Maak kinders deel van die toekoms
Die Namibië Robotskool berei hul leerlinge vir die toekoms voor deur hul vaardighede in probleemoplossing met die gebruik van tegnologie op te skerp.
Justicia Shipena
Met tegnologie wat daagliks verander, word voorspel meer as die helfte van die land se jeug sal in die toekoms beroepe beoefen wat nog nie eens bestaan nie.
Wat oorspronklik as 'n naweekaktiwiteit begin het, het tot die ontstaan van die Namibië Robotskool gelei.
“Ons het groepsessies vir kinders aangebied. Die belangstelling wat in die sessies getoon is, het ons gemotiveer om met 'n volskaalse robotskoolkonsep en -klasse te begin,” sê me. Elna Mukasa, die skool se bestuurder.
Volgens Mukasa is haar span die heeltyd besig om 'n omgewing te skep waar leerlinge alles kan leer wat sy en haar span graag op daardie ouderdom sou wou leer.
“Ons is bewus van die krag van tegnologie en die toekoms wat dit vir innovasie inhou, en dus wil ons sien hoe die Namibiese jeug opgelei word in gevorderde tegnologie, want dit groei en verander teen 'n ongelooflike spoed,” sê Musaka.
Die skool is in Windhoek geleë en kinders tussen die ouderdomme van drie en 14 kan inskryf.
Die skool se span bestaan uit ontwerpers, sagteware-ingenieurs en elektronika-entoesiaste. Inskrywings word jaarliks aanvaar.
“Jy doen aanlyn aansoek en klasse is van Januarie tot Desember, maar weens die Covid-19-pandemie moes ons die gewone roetine effens aanpas,” het Musaka gesê.
Sy sê die klasse het intussen weer met kleiner groepe hervat en ouers wat hul kinders wil inskryf, kan die skakel http://robotschool.info besoek.
Sy voeg by leerlinge se vaardighede groei ongelooflik deur die skool, waar hulle onder meer leer om robotte te bou en te kodeer.
“Een voorbeeld is ons preprimêre klas wat elektriese vervoermiddels bou wat passasiers optel en by hul volgende bestemming aflaai, wat soortgelyk is aan Google se slimvoertuie van die toekoms. Een van ons leerlinge is moontlik die wêreld se volgende Elon Musk!” het Musaka trots gesê.
Sy sê toe die skool se deure oopgemaak het, was daar niks soortgelyk vir Namibiërs beskikbaar nie, en moes hulle die konsep bemark en ouers help om te verstaan hoe belangrik dit vir kinders is om tegnologie te verstaan en te gebruik.
“Dit was aanvanklik moeilik om aan die gang te kom, maar die stigters het die skool se groei met hul eie beleggings ondersteun en die span groei daagliks van krag tot krag.”
NUWE NORMAAL
Die Covid-19-pandemie het uitdagings vir die skool geskep, wat in 'n stadium oorweeg het om hul deure te sluit.
Hoewel die skool meer as 100 leerlinge gehad het, het die getalle drasties tydens die gepaardgaande inperkings afgeneem.
Met die uitdagings wat die skool in die gesig gestaar het, het hulle met innoverende maniere vorendag gekom om hul deure oop te hou en steeds aan regulasies te voldoen.
“Ons het na 'n groter en beter ligging geskuif, alles ontsmet en selfs 'n robot gebou wat kan ontsmet. Ons het ook die grootte van ons klasse van tien tot vyf verminder,” sê sy verder.
Daar was 'n gebrek aan persoonlike interaksie met leerlinge toe die skool met aanlyn klasse begin het.
“Ons het vinnig besef leerlinge presteer beter in 'n praktiese leeromgewing en dat ons hulle kan help om beter te verstaan en te leer.”
Musaka sê mense maak daagliks gebruik van tegnologie en met die nuwe 'Industry 5.0' gaan meer geleenthede beskikbaar wees om sagte- en hardeware te kombineer om nuwe innoverende produkte en dienste te skep.
“Ons raad is om van ons klasse gebruik te maak en te sien waaroor dit gaan, opgewonde te raak oor die gebruik van tegnologie en kreatiwiteit en idees in produkte te omskep, wat gaan help om jou deel van die toekoms te maak,” het sy gesê.
