Laaste leeu boet oor donkies
'n Trofeejagpermit is uitgereik vir die skiet van 'n bekende leeumannetjie in die Hoanib-gebied.
Des Erasmus - 'n Doodsvonnis is oor die laaste oorlewende leeumannetjie van die Hoanib in die Noordweste uitgespreek.
'n Buitelandse trofeejagter gaan dit voltrek. Die trotse Kebbel met sy swart maanhare moet boet vir sy slagting van twee donkies vroeg in Junie net suid van Sesfontein.
Die emosionele getuienis van 'n kommunale vrou het blykbaar die deurslag gegee om die terminale status van 'n probleemdier aan die grote Kebbel te gee. Sy beweer die donkie, blykbaar een van twee van Kebbel se slagoffers, was haar laaste “stukkie” lewende hawe. Sy het niks meer oor nie.
Die uitreiking van die trofeejagpermit is op Sesfontein bevestig.
Bloot die naam Kebbel het 'n magiese waarde vir die talle herberge vir toeriste in dié geweste gehad. Stories word oor die pragdier vertel en 'n wonderlike toevoeging tot toeristewaarde was bloot om Kebbel of sy spoor te sien. Hy is ook een van die karakters van die navorsingsprojek oor woestynleeus. Pleidooie deur bewaringsinstansies in Namibië en oorsese lande ter versagting van sy vonnis het op dowe ore geval. Vrae word ook gevra oor of die vereistes nagekom is om Kebbel tot 'n probleemdier verklaar te kry.
Die geleentheid om Kebbel te skiet, het reeds as advertensie in oorsese reklamekanale vir jagters verskyn. In die advertensie word die leeu as 'n uiters seldsame trofee bestempel in 'n gebied waar daar nie die afgelope dekade trofeejagtogte vir leeus was nie.
In trofeejag word die waarde van 'n vertoonstuk deels aan die rariteit daarvan gekoppel. Die prys wat aan die trofeejagtog gekoppel word, is US$65 000 (sowat N$845 000). 'n Skatting is dat maar sowat N$32 500 aan die betrokke gemeenskap oorbetaal gaan word.
By die prys vir die trofeejagtog is ingesluit bystand deur 'n beroepsjagter, spoorsnyers, bedrewe slagters en luukse huisvesting. Die jagtog kan of in die eerste twee weke van Augustus of die eerste twee weke van September uitgevoer word. Ook by die prys ingesluit, is die jag op drie sebras wat in die operasie as lokaas sal dien.
Ewe opvallend is dat die betrokke advertensie net so skielik as wat dit op die sosiale media en in gedrukte vorm verskyn het, weer verwyder is.
In bewaringskringe word Kebbel as die laaste mannetjie in die Hoanib-gebied bestempel. In die betrokke gebied is vier klein troppies leeuwyfies. Sedert 2010 is die verhouding van geslagte in die leeutroppe van die omgewing reeds ernstig versteur.
'n Buitelandse trofeejagter gaan dit voltrek. Die trotse Kebbel met sy swart maanhare moet boet vir sy slagting van twee donkies vroeg in Junie net suid van Sesfontein.
Die emosionele getuienis van 'n kommunale vrou het blykbaar die deurslag gegee om die terminale status van 'n probleemdier aan die grote Kebbel te gee. Sy beweer die donkie, blykbaar een van twee van Kebbel se slagoffers, was haar laaste “stukkie” lewende hawe. Sy het niks meer oor nie.
Die uitreiking van die trofeejagpermit is op Sesfontein bevestig.
Bloot die naam Kebbel het 'n magiese waarde vir die talle herberge vir toeriste in dié geweste gehad. Stories word oor die pragdier vertel en 'n wonderlike toevoeging tot toeristewaarde was bloot om Kebbel of sy spoor te sien. Hy is ook een van die karakters van die navorsingsprojek oor woestynleeus. Pleidooie deur bewaringsinstansies in Namibië en oorsese lande ter versagting van sy vonnis het op dowe ore geval. Vrae word ook gevra oor of die vereistes nagekom is om Kebbel tot 'n probleemdier verklaar te kry.
Die geleentheid om Kebbel te skiet, het reeds as advertensie in oorsese reklamekanale vir jagters verskyn. In die advertensie word die leeu as 'n uiters seldsame trofee bestempel in 'n gebied waar daar nie die afgelope dekade trofeejagtogte vir leeus was nie.
In trofeejag word die waarde van 'n vertoonstuk deels aan die rariteit daarvan gekoppel. Die prys wat aan die trofeejagtog gekoppel word, is US$65 000 (sowat N$845 000). 'n Skatting is dat maar sowat N$32 500 aan die betrokke gemeenskap oorbetaal gaan word.
By die prys vir die trofeejagtog is ingesluit bystand deur 'n beroepsjagter, spoorsnyers, bedrewe slagters en luukse huisvesting. Die jagtog kan of in die eerste twee weke van Augustus of die eerste twee weke van September uitgevoer word. Ook by die prys ingesluit, is die jag op drie sebras wat in die operasie as lokaas sal dien.
Ewe opvallend is dat die betrokke advertensie net so skielik as wat dit op die sosiale media en in gedrukte vorm verskyn het, weer verwyder is.
In bewaringskringe word Kebbel as die laaste mannetjie in die Hoanib-gebied bestempel. In die betrokke gebied is vier klein troppies leeuwyfies. Sedert 2010 is die verhouding van geslagte in die leeutroppe van die omgewing reeds ernstig versteur.
Kommentaar
Republikein
Geen kommentaar is op hierdie artikel gelaat nie