Laat die (diere)kindertjies na ons toe kom

07 May 2019 | Rubrieke
Grietjie het 'n nare ontdekking by Kameeldoringspruit gemaak.

In die spruit lê 'n dooie dassie. Langs die dassiekarkas lê 'n bottel water, 'n blou tou en 'n geroeste stuk yster. Daar is 'n duidelike steekwond by die dassie se blad waar die brommers draai.

Die dassie, wat altyd by Kameeldoringspruit in die son gebak het, was deel van 'n dassiepaar. Die mannetjie het die wyfie in en uit die spruit gejaag.

Grietjie en haar ma se harte voel baie seer en swart. Wie sou die onskadelike dassie so wreed doodmaak? As 'n honger mens 'n strik vir die dassie gestel het om dit te eet, sou dit nog aanvaarbaar wees.

Grietjie en haar ma het al gesien hoe die kinders by die speelpark langs die spruit 'n verkleurmannetjie met 'n stok optel en rondgooi, ook hoe hulle meerkatte met klippe gooi.

Op Facebook pleit die Cat Protection Society vir iemand om 'n volwasse kat aan te neem. Die iemand moenie kinders hê nie, want die kat het by 'n skool gebly en is glo daar deur kinders seergemaak. Grietjie wonder hoe kinders so boos kan wees deur diere seer te maak? In die Noorde het 'n man glo 'n hond met 'n tou gewurg en gehang nadat hy hoenders gevang het. Goeie genugtig!

Vriende van Grietjie, Jako en Lientjie, vra ook op Facebook of iemand 'n babakat wat Jako op 'n bouperseel in Otjmuise opgetel het, kan red.

Grietjie sê bring die kat en doop haar Lientjie. Die verrinneweerde katjie, wat meer na 'n muis of 'n meerkat lyk, is net vyf weke oud en weeg 'n skrale 400 gram. Net vel en been, wonde en lang snorbaarde. Die katjie het 'n brandwond op haar kop, haar stert is geknak en sy is verwaarloos en verwese.

Veearts toe met Lientjie. Sy toets negatief vir leukemie, maar daar is bakterieë in haar maag en antibiotika moet help. Grietjie kan nie meer vir Die Verevrou van Jan van Tonder wat sy so begeer, koop nie. Die veeartsrekening slurp Die Verevrou en nog begeerde boeke se begroting op, wat sy op die boekrak wou sit wat die nuwe buurvrou gebring het. Lientjie-kat en boekrak het op dieselfde aand opgedaag.

Klein bondeltjie Lientjie raak beter. Sy word woelig en speel in die tuin. Sy raak stout en klim met haar brandmaer lyfie deur die tuin se heining.

Toe kom die troos ná al die hartseer van 'n vermoorde dassie en 'n verwaarloosde kat. 'n Nuwe dassiekind van dassiepaar maak sy verskyning in die sonkol langs die spruit.

Die hoogtepunt is ‘n bandmuishond-familie van meer as 20 wat hulle by Kameeldoringspruit kom tuismaak. Grawe in die grond op soek na goggas en bad in die voëlbad. Kir-kir-kir klets hulle voort. Hulle pof hul streepsterte as Australiese beeshond vir hulle blaf.

Die klein bandmuishondjies glip ook deur die heining, kom maak hulle tuis in die tuin en klim op die stoep.

Grietjie wou na ‘n eiland trek met geen mens in sig nie, veral geen bose mense wat diere seermaak nie.

Die eiland en Die Verevrou moet maar eers wag, want Kameeldoringspruit voel weer soos die paradys met nuwe dassiekind, kat en bandmuishonde.

Jesus het genooi "laat die kindertjies na My toe kom". Laat die dierekinders maar na Kameeldoringspruit toe kom.

Soortgelyk

 

Toetsing vir Covid-19 kry hupstoot

27th of May 11:38 | Gesondheid

Bank Windhoek het vandag hul skenking van reagent- en weefselmonstertoetsstelle aan die Namibië Instituut vir Patologie (NIP) aangekondig. Dié handelsbank se uitvoerende beampte, me. Jacquiline...

Bank en depot sal nie sluit nie, sê Peya

43 minute gelede | Regering

Denver Kisting – Die minister van inligting en kommunikasietegnologie, dr. Peya Mushelenga (foto, Nampa), sê mnr. Knowledge Ipinge, raadslid van die Walvisbaai- stedelike kiesafdeling, het...

Namibië het nou 22 bevestigde Covid-19-gevalle

51 minute gelede | Gesondheid

Namibië se jongste bevestigde geval van Covid-19, geval nr. 22, is in 'n kritieke toestand en gekoppel aan 'n ventilator in 'n intensiewesorgeenheid aan die...

B-dag: Maak of breek

11 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

11 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

11 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

11 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

11 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

11 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...