Lorriedrywers kom huis toe
Ronelle Rademeyer - Die Zambiese regering het gister die versekering gegee dat 272 van die 466 vragmotors van lande in Suider-Afrika waarop daar in dié buurland beslag gelê is, vandeesweek toegelaat sal word om die land te verlaat.
Namibië se ambassadeur in Lusaka, amb. Leonard Nambahu, het gister in ’n telefoniese onderhoud uit die buurland gesê hy was teenwoordig toe dié aankondiging gemaak is. Dit is nie bekend watter dag dit sal gebeur nie.
“Ek kom nou net (gister) van ’n vergadering met die ministerie (van grond, natuurlike hulpbronne en omgewingsbeskerming) af waar ons meegedeel is dat 272 vragmotors vrystelling gekry het en hierdie week nog die land mag verlaat,” het hy gesê.
“Die oorblywende 194 se dokumentasie is nie in orde nie en hulle sal nie toegelaat word om die land te verlaat nie.”
Volgens Nambahu het die permanente sekretaris van dié betrokke ministerie, mnr. Trevor Kaunda, nie aangedui hoeveel van die 272 vragmotors van Namibië afkomstig is nie.
“Die 466 vragmotors waarop beslag gelê is, is van verskeie lande in die streek afkomstig. Hoeveel presies van Namibië is, weet ons nie.”
Die Zambiese owerhede het vier maande gelede op die vragmotors beslag gelê tydens ’n grootskaalse ondersoek na die onwettige vervoer van Mukula-hout (Pterocarpus chrysothrix), ook genoem rooshout of bloedhout.
Dit het gevolg nadat Zambië in Februarie ’n verbod geplaas het op die uitvoer van hierdie bedreigde houtspesie, wat veral in China hoog in aanvraag is.
Me. Charlet de Bruyn, van HRL Investment op Walvisbaai, wat as agent optree vir van die vragmotoreienaars op wie se vragmotors beslag gelê is en die Chinese houthandelaars, hou vol Zambië was bloot ’n deurgangsroete.
Sy het vroeër aan Republikein gesê die vragmotoreienaars wat sy gekontrakteer het, het die hout in Lumbumbashi in die Demokratiese Republiek die Kongo (DRK) gelaai en het wettige permitte gehad om dit via Zambië na Walvisbaai te vervoer.
Volgens Nambahu moes die drywers van hierdie vragmotors die afgelope vier maande in haglike omstandighede leef. “Die lorries is by weermagkampe en polisiekantore geskut en die drywers het nie toegang tot sanitasie of gesondheidsgeriewe, of selfs kos gehad nie.”
Hy sê personeel van die Namibiese ambassade in Lusaka het onder hulself noodsaaklike items ingesamel wat die afgelope naweek na van hierdie drywers geneem is. “Die situasie is werklik haglik.”
Nambahu sê hy het Kaunda versoek om aan die Namibiese owerheid ’n lys te verskaf van die Namibiese vragmotors, die plekke waar dit geskut word en die getal wat toegelaat sal word om die buurland te verlaat.
Namibië se ambassadeur in Lusaka, amb. Leonard Nambahu, het gister in ’n telefoniese onderhoud uit die buurland gesê hy was teenwoordig toe dié aankondiging gemaak is. Dit is nie bekend watter dag dit sal gebeur nie.
“Ek kom nou net (gister) van ’n vergadering met die ministerie (van grond, natuurlike hulpbronne en omgewingsbeskerming) af waar ons meegedeel is dat 272 vragmotors vrystelling gekry het en hierdie week nog die land mag verlaat,” het hy gesê.
“Die oorblywende 194 se dokumentasie is nie in orde nie en hulle sal nie toegelaat word om die land te verlaat nie.”
Volgens Nambahu het die permanente sekretaris van dié betrokke ministerie, mnr. Trevor Kaunda, nie aangedui hoeveel van die 272 vragmotors van Namibië afkomstig is nie.
“Die 466 vragmotors waarop beslag gelê is, is van verskeie lande in die streek afkomstig. Hoeveel presies van Namibië is, weet ons nie.”
Die Zambiese owerhede het vier maande gelede op die vragmotors beslag gelê tydens ’n grootskaalse ondersoek na die onwettige vervoer van Mukula-hout (Pterocarpus chrysothrix), ook genoem rooshout of bloedhout.
Dit het gevolg nadat Zambië in Februarie ’n verbod geplaas het op die uitvoer van hierdie bedreigde houtspesie, wat veral in China hoog in aanvraag is.
Me. Charlet de Bruyn, van HRL Investment op Walvisbaai, wat as agent optree vir van die vragmotoreienaars op wie se vragmotors beslag gelê is en die Chinese houthandelaars, hou vol Zambië was bloot ’n deurgangsroete.
Sy het vroeër aan Republikein gesê die vragmotoreienaars wat sy gekontrakteer het, het die hout in Lumbumbashi in die Demokratiese Republiek die Kongo (DRK) gelaai en het wettige permitte gehad om dit via Zambië na Walvisbaai te vervoer.
Volgens Nambahu moes die drywers van hierdie vragmotors die afgelope vier maande in haglike omstandighede leef. “Die lorries is by weermagkampe en polisiekantore geskut en die drywers het nie toegang tot sanitasie of gesondheidsgeriewe, of selfs kos gehad nie.”
Hy sê personeel van die Namibiese ambassade in Lusaka het onder hulself noodsaaklike items ingesamel wat die afgelope naweek na van hierdie drywers geneem is. “Die situasie is werklik haglik.”
Nambahu sê hy het Kaunda versoek om aan die Namibiese owerheid ’n lys te verskaf van die Namibiese vragmotors, die plekke waar dit geskut word en die getal wat toegelaat sal word om die buurland te verlaat.
Kommentaar
Republikein
Geen kommentaar is op hierdie artikel gelaat nie