Man eis N$3,3 m. ná skietvoorval

Kristien Kruger’n Inwoner van Kuisebmond dagvaar die ministerie van binnelandse sake, immigrasie, veiligheid en sekuriteit vir sowat N$3,3 miljoen nadat ’n lid van die Namibiese polisie hom glo onregmatig geskiet het.Mnr. Nemushi Iimanuel Amandus beweer ’n lid van die Namibiese polisie het hom op 1 April vanjaar in Walvisbaai in sy nek geskiet en hy het kort daarna ’n eis teen die ministerie en die inspekteur-generaal van die polisie aanhangig gemaak.“Die insident het in die openbaar gebeur en lede van die publiek het dit aanskou,” lui die besonderhede van sy eis. Volgens hofstukke het hy mediese behandeling ontvang, maar die koeël in sy nek kon glo nie verwyder word nie, aangesien dit hom kon verlam het, óf selfs tot sy dood kon lei. “Hy het baie fisieke pyn gehad en ervaar steeds pyn, omdat die koeël steeds in sy liggaam is.” Volgens hofstukke wat gister by die hoërhof in Windhoek ingedien is, ontken die ministerie en die Namibiese polisie nie die insident nie en is hulle bereid om die eis buite die hof te skik. Hulle is wel nie bereid om die volle eis van N$3,3 miljoen te betaal nie. Amandus eis sowat N$1,5 miljoen vir pyn en lyding, N$1 miljoen vir emosionele en psigiese lyding, N$100 000 vir mediese sorg en ondersoeke wat hy moes betaal en N$700 000 vir verdere mediese onkostes en operasies wat hy moes ondergaan. SKADEVERGOEDING In ’n ander saak teen dieselfde ministerie, eis twee mans altesaam N$500 000. Mnre. Reinhold Dhigiina Nangolo en Naftal Fiindje Nafital beweer hulle is in Januarie vanjaar onwettig in hegtenis geneem en elkeen eis ’n bedrag van N$250 000 vir skadevergoeding. Die duo was glo twee dae in aanhouding voor hulle op borgtog vrygelaat is. Al twee sake het gister in die hoërhof in Windhoek verskyn en is nog nie afgehandel nie. - kristien@republikein.com.na

Man eis N$3,3 m. ná skietvoorval

Kommentaar

Republikein 2025-07-04

Meld asseblief aan om kommentaar te lewer

Man eis N$3,3 m. ná skietvoorval

Kommentaar

Republikein 2025-07-04

Meld asseblief aan om kommentaar te lewer

MELD AAN

Advertensie