Maanligresies

17 May 2019 | Menings
YVONNE BURGER SKRYF:

Ek was van plan en baie ernstig ook om die Moonlight Run-fietsresies na Swakop toe te doen vanaf Windhoek.

Weke lank het ons oor niks anders gesels nie. Ek het gesorg dat ek genoeg oefen en al die nodige goed aanskaf wat saam met dit gaan. Ek was reg vir die storie.

Die dag van die Moonlight Run het aangebreek met 'n amper feestelike atmosfeer soos vriende en familie bymekaargekom het om af te laai en af te sien. Als het goed begin en almal het lekker fluks getrap sodat die kilometers verbygevlieg het.

Namate dit donker geraak het en die maan sy wit lig oor die fietsryers uitstraal, het ek al hoe stadiger begin trap in verwondering oor hoe buiteruimtelik alles gelyk het as ek nie my musiek in my ore aan het nie, want dan heers daar 'n doodse stilte.

Al hoe stadiger trap ek in verwondering. Tot ek later gaan stilstaan met die fiets en heel in gedagte vir my 'n kalmmaakpypie opsteek, in absolute vrede rook en net wees in die maanverligte landskap.

Die laaste fietsryers kom verby en verdwyn uit my sig. Kalmte heers om my en met 'n vreedsame sug sit ek die fiets neer, haal die valhelm af, gaan lê op die naat van my rug, arms gevou onder my kop, en . . .

Die maan skuif agter 'n wolkie in en ineens staar ek na die mooi sterre in ons heelal. Die skouspel was fabelagtig.

Met 'n glimlag op my gesig moes ek aan die slaap geraak het.

My telefoon se lui maak my wakker. Ek knip, knip my oë en skrik. Waar die duiwel is ek?

Styf, styf kom ek orent, sit en bekyk die wêreld heeltemal gedisorienteerd. Tot ek my fiets langs my sien.

Ek onthou met 'n grinnik my verwondering aan die buiteruimtelike, maanverligte landskap.

Dit was 'n anderste, maar goeie ondervinding.

Ek kyk op die foon wie het gebel en dink by myself ek moet die mense seker laat weet ek is oukei. En dat ek maar terug moet draai Windhoek toe, want dit is nou definitief die naaste.

Sal maar groot verskoning maak en moet dink wat gaan ek sê . . .

Al dinkende ry ek rustig terug na Windhoek.

Dit was 'n fantastiese ervaring en volgende jaar gaan ek weer probeer.

Is daar sterre op 'n maanskynnag? Is dit 'n volmaan oor die renne?

Miskien het daar 'n wolk voor die maan ingeskuif wat 'n towerspel van sterre in die swart heelal laat verskyn en my in absolute verwondering tot stilstand gebring het.

Soortgelyk

 

Regering staan bakhand vir 2% van Namibiërs se jáárlikse...

6 ure gelede | Regering

Denver Kisting – Die verwarring oor of die regering Namibiërs vra om 2% van een maand of een jaar se basiese salaris te skenk, is...

Making employees feel at home at Plastic Packaging

18 ure gelede | Mense

JONELL MALAN Human resource management is a function in organisations designed to maximise employee performance in the service of an employer’s strategic objectives. One empowers...

Duisende registreer vir e-taks

18 ure gelede | Ministeries

Elvira Hattingh - Altesaam 192 225 belastingopgawes is teen Dinsdag via die ministerie van finansies se nuwe aanlyn belastingdiens, die geïntegreerde belastingadministrasiestelsel (Itas), ontvang.Mnr. Tonateni...

Apollo 11-euforie só onthou

18 ure gelede | Tegnologie

Ronelle Rademeyer - Namibië se eie ruimteman, dr. Japie van Zyl, sê ’n getekende foto van die drie Apollo 11-ruimtevaarders, Neil Armstrong, Buzz Aldrin en...

Kalender 12 Julie

18 ure gelede | Kuns en vermaak

Nou aan die gang» Bottomless Coffee Band is ’n instrumentele, alternatiewe duo wat bestaan uit die getroude paartjie Lourens en Esté Rabé van Kaapstad, Suid-Afrika....

Weer vir 19 Julie 2019

18 ure gelede | Weer

BINNELAND: Sonnig en warm tot baie warm in die Noorde.KUS: Sonnig en matig tot warm.GETYE BY WALVISBAAI: H 04:47 L 10:41...

Nuwe begin vir vier wildehonde

18 ure gelede | Omgewing

Francoise Steynberg - Ná die tragiese skietvoorval in Februarie waarin drie wildehonde van die N/a’an ku sê-stigting en -wildreservaat glo deur personeel van die...

Just a click away

18 ure gelede | Gesondheid

Michelline Nawatises Organic Box is an online grocery shop specialising in selling organic vegetables, meat and dairy products, farm produce, and speciality homemade products.It was...

Rundu surveys new extensions

18 ure gelede | Plaaslik

The Rundu town council plans to survey two new extensions in the Tuhingireni informal settlement for N$ 1 million, according to the head of town...