Machel besoek Namibië

Invloed van ondervoeding getakel

09 December 2016 | Gesondheid
Henriette Lamprecht



Die kampvegter vir wêreldwye kinderregte, me. Graça Machel, en me. Leila Pakkala, die streekdirekteur vir oostelike en suidelike Afrika van die Verenigde Nasies se Kinderfonds (Unicef), is in Namibië om die regering se voortgesette pogings te ondersteun om ondervoeding onder kinders te verminder en hul regte te verwesenlik.

Tydens hul besoek van drie dae sal Machel en Pakkala topregeringsbeamptes, lede van die Nasionale Vergadering, burgerlike samelewing, VN-agentskappe asook ontwikkelingsvennote ontmoet. Die doel is om belegging in voeding te verhoog om sodoende beter opbrengste van alle ontwikkelingsdoelwitte te verseker. Besprekings sal voorts fokus op hoe om multi-sektorale vennootskappe te versterk in reaksie op struikelblokke wat in die weg van goeie voeding, onderrig en vroeë kinderontwikkeling staan.

“Namibië se suksesse en vordering in kinderoorlewing en in die stryd teen ondervoeding, is die gevolg van voortgesette vennootskappe wat ons met VN-agentskappe, rolspelers in die burgerlike samelewing en vooraanstaande voorspraakmakers vir kinderregte het,” het eerste minister Saara Kuugongelwa-Amadhila gesê.

“Die besoek van beide me. Machel en me. Pakkala is daarom ''n welkome versterking van die regering se voortgesette pogings om die skadelike uitwerking van ondervoeding op die gesondheids- en maat­skaplike ontwikkeling van Namibië se kinders aan te pak. Voorts vind dit algemene oplossings vir dié uitdaging.”

Ondervoeding veroorsaak onomkeerbare skade aan die fisieke en geestelike ontwikkeling van ''n kind. ''n Kind wat hierdeur geraak word, veral in die eerste duisend dae van sy of haar lewe, sal nie sy volle fisieke en intellektuele potensiaal in die toekoms bereik nie. Volgens ''n verklaring deur Unicef het Namibië in die lig hiervan pogings verskerp om die verskeie maatskaplike en ekonomiese ongelykhede te verminder wat die toestand beïnvloed.

Die verklaring lui voorts prysenswaardige vooruitgang is in Namibië gemaak om sterftes en siektes as gevolg van algemene kindersiektes, waaronder ondervoeding, te maak. Sterftes onder kinders onder die ouderdom van vyf jaar is verlaag van 4 200 per jaar in 1990 tot minder as 3 000 in 2013, terwyl sterftes onder swanger vroue oor dieselfde tydperk van 449 per 100 000 lewende geboortes tot 385 per 100 000 lewende geboortes afgeneem het.

Meer as 84% van die bevolking het toegang tot veilige drinkwater, ''n sleutel-ingryping om die voorkoms van diarree weens die verbruik van besmette water te verminder. Die persentasie ondergewig kinders het van 17% in 2006 tot 13 persent in 2013 afgeneem, terwyl groeivertraging van 29% tot 26% gedaal het.

“Soos ons die suksesse vier wat ons met ons kinders en hul families behaal het, moet ons nie die baie werklike impak van ondervoeding in Afrika vergeet nie. Baie kinders, veral dié in landelike en droogtegeteisterde gebiede, dié wat deur MIV geraak word of dié uit arm huishoudings, dra steeds die gevolge van ondervoeding, ''n toestand wat voorkom en bestuur kan word,” het Machel gesê.

Die besoek van Machel en Pakkala volg op ''n besoek in 2012 deur Machel aan Namibië waartydens die regering sy bereidwilligheid en verbintenis bevestig het om samewerking en vennootskappe te versterk om ondervoeding te beveg. Die besoek bou voort op die voortgesette samewerking tussen die regering, die Namibiese Alliansie vir Verbeterde Voeding (NAFIN) en Unicef.

Sedert die besoek in 2012 het Unicef die regering ondersteun op die gebied van betrokkenheid by ander SADC-lande om beleidsrigtings en programme op te stel om voeding doeltreffend te verhoog.

“Dit is Unicef se plig en belofte om te verseker dat alle kinders beskerm word teen die bedreiging en impak van ondervoeding,” het Pakkala gesê.

“Ons sal voortgaan om ons steun aan regeringspogings te verleen om ondervoeding te voorkom en aan te pak deur onder meer die aangaan van vennootskappe wat vir kinders in die bresse tree.”

Soortgelyk

 

Endjala se jammer nie goed genoeg – Geingob

22 ure gelede | Politiek

Pres. Hage Geingob het die goewerneur van die Omusatistreek, mnr. Erginus Endjala, opdrag gegee om “ondubbelsinnig en onvoorwaardelik” verskoning te vra vir die stamgerigte uitlatings...

Nuwe regulasies vir myn van sand, gruis

1 dag gelede | Plaaslik

Die Windhoekse munisipaliteit het tydens hul jongste stadsraadsvergadering hul nuwe beleid oor die myn van sand en gruis binne die uitgebreide grense van die hoofstad...

Namibië nié middelpunt vir mensehandel

1 dag gelede | Howe

Verskeie inisiatiewe wat fokus op mensehandel en vir die volgende drie jaar sal duur, is huidig in Namibië onderweg. Volgens die adjunk eerste minister van...

Vier sterf in grubotsing met vragmotor

1 dag gelede | Ongelukke

Vier persone is Vrydag omstreeks 01:00 in 'n kop-teen-kopbotsing 60 kilometer buitekant Otjiwarongo op die Otavi-pad dood. 'n Sedanvoertuig met vier insittendes het teen 'n...

Vang vis vir 'net' N$50

1 dag gelede | Omgewing

Estelle de BruynGoeie nuus vir hengelaars wat net af en toe die lyne gaan natmaak, is dat hulle nie 'n maandpermit van N$1 500 hoef...

Spoed op Westelike verbypad gebriek

1 dag gelede | Ongelukke

Tanja Bause - Motoriste wat van die Westelike verbypad in Windhoek gebruik maak, se maksimum spoed sal van Dinsdag 1 Augustus af 80 km/h wees....

Wiel van geregtigheid draai stadig vir Teko-trio

1 dag gelede | Howe

Jacqueline Louw Regter Christie Liebenberg, die nuutaangestelde regter in die verhoor van me. Teckla Lameck en mnre. Kongo Makaxwa en Yang Fan, het gister verhoordatums...

Weer, Vrydag 28 Julie 2017

1 dag gelede | Weer

BINNELAND: Sonnig en warm tot baie warm. Winderige toestande sal oor die binneland heers.KUS: Gedeeltelik bewolk en matig in die noorde met miskolle in die...

Swartbooi bedank uit Swapo

1 dag gelede | Politiek

Catherine SasmanDie uitgeskopte Swapo-parlementslid, mnr. Bernadus Swartbooi, het op ‘n amper triomfantelike manier sy uittrede uit die regerende party aangekondig, maar het bespiegelinge dat hy...