Lief en leed van die Sandveld-pioniers

16 October 2020 | Byvoegsels
Hélène de Kok se nuutste boek, Swaarkry met lekkerkry klaarkry, is 'n bundel kontreistories oor die vroeë pioniers van die Omaheke.

Dit vertel van die eerste mense naas die Boesmans wat hulle in die Sandveld gevestig het: die Herero, Mbanderu en Oorlam, sendeling Cook se koms in 1842, die jagters en handelaars wat die gebied as deurgangsroete gebruik het, die eerste Duitse kolonialiste en later die Dorslandtrekkers uit Angola.

De Kok ontsluit die geskiedenis van Gobabis en die ongetemde Kalahari en maak die leser deel van die lief en leed van die Angola-boere wat uit so min as 'n takskerm langs 'n windpomp vir hulle 'n lewe opgebou het.

Dit is stories oor mense wat deur swaarkry gebrei is; gasvrye, deernisvolle. De Kok is 'n meesterverteller en kleur die stories met humor en kostelikhede.

Soos sy op die agterblad sê: “Hierdie is 'n land wat jy nooit weer van jou kan losmaak nie. . . Weer en weer sal jy terugkom om die swaarkry met lekkerkry, klaar te kry”.

Mense wat oom ET (Roosevelt) Meyer se boeke geniet het, sal ewe veel hiervan hou.

De Kok kom uit die Vrystaat. Sy het daar, sowel as in Rhodesië en Zambië, onderwys gegee. Sy het haar later as mediese dokter bekwaam en boer sedert 1974 saam met haar man, Boetie Claassens, op die plaas Hekel by Gobabis. Sy bedryf 'n kliniek in die landelike gemeenskap en het ook 'n handwerksentrum vir werklose San-vroue. Sy het al verskeie boeke die lig laat sien.

Swaarkry met lekkerkry klaarkry is deur De Kok self uitgegee en kos N$180. Dit kan bestel word by 081 877 30450 of by [email protected]

Soortgelyk

 

Geingob onder skoot oor ‘wit’ opmerkings

12 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

12 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

12 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

12 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

12 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

12 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

12 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

12 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

12 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...