek, adj.komm. Erastus Iikuyu, het die polisie ‘n wenk van ‘n betroubare bron ontvang oor Le Roux se beweerde besit van beheerde wildprodukte en ammunisie.

“Ná die verdagte se huis geïdentifiseer is, is die soektog van stapel gestuur waartydens stukke van olifanttande, vermoedelik ‘n ou renosterhoring en verskeie ammunisie gevind en gekonfiskeer is,” het hy gesê.

Die ammunisie sluit in 27 patrone van ‘n .308-geweer, twee patrone van ‘n R1 -outomatiese aanvalsgeweer en 33 patrone van ‘n .22-vuurwapen.

-[email protected]

Foto ter illustrasie argief

Soortgelyk

 

Gesondheidswerkers, leerlinge en onderwysers deel van 343 nuwe gevalle

3 ure gelede | Gesondheid

Sewe Covid-19-verwante sterftes is vandag aangekondig en wel vier in Windhoek, twee in Swakopmund en een in Grootfontein. Die sterftes in Windhoek sluit 'n 63-jarige...

Moller, Hatuikulipi se belange onder vergrootglas

18 ure gelede | Misdaad

Hoofredaksie – Een van die transaksies wat deur die Teenkorrupsie-kommissie (ACC) as deel van die Fishrot-ondersoek gefynkam word, is 'n bedrag van N$8 miljoen wat...

Rekening van N$151 000 bly toe 'jakkals' gly

18 ure gelede | Misdaad

Francoise Steynberg – 'n Vermeende glyjakkals wat vir 'n maand saam met sy gesin in 'n gastehuis op Swakopmund gebly en glo nie betaal het...

Mans vas oor vervalsing van Covid-19-toetsuitslae

18 ure gelede | Misdaad

Kristien KrugerTwee Zimbabwiese mans is Saterdag omstreeks 12:00 op Katima Mulilo in hegtenis geneem vir die besit was vervalste Covid-19 laboratoriumtoetsverslae van PathCare Namibië.Die mans...

Reënweer bring groot skade

18 ure gelede | Weer

Kristien Kruger – Terwyl Namibië die derde week van swaar neerslae binnegaan, is groot skade reeds aan paaie, landerye en ander infrastruktuur aangerig. Windhoekers is...

Weer vir 11 Januarie 2021

18 ure gelede | Weer

BINNELAND: Gedeeltelik bewolk en baie warm in die Noordweste, verre Weste en dele van die //Kharasstreek. Elders sal dit bewolk en warm tot baie...

Regering slaan toe op klaringsagente

18 ure gelede | Regering

Phillepus Uusiku – Die regering is in die finale fase van die instelling van strenger maatreëls vir die lisensiëring van klaringsagente.Die instellings beoog om die...

Nafau wen in hof teen Shoprite

18 ure gelede | Arbeid

Kristien Kruger en Adolf Kaure – Stakende Shoprite-werknemers was Vrydagmiddag verjuig toe die hoërhof in Windhoek beslis het dat ’n interdik teen die Shoprite-winkelgroep uitgereik...

Op die spoor van Hardapdam se opvangsgebiede

18 ure gelede | Infrastruktuur

Kallie Pauw (gasskrywer)Die onlangse wonderlike reën in groot dele van Namibië en verslae daaroor en foto's van vol riviere en dansende boere het mense (soos...