Lazarettstraat kry nuwe naam
Tanja Bause
Lazarettstraat naby Ausspannplatz in Windhoek is na Julius K. Nyererestraat hernoem.
Nyerere was Tanzanië se president van 1964 tot 1985. Die hernoeming is deur Tanzanië se huidige president, mnr. John Magufuli, bygewoon wat tans op 'n twee dae lange staatsbesoek in Namibië is.
President Hage Geingob het gesê die straat is hernoem na 'n man wat instrumenteel in die bevrydingstryd was.
Die seremonie is ook deur mnr. Makongoro Nyerere, Julius Nyerere se seun, bygewoon. Volgens me. Lydia Amutenya, woordvoerder van Windhoek se munisipaliteit, was daar reeds 'n Julius Nyererestraat in Okuryangava in Katutura, maar die raad het besluit om dié straat ook te hernoem en Lazarettstraat eerder na Nyererestraat te hernoem.
“Sodra die nuwe voorgestelde naam vir daardie Julius Nyererestraat aanvaar is, sal dit bekend gemaak word,” het sy gesê.
Lazarettstraat naby Ausspannplatz in Windhoek is na Julius K. Nyererestraat hernoem.
Nyerere was Tanzanië se president van 1964 tot 1985. Die hernoeming is deur Tanzanië se huidige president, mnr. John Magufuli, bygewoon wat tans op 'n twee dae lange staatsbesoek in Namibië is.
President Hage Geingob het gesê die straat is hernoem na 'n man wat instrumenteel in die bevrydingstryd was.
Die seremonie is ook deur mnr. Makongoro Nyerere, Julius Nyerere se seun, bygewoon. Volgens me. Lydia Amutenya, woordvoerder van Windhoek se munisipaliteit, was daar reeds 'n Julius Nyererestraat in Okuryangava in Katutura, maar die raad het besluit om dié straat ook te hernoem en Lazarettstraat eerder na Nyererestraat te hernoem.
“Sodra die nuwe voorgestelde naam vir daardie Julius Nyererestraat aanvaar is, sal dit bekend gemaak word,” het sy gesê.
Kommentaar
Republikein
Geen kommentaar is op hierdie artikel gelaat nie