Magsvergrype ry CoW

Raadslede melk stad glo

18 June 2020 | Regering
Jemima Beukes en Denver Kisting – Die verdeeldheid binne die leierskap van die City of Windhoek (CoW) dreig om dié plaaslike owerheid oor die afgrond te stuur.

Beweerde magsvergrype – aan die hand van die stadspolisiehoof, mnr. Abraham Kanime en sommige Swapo-raadslede en bestuurslui – het die CoW opnuut in ’n krisis gedompel.

Dié nuus kom te midde van onthullings dat raadslede maandeliks tussen N$30 000 en N$40 000 verdien.

Hiernaas kry hulle vir elke vergadering na wat verneem word sowat N$1 000 en verdien ’n maandelikse vervoertoelaag van tussen N$3 000 en N$4 000.

Ondanks dié vervoertoelaag maak raadslede glo van raadsvoertuie gebruik om na raadsake om te sien.

Kanime is glo onlangs onregmatig aangestel nadat hy bedank het en kort voor hy 60 jaar oud geword het.

Dié kwessie dien tans voor die hoërhof.

Om daardie rede is hy nie by magte om daarop kommentaar te lewer nie, sê mnr. Robert Kahimise, die uitvoerende hoof van CoW.

Gesaghebbende bronne binne CoW skets ’n prentjie van twee magsentra wat aan die orde van die dag is.

Na wat betroubaar verneem word is ’n waarnemende uitvoerende hoof, senior superintendent Paukeni Titus, aangestel om oor Kanime se aanstelling waak te hou toe Kahimise nie hiervoor te vinde was nie.

Boonop was dit nie die enigste beweerde onregmatige menslike hulpbronproses wat tydens dié vergadering bekragtig is nie, word op goeie gesag verneem.

Twee strategiese hoofde – dié van menslike kapitaal en korporatiewe dienste, mnr. George Mayumbelo, en dié van infrastruktuur, water en wetenskaplike dienste, mnr. Ludwig Narib, – se status is van permanent na vaste kontrakte verander tot met hul aftrede en op ’n salariskerf van 75% van hul salarisskaal.

Na wat verneem word, is dít ongehoorde praktyk.

Narib het die afgelope week by navraag onkunde gepleit.

Volgens hom is hy die afgelope twee weke met verlof. “Ek is op die plaas met verlof. Ek is nie oor dié verwikkelinge ingelig nie. Wat die raad ook al besluit, word as vertroulike inligting hanteer. Dit is vir my nuus.”

Narib het ook gesê hy dra geen kennis van die betaling van nagenoeg N$900 000 aan hom nie.

Hy het verdere navrae aan die woordvoerder en uitvoerende hoof verwys.

Die voorsitter van die raad se bestuurskomitee, mnr. Moses Shiikwa, sê hy is slegs die voorsitter en kan net aanbevelings aan die raad maak. “Individue neem nie besluite nie.”

Die huidige burgemeester, me. Fransina Kahungu, steun na wat verneem word nie Kanime en kie se beweerde pogings om CoW soos ’n kleinhandelaar te bedryf nie.

Kahungu is daarom verlede week tydens ’n buitengewone raadsvergadering met haar adjunk, mnr. Ian Subasubani, vervang om namens CoW in Kanime se geding beëdigde verklarings af te lê.

Subasubani het Dinsdagoggend by navraag dié verwikkeling erken.

Maar, voer hy aan, dit was nie sy besluit nie.

Hy het “natuurlik” die besluit verwelkom en aanvaar die bestuurskomitee het “hul wysheid gebruik”.

Die adjunkburgemeester sê hy kan ook nie reageer op vrae oor hoekom Titus as waarnemende uitvoerende hoof aangestel is nie.

Subasubani ontken twee verskillende magsentra regeer tans vir CoW. “Nee, glad nie. Dit hang af wat jy daarmee bedoel.”

Volgens hom bly Kahungu as burgemeester die hoof van die instelling.

Oor die vergoeding van raadslede sê Subasubani: “Dis; ek bedoel toelaes is daar.”

Hy kan egter nie die bedrae bevestig nie omdat hy dan oor “ander mense se vergoeding” sal praat. Hy het egter toegegee dat die tersaaklike bedrae in die kol is.

Titus het gistermiddag erken hy is steeds die waarnemende uitvoerende hoof ondanks die feit dat Kahimise ook in die tuig is.

Volgens hom is die raad by magte om ’n waarnemende uitvoerende hoof aan te stel as die posbekleër nie al of ’n gedeelte van sy of haar verantwoordelikhede kan nakom nie.

