Lugbespuiting teen sprinkane ingespan
Plaagdoder is Sondag oor sowat 10 hektaar vanuit die lug in die Itomba-gebied bespuit om die gevreesde rooitreksprinkaan te beveg.
Die Namibiese lugmag (NAF) het die afgelope Sondag met lugbespuiting in die Zambezistreek begin om die uitbreking van die rooi treksprinkaan te beveg.
Die NAF span vir een maand kragte saam met die ministerie van landbou, water en grondhervorming om sprinkaanswerms te probeer bestry.
Die ministerie se hoof landbouwetenskapsbeampte, me. Violet Simataa, het bevestig dat die lugmag die eerste lugbespuiting in die Itomba-gebied gedoen het, saam met die ministerie, wat self die pes bestry deur gebruik te maak van ’n motorvoertuig met ’n gifspuit agterop, asook gifspuite wat met die hand gedra word.
Plaagdoder, insluitend Cyperfos, is oor meer as 10 hektaar bespuit.
Een van die geraakte gemeenskapslede, die 84-jarige mnr. Greenwell Mayumbelo, het Sondag gesê die lugbespuiting sal baie help omdat dit moeilik was vir voertuie om sommige van die geraakte dele te bereik.
Die ministerie sou gister nog na verwagting op Republikein se vrae reageer oor of die regering die plaag tans onder beheer het en tot watter mate en waar oral die lugmag ingespan sal word om die sprinkane te bespuit.
Dit volg nadat mnr. Calle Schlettwein, die minister van landbou, water en grondhervorming, op 24 September in die parlement gesê het nog sowat N$30 miljoen se benodighede word “sonder oponthoud” vir die bestryding van die Afrika rooitreksprinkaan in die Zambezistreek benodig.
Dit is ’n noodsaaklike doelwit om te keer dat dié pes dalk na die res van Namibië uitbrei.
Dit volg nadat rooisprinkane sedert 12 Augustus reeds 4 002 km2 in die Zambezistreek binnegedring en reeds sowat 500 hektaar se weiding vernietig het.
Hy het gesê dié streek ervaar tans sy tweede uitbreking vir vanjaar van dié gevreesde sprinkaan ná die eerste voorkoms in Februarie.
Volgens Schlettwein is die rooisprinkaan intussen op 12 Augustus in die Zambezistreek in 19 gebiede opgemerk, wat insluit Muzi, Namiyundu, Ivilivizi, Lusese, Ihaha, Nakabolelwa, Masikili en Malindi.
Schlettwein het in die parlement gesê die rooitreksprinkaan het reeds Namibië se noordelike en noordoostelike buurlande soos Botswana, Zambië en Zimbabwe geteister.
“Sommige van hierdie lande gebruik lugbespuitingsmetodes, wat veroorsaak dat die sprinkane na ander lande migreer. Ons behoort om dié rede ook van lugbespuiting gebruik te maak om die pes doeltreffend te kan bestry en om ons bestaande bestrydingsmetodes te rugsteun.
“Dit is nodig omdat die verspreiding van die pes intens raak en om te voorkom dat die sprinkane na ander dele van die land versprei,” het hy gesê.
Sprinkaanplae is bekend daarvoor dat dit groot verwoesting in weivelde en onder gewasse veroorsaak omdat die insekte gras, koring en mielies vreet.
– Nampa en eie berig
Die NAF span vir een maand kragte saam met die ministerie van landbou, water en grondhervorming om sprinkaanswerms te probeer bestry.
Die ministerie se hoof landbouwetenskapsbeampte, me. Violet Simataa, het bevestig dat die lugmag die eerste lugbespuiting in die Itomba-gebied gedoen het, saam met die ministerie, wat self die pes bestry deur gebruik te maak van ’n motorvoertuig met ’n gifspuit agterop, asook gifspuite wat met die hand gedra word.
Plaagdoder, insluitend Cyperfos, is oor meer as 10 hektaar bespuit.
Een van die geraakte gemeenskapslede, die 84-jarige mnr. Greenwell Mayumbelo, het Sondag gesê die lugbespuiting sal baie help omdat dit moeilik was vir voertuie om sommige van die geraakte dele te bereik.
Die ministerie sou gister nog na verwagting op Republikein se vrae reageer oor of die regering die plaag tans onder beheer het en tot watter mate en waar oral die lugmag ingespan sal word om die sprinkane te bespuit.
Dit volg nadat mnr. Calle Schlettwein, die minister van landbou, water en grondhervorming, op 24 September in die parlement gesê het nog sowat N$30 miljoen se benodighede word “sonder oponthoud” vir die bestryding van die Afrika rooitreksprinkaan in die Zambezistreek benodig.
Dit is ’n noodsaaklike doelwit om te keer dat dié pes dalk na die res van Namibië uitbrei.
Dit volg nadat rooisprinkane sedert 12 Augustus reeds 4 002 km2 in die Zambezistreek binnegedring en reeds sowat 500 hektaar se weiding vernietig het.
Hy het gesê dié streek ervaar tans sy tweede uitbreking vir vanjaar van dié gevreesde sprinkaan ná die eerste voorkoms in Februarie.
Volgens Schlettwein is die rooisprinkaan intussen op 12 Augustus in die Zambezistreek in 19 gebiede opgemerk, wat insluit Muzi, Namiyundu, Ivilivizi, Lusese, Ihaha, Nakabolelwa, Masikili en Malindi.
Schlettwein het in die parlement gesê die rooitreksprinkaan het reeds Namibië se noordelike en noordoostelike buurlande soos Botswana, Zambië en Zimbabwe geteister.
“Sommige van hierdie lande gebruik lugbespuitingsmetodes, wat veroorsaak dat die sprinkane na ander lande migreer. Ons behoort om dié rede ook van lugbespuiting gebruik te maak om die pes doeltreffend te kan bestry en om ons bestaande bestrydingsmetodes te rugsteun.
“Dit is nodig omdat die verspreiding van die pes intens raak en om te voorkom dat die sprinkane na ander dele van die land versprei,” het hy gesê.
Sprinkaanplae is bekend daarvoor dat dit groot verwoesting in weivelde en onder gewasse veroorsaak omdat die insekte gras, koring en mielies vreet.
– Nampa en eie berig
Kommentaar
Republikein
Geen kommentaar is op hierdie artikel gelaat nie