Kyron vernietig topteenstand

Ultra-kompetisies

15 October 2020 | Sport
Tielman van Lill



Die 38-jarige Kyron Raad van Windhoek het onlangs die virtuele Ultra Trail Du Mont Blanc-uitdaging (UTMB) oor 50 kilometer teen gerekende internasionale teenstand gewen.

Dié kompetisie wat van 20 Julie tot 30 Augustus aangebied was, is deur duisende vasberade ultra-atlete aangepak wat weens Covid-19-inperkings nie vanjaar aan dié gekanselleerde jaarlikse byeenkoms by Chamonix-Mont-Blanc, Switserland, kon deelneem nie.

Net 1 801 uit die oorspronklike 3 510 deelnemers kon die afstand (50 km) met 'n totale klimhoogte van 2 500 meter suksesvol voltooi. Raad, wat vir die jaarlikse UTMB oor 100 km gekwalifiseer het, het in 6 uur 01 minuut 42 sekondes die eerste plek met 28 sekondes voor Said Lòpez van Colombia in 6:02:10 weggeraap. Lou Clifton van Australië was derde in 6:06:09.

Deelnemers se aktiwiteit gedurende hul deelname is met die erkende wêreldwye posisioneringstelsel (GPS) gemonitor. Raad het tydens sy aanslag nie 'n enkele keer gerus nie en was vir die hele tydperk aktief.

Raad vertel: “Dit was 'n lekker koue winters­oggend toe ek op 30 Augustus om 05:40 by Avis oos van die hoofstad met my marathon begin het. Ek het meer as 30 keer die roete na die watertoring en die koppies in die omliggende omgewing aangedurf en altesaam 2 750 meter se klimme afgehandel om die vereiste 2 500 merk te oortref.

“Ek het goed gevoel en nie een keer my pas verslap of gestop om asem te skep nie. My sterkpunt is die klimgedeeltes en op pad af het ek die tegniese uitdagings terdeë geniet. Dit was 'n goeie geleentheid vir my om die lewe in oënskou te neem en alledaagse dinge in perspektief te plaas. Ek is dankbaar vir die Vader se beskermende hand wat my deurgaans veilig gehou het.”

Raad, met 653 internasionale ranglyspunte, word deur die Internasionale Trail Running-vereniging as Namibië se nommer een mededinger op dié spesialisgebied gereken. Hy was in Desember 2019 sewende algeheel in die 65 km-afdeling by die Kaapstad Ultra Trail-kompetisie, nadat hy agt maande tevore algeheel agtste by die Drakensberg-ultramarathon oor 62 km was.

Raad moes sy vliegtuigkaartjies na Switserland vir die 2020 UTMB kanselleer wat van 24 tot 31 Augustus sou plaasvind. Sy inskrywing en kwalifikasie is steeds geldig vir volgende jaar se avontuur in die Alpe wanneer die coronavirus hopelik genoegsaam aan bande gelê sal wees om internasionale reise en sportbyeenkomste te laat hervat.

– [email protected]

Soortgelyk

 

Geingob onder skoot oor ‘wit’ opmerkings

10 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

10 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

10 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

10 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

10 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

10 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

10 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

10 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

10 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...