Lebkuchen-dorp vir 'n kat se kans

Eetbare klavier, bank, rendier

05 December 2018 | Kuns en vermaak
Tanja Bause – Die afgelope sewe jaar bak ’n Windhoekse vrou jaarliks ’n Lebkuchen-huisie vir liefdadigheid.

Vanjaar het dié vrou, wat graag anoniem wil bly, haarself oortref en ’n hele dorp, asook twee kleiner huise, gebak.

“Dit beteken mense het vanjaar die kans om drie pryse met een loterykaartjie te wen,” het sy gesê.

In die verlede het die Kankervereniging van Namibië (CAN) onder meer by die lotery van die Lebkuchen-huisies gebaat.

Verlede jaar kon dié ywerige Windhoeker ’n rolstoel vir ’n vrou koop wat in ’n ongeluk was.

“Ek is in chroniese pyn en bewe sommige dae, baie maar as ek kan, dan bak ek en dit is vir my baie lekker. Ek maak alles self en alles kan geëet word. Ek het dié jaar al in Januarie met die dorp begin en in November was dit kant en klaar,” het die bakster gesê.

Sy het onder meer ’n klavier, boekrak, bankie en selfs klein koeke gemaak wat binne in die huisies vertoon word.

Voor die bakkery is ’n gedekte tafel met ’n koppie koffie en opgefrommelde servette, asook ook ’n slee met presente, Vader Kersfees, twee Kersbome en ’n hangemaakte rendier-lammetjie – alles natuurlik eetbaar.

Die huise het liggies in, die Kersboom het ’n string ligte en die lanterns het ook liggies in, wat met batterye aangedryf word, en saans die dorp verlig.

“Die ligte, kabels en batterye is die enigste nie-eetbare items in die hele dorp.”

Die geld wat met vanjaar se lootjies ingesamel word, sal aan die Cat Protection Society of Namibia (CPSN) geskenk word.

“Hulle het my in die verlede baie met my katte gehelp en ek voel ek kan op dié manier iets vir hulle teruggee. As al die kaartjies verkoop, hoop ek om N$40 000 vir hulle in te samel.”

Die bakster het borge wat haar help om van die bestanddele aan te skaf, hoewel sy steeds baie uit haar eie sak bydra.

“Vir die Lebkuchen-dorp het ek 30 kg meel, 12 kg stroop, 6 kg suiker, 3 kg botter en 120 eiers gebruik. Dan is daar natuurlik ook die verskillende speserye wat in moet kom om daarvan ’n Lebkuchen te maak. Dit sluit die versiersuiker, kleursel, fondant en so aan uit.”

Volgende jaar is sy van plan om 80 Lebkuchen-huisies te bak en in bokse te verpak.

“Mense wat dit wen, sal dan instruksies kry oor hoe om die huisies bymekaar te sit. Hulle kan hul eie versierings doen. Dit kan Kerspret vir die hele familie wees.”

Die Lebkuchen-dorp word by die International Pharmacy in Windhoek uitgestal en lootjies is daar teen N$120 beskikbaar.

Een van die huisies word by Jonno’s Bistro uitgestal, wat ook kaartjies verkoop.

Soortgelyk

 

Uis-aanvaller Charles Namiseb kry 63 jaar

1 uur gelede | Howe

Die eens voortvlugtende Charles Namiseb, wat saam met ‘n makker tereg gestaan het vir die gewelddadige gewapende rooftog op ’n bejaarde egpaar van Uis op...

Padgebruik al duurder

7 ure gelede | Vervoer

Die Padfondsadministrasie (RFA) het ’n 4,3%-verhoging op padgebruik aangekondig, wat van 1 Mei af geld. Dit beteken tariewe by grensposte verhoog, asook tariewe op voertuie...

Padgebruik al duurder

7 ure gelede | Vervoer

Die Padfondsadministrasie (RFA) het ’n 4,3%-verhoging op padgebruik aangekondig, wat van 1 Mei af geld. Dit beteken tariewe by grensposte verhoog, asook tariewe op voertuie...

Gesondheid: Advertensie vals

8 ure gelede | Gesondheid

Die ministerie van gesondheid en maatskaplike dienste (MoHSS) sê 'n inligting wat op sosiale media sirkuleer oor opleidingsgeleenthede by die ministerie is vals. Die vals...

'n Seder val in Swapo

18 ure gelede | Mense

Ronelle Rademeyer - Huldeblyke stroom sedert vroeg gisteroggend in die sosiale media in nadat dit bekend geword het Namibië se voormalige vise­president (2015 – 2018)...

Duitsland gee ou kruis terug

18 ure gelede | Plaaslik

Ronelle Rademeyer - Een van die belangrikste artefakte uit die glorieryke ontdekkersera van die Portugese seevaarders sal in Augustus deur die Duitse museum vir geskiedenis...

Weer vir 20 Mei 2019

18 ure gelede | Weer

WEERWAAK: Koue en winderige toestande word in die Suide verwag. Die nodige voor­sorgmaatreëls moet getref word. BINNELAND: Gedeeltelik bewolk en warm tot baie warm in...

Namport dank 86 werkers af

18 ure gelede | Plaaslik

Die Namibiese haweowerheid, Namport, het Vrydag aangekondig 86 werkers by die vraghouerterminaal by die Walvisbaaise hawe wat in Augustus aan 'n onwettige staking deelgeneem het,...

Speaker dring aan jeug moet by kiesproses betrek word

18 ure gelede | Politiek

Denver Kisting - Die speaker van die Nasio­nale Vergadering (NV), prof. Peter Katjavivi, sê die jeug moet by die verkiesings­proses betrek word.Die uitvoerende hoof van...