Met tegnologie wat daagliks verander, word voorspel meer as die helfte van die land se jeug sal in die toekoms beroepe beoefen wat nog nie eens bestaan nie.
Wat oorspronklik as 'n naweekaktiwiteit begin het, het tot die ontstaan van die Namibië Robotskool gelei.
“Ons het groepsessies vir kinders aangebied. Die belangstelling wat in die sessies getoon is, het ons gemotiveer om met 'n volskaalse robotskoolkonsep en -klasse te begin,” sê me. Elna Mukasa, die skool se bestuurder.
Volgens Mukasa is haar span die heeltyd besig om 'n omgewing te skep waar leerlinge alles kan leer wat sy en haar span graag op daardie ouderdom sou wou leer.
“Ons is bewus van die krag van tegnologie en die toekoms wat dit vir innovasie inhou, en dus wil ons sien hoe die Namibiese jeug opgelei word in gevorderde tegnologie, want dit groei en verander teen 'n ongelooflike spoed,” sê Musaka.
Die skool is in Windhoek geleë en kinders tussen die ouderdomme van drie en 14 kan inskryf.
Die skool se span bestaan uit ontwerpers, sagteware-ingenieurs en elektronika-entoesiaste. Inskrywings word jaarliks aanvaar.
“Jy doen aanlyn aansoek en klasse is van Januarie tot Desember, maar weens die Covid-19-pandemie moes ons die gewone roetine effens aanpas,” het Musaka gesê.
Sy sê die klasse het intussen weer met kleiner groepe hervat en ouers wat hul kinders wil inskryf, kan die skakel http://robotschool.info besoek.
Sy voeg by leerlinge se vaardighede groei ongelooflik deur die skool, waar hulle onder meer leer om robotte te bou en te kodeer.
“Een voorbeeld is ons preprimêre klas wat elektriese vervoermiddels bou wat passasiers optel en by hul volgende bestemming aflaai, wat soortgelyk is aan Google se slimvoertuie van die toekoms. Een van ons leerlinge is moontlik die wêreld se volgende Elon Musk!” het Musaka trots gesê.
Sy sê toe die skool se deure oopgemaak het, was daar niks soortgelyk vir Namibiërs beskikbaar nie, en moes hulle die konsep bemark en ouers help om te verstaan hoe belangrik dit vir kinders is om tegnologie te verstaan en te gebruik.
“Dit was aanvanklik moeilik om aan die gang te kom, maar die stigters het die skool se groei met hul eie beleggings ondersteun en die span groei daagliks van krag tot krag.”
NUWE NORMAAL
Die Covid-19-pandemie het uitdagings vir die skool geskep, wat in 'n stadium oorweeg het om hul deure te sluit.
Hoewel die skool meer as 100 leerlinge gehad het, het die getalle drasties tydens die gepaardgaande inperkings afgeneem.
Met die uitdagings wat die skool in die gesig gestaar het, het hulle met innoverende maniere vorendag gekom om hul deure oop te hou en steeds aan regulasies te voldoen.
“Ons het na 'n groter en beter ligging geskuif, alles ontsmet en selfs 'n robot gebou wat kan ontsmet. Ons het ook die grootte van ons klasse van tien tot vyf verminder,” sê sy verder.
Daar was 'n gebrek aan persoonlike interaksie met leerlinge toe die skool met aanlyn klasse begin het.
“Ons het vinnig besef leerlinge presteer beter in 'n praktiese leeromgewing en dat ons hulle kan help om beter te verstaan en te leer.”
Musaka sê mense maak daagliks gebruik van tegnologie en met die nuwe 'Industry 5.0' gaan meer geleenthede beskikbaar wees om sagte- en hardeware te kombineer om nuwe innoverende produkte en dienste te skep.
“Ons raad is om van ons klasse gebruik te maak en te sien waaroor dit gaan, opgewonde te raak oor die gebruik van tegnologie en kreatiwiteit en idees in produkte te omskep, wat gaan help om jou deel van die toekoms te maak,” het sy gesê.
Kommentaar
Republikein
Geen kommentaar is op hierdie artikel gelaat nie