Lodge heropen binnekort vir Visrivier-voetslaners
Lodge heropen binnekort vir Visrivier-voetslaners
22 May 2019 | Toerisme
Namibia Wildlife Resorts (NWR) se Hobas Lodge het vroeg Februarie kitsvloede ervaar wat tot skade gelei het, maar die lodge sal op 1 Junie weer vir voetslaners van die Visrivier-canyon gereed wees.
Die wêreldbekende Visrivier-staproete is van Mei tot September vir voetslaners oop.
Volgens ’n mediaverklaring van NWR was Hobas Lodge se rioolstelsel beskadig, bome het omgewaai en hope sand het om die restaurant, swembad en kampterrein gelê.
Dr. Matthias Ngwangwama, NWR se waarnemende besturende direkteur, sê die lodge se span het die afgelope maande onverpoos gewerk om dit vir voetslaners gereed te maak.
“Omdat ons weet die Visrivier-staproete is een van die gewildstes in die wêreld, het ons verseker die akkommodasiegeriewe is weer op die hoë standaard wat dit voor die kitsvloede was. Ek verseker ons gaste die lodge sal volgende week gereed wees,” sê hy.
Terselfdertyd bestaan kommer oor die beskikbaarheid van water in die Visrivier.
“Ons was proaktief in die verskaffing van water by die 20 km- tot 35 km-ingang van /Ai-/Ais, asook by die afsnypunt 40 km van die waterbron af.
“Ons bedank Namibia Breweries Limited wat toerusting soos tenke en draagbare waterhouers verskaf het,” sê Ngwangwama.
Hobas Lodge is in die /Ai-/Ais Richtersveld-oorgrenspark naby die Visrivier-canyon by die beginpunt van die 90 km lange Visrivier-staproete geleë.
Die lodge bied ses en suite-kamers en 14 kampterreine.
Hobas is tussen die skadubome bo die Visirivier-canyon naby die Visrivier-uitkykpunt geleë.
Die wêreldbekende Visrivier-staproete is van Mei tot September vir voetslaners oop.
Volgens ’n mediaverklaring van NWR was Hobas Lodge se rioolstelsel beskadig, bome het omgewaai en hope sand het om die restaurant, swembad en kampterrein gelê.
Dr. Matthias Ngwangwama, NWR se waarnemende besturende direkteur, sê die lodge se span het die afgelope maande onverpoos gewerk om dit vir voetslaners gereed te maak.
“Omdat ons weet die Visrivier-staproete is een van die gewildstes in die wêreld, het ons verseker die akkommodasiegeriewe is weer op die hoë standaard wat dit voor die kitsvloede was. Ek verseker ons gaste die lodge sal volgende week gereed wees,” sê hy.
Terselfdertyd bestaan kommer oor die beskikbaarheid van water in die Visrivier.
“Ons was proaktief in die verskaffing van water by die 20 km- tot 35 km-ingang van /Ai-/Ais, asook by die afsnypunt 40 km van die waterbron af.
“Ons bedank Namibia Breweries Limited wat toerusting soos tenke en draagbare waterhouers verskaf het,” sê Ngwangwama.
Hobas Lodge is in die /Ai-/Ais Richtersveld-oorgrenspark naby die Visrivier-canyon by die beginpunt van die 90 km lange Visrivier-staproete geleë.
Die lodge bied ses en suite-kamers en 14 kampterreine.
Hobas is tussen die skadubome bo die Visirivier-canyon naby die Visrivier-uitkykpunt geleë.
Soortgelyk
Windhoek klop waterteikens
1 uur gelede | Plaaslik
Kalahariwoestyn keer terug
1 uur gelede | Polisie
Weer, Woensdag 7 Augustus 2019
1 uur gelede | Weer
Tweejarige sterf in ongeluk
1 uur gelede | Ongelukke
Nudo, UPM voeg stem by antikuberkraakkoor
1 uur gelede | Politiek
renosters by Onguma onthoring
1 uur gelede | In beeld
Jong beesbeoordelaars beïndruk
1 uur gelede | Gebeure
Elfjarige glo deur oom (48) verkrag
1 uur gelede | Misdaad
'Elke druppel tel'
1 uur gelede | Gesondheid
KleinadvertensiesKleinadvertensies