Titus het ook erken hy was teenwoordig tydens die onlangse raadsbesluit toe daar oor Kanime, Narib en Mayumbelo se diensvoorwaardes besin en besluit is.

Kanime het Dinsdag ook onkunde gepleit oor die twee magsfaksies. “Ek is nie bewus daarvan nie.”

Hy wou nie verder kommentaar lewer nie.

“Onthou, ek het nie die reg om oor personeelaangeleenthede met die media te praat nie.”

Kahimise het nadat hy om kommentaar genader is, die verwikkelinge rondom die strategiese hoofde se diensvoorwaardes bevestig maar beklemtoon dit is ’n vertroulike personeelaangeleentheid.

“Dit kan egter bevestig word alle strategiese hoofde is op ’n vyfjaar-vastetermynwerkkontrak behalwe die twee strategiese hoofde wat vastetermynkontrakte tot aftrede aangebied is met terugbetalings tot 2017. Dit is deur die bestuurskomitee en die raad besluit – teenstrydig met die uitvoerende hoof se raad.”

Volgens hom is dié besluit teenstrydig met die doelwit van prestasie-aansporing. Boonop stel dit die raad wat ’n openbare instelling is, befonds deur publieke fondse, bloot aan onnodige finansiële risiko’s, het hy gewaarsku.

Vertroulik word verneem die twee mans het gemiddeld N$947 532.44 ontvang in “agterstallige lone”.

Oor raadslede wat ’n vervoertoelaag ontvang én van raadsvoertuie gebruik maak, sê die uitvoerende hoof: “Die vervoertoelaag is bedoel om raadslede in staat te stel om hul pligte in Windhoek uit te voer. Derhalwe moet raadslede nie raadsvoertuie gebruik nie mits dit vanweë afstand en terrein geregverdig is.”

Kahungu het die afgelope week nie haar foon geantwoord nie.
- [email protected]/[email protected]

Soortgelyk

 

Fishrot: Geen borg, eis ACC

7 ure gelede | Howe

Jemima Beukes Die Teenkorrupsie Kommissie (ACC) is vas oortuig betrokkenes by die Fishrot-skandaal het op ‘n uitgebreide wyse saamgespan om honderde miljoene dollar te steel.Sowat...

Air Nam se vlerke geknip

7 ure gelede | Vervoer

Ronelle Rademeyer - Die nasionale redery is met sy rug teen die muur en het nie beweegruimte om langer die kwessie oor sy bankrotskap en...

Weer vir 9 Julie 2020

7 ure gelede | Weer

WEERWAAK: Koue en nat toestande word Vrydag en Saterdag in die Suide en Weste verwag. Baie koue toestande word oor die suidelike, sentrale en oostelike...

Munisipale werkers betoog oor kontrakte

7 ure gelede | Regering

Kristien Kruger – Sowat 600 skoonmakers het gister tydens middagete na die Windhoek munisipale hoofkantore opgeruk om ‘n klagskrif aan die burgemeester, me. Fransina Kahungu,...

Itula se partyplanne op dreef

7 ure gelede | Regering

Denver Kisting – Die hoofkiesbeampte van die Verkiesingskommissie van Namibië (ECN), mnr. Theo Mujoro, sê dié nasionale kiesliggaam het nog nie dr. Panduleni Itula se...

Pasgebore baba toets twee keer negatief

7 ure gelede | Gesondheid

Henriette Lamprecht - 'n Pasgebore baba wat die naweek aanvanklik as Namibië se geval 362 van Covid-19 aangemeld is, het twee keer daarna negatief vir...

Bibbernaweek, reën voorspel

7 ure gelede | Weer

Elvira Hattingh – Die Namibiese weerkantoor het ‘n weerwaak uitgereik vir koue weer wat reeds van vandag af in die Weste verwag word.Terselfdertyd sal koue,...

Staat wil appelleer teen uitspraak oor arbeidsreëls

7 ure gelede | Regering

Ronelle RademeyerDie staat is voornemens om appèl aan te teken teen die volbank-uitspraak twee weke gelede waarin bevind is die Covid-19-arbeidsregulasies is ongrondwetlik en gevolglik...

Windhoek se vullis drom op

7 ure gelede | Regering

Denver KistingDae nadat die Windhoek-munisipaliteit (CoW) moes toegee hy is sy inkomste uit parkeermeters kwyt, het dié plaaslike owerheid erken hy het ook tans geen...