Landdros in spervuur

Publiek en aanklaers ontstoke

01 December 2021 | Howe
Namibian Sun

Die opskorting in geheel van tien jaar se tronkstraf vir die verkragting van ‘n 13-jarige skooldogter het fel kritiek teen landdros Leopoldt Hangalo van Oshakati veroorsaak.

Hangalo het Vrydag die gevangenestraf wat Itana Sackaria vir die misdaad moes uitdien volledig opgeskort.

Sackaria is ‘n onderwyser by die Primêre Skool Ondundu in die Tsumeb-distrik.

Hangalo het bevind die onderwyser sal nie sy vrou en talle kinders, asook die skooldogter en die kind wat hy by haar verwek het, kan onderhou indien hy tronk toe moet gaan nie.

Die kind is as ‘n “gewillige maat” in die seksdaad bestempel, hoewel 18 jaar die wetlike datum vir instemming in Namibië is. Sy het volgens die landdros ook geen beserings opgedoen nie.

Die kantoor van die Ombudsman en die Regshulpsentrum (LAC) het die uitspraak vandeesweek veroordeel.

Hangalo wou nie kommentaar aan die media lewer nie omdat daar appèl teen sy uitspraak aangeteken kan word.

BETOGING

Hangalo moes homself in Maart verdedig teen aantygings dat hy omkoopgeld aanvaar het. Woedende inwoners van Oshakati het toe na sy kantoor opgeruk om te protesteer teen die kwytskelding van ‘n sakeman, mnr. Sindano Hango, ook op ‘n klag van verkragting.

Hango is later in die hoërhof skuldig bevind nadat die staat teen die omstrede uitspraak geappelleer het.

Hango se borgtog is verlede week gekanselleer en hy sal op 14 Desember gevonnis word vir die verkragting van sy niggie in 2014 by sy huis in Ongwediva.

“Ek ken die beskuldigde (Hango) nie persoonlik nie. Ek het nie kontak met hom nie. Ek het hom geken soos enige ander beskuldigde in my hof. Behalwe vir die getuienis wat in die hof gelewer is, ken ek hom nie,” het Hango voorheen oor die saak aan New Era gesê. “Dit is onsin om te sê ek is omgekoop.”

ANDER UITSPRAKE

In Februarie vanjaar het Hangalo vir Morne Mouton (25) van Windhoek ’n boete van N$15 000 opgelê nadat hy skuldig bevind is aan strafbare manslag oor ‘n motorongeluk waarin drie mense dood is.

Die landdros het gesê na sy mening verdien die veroordeelde moordenaar ‘n mate van genade.

In September het hy ‘n moordveroordeelde, Martha Ndakalako Kawela, vrygelaat. Sy het pasgebore babadogtertjie in 2014 vermoor deur haar in ‘n plastiek inkopiesak te plaas en dit in ‘n swart plastiekdrom in Ongwediva weg te gooi. Die baba het swart sykouse om haar nek gehad.

Hangalo het Kawela tot agt jaar tronkstraf gevonnis, maar dit in geheel vir ‘n tydperk van vyf jaar opgeskort op voorwaarde dat sy nie in die tyd aan dieselfde of ‘n soortgelyke oortreding skuldig bevind word nie.

Daar is sprake dat Hangalo in Februarie 2022 as regter in die hoërhof aangestel sal word.

[email protected]

Soortgelyk

 

Hardap-sluise nóg groter getrek

19 ure gelede | Omgewing

Elvira Hattingh - Die Hardapdam se sluise is om 10:30 nóg groter oopgetrek sodat dit nou 300 m³ water per sekonde uitlaat – ‘n aanpassing...

La Niña skop dalk nóú in

19 ure gelede | Weer

Elvira Hattingh – Terwyl die weerkantoor ‘n weerwaak vir vandag vir wydverspreide donderbuie oor die westelike helfte van die binneland uitgereik het, meen ‘n weerkenner...

Selfdegeslaghuwelike ly neerlaag … vir nou

19 ure gelede | Howe

Jana-Mari Smith – Drie hoërhofregters het hulle gister sterk ten gunste van die wetlike erkenning van selfdegeslaghuwelike in Namibië uitgespreek, maar het nietemin die aansoeke...

Elisenheimrivier sleep motors weg

19 ure gelede | Weer

Augetto Graig – Die Elisenheimrivier het Woensdagaand motorvoertuie saamgesleep toe dit verby die Farmers Kitchen restaurant by Gastefarm Elisenheim oorstroom het. Me. Rentia van der...

Hardap loop gou vol

19 ure gelede | Weer

Elvira Hattingh – Die Hardapdam sou na verwagting laat gisteraand 70% van sy kapasiteit bereik, wat beteken dié suidedam se sluise sou oopgetrek moes word....

kykNET se ‘Wat Dit Vat’: Hier’s die kunstenaars

19 ure gelede | Byvoegsels

Dit was pret, dit was plesier en dit was ’n malligheid op note. Toe die briljante musikant en musiekvervaardiger Loki Rothman gesê het hy gaan...

Fees van klassieke musiek ten bate van kanker

19 ure gelede | Byvoegsels

Een van die mees begaafde pianiste in Namibië, Johann van der Merwe, bied môre (22 Januarie) 'n uitvoering aan om geld in te samel om...

Working with high standards of technology

19 ure gelede | Mense

Wetumwene Shikage Not expecting to find a smooth and easy way of work, Romario Arnat describes his working experience as an eye-opener as to how...

Taking steady growing curves

19 ure gelede | Mense

Wetumwene Shikage Timothy Olivier’s passion and dedication has been a key driver in his success not only within Old Mutual, but throughout his...