Kwaai storms op pad
Weerkenners is optimisties oor reënvooruitsigte tot Saterdag vir Namibië en groter dele van Suider-Afrika.
Elvira Hattingh
Weerkenners is dit eens goeie reëns kan van vandag tot Saterdag veral in die noordelike, sentrale en oostelike dele van Namibië voorkom, terwyl Botswana ook teen sterk reën waarsku.
Boonop is 'n weerwaak uitgereik oor kwaai storms sedert gister in die Ohangwena-, Oshikoto-, Otjozondjupa-Oos-, Khomas- and Omahekestreek.
Die nieregeringsorganisasie LandWater, wat satellietfoto's wetenskaplik ontleed en interpreteer, noem die komende dae 'n “swembadtydperk” vir Namibië, waartydens “groot dele in reën gaan swem”.
LandWater meen die reën kan tot Sondag en later voortduur, maar meer noordoos in die Zambezistreek.
Die reën behoort ook die suidelike en westelike dele van die land te bereik.
“Jul omgewing gaan dus oor die volgende paar dae ingrypend verander,” sê LandWater.
“Wat dit soveel meer besonders sal maak, is die oostelike deurvryf van die diagonale tropiese vogkanaal. Ons kyk dus na die volle dekking van reën oor die hele Suider-Afrika, met verminderde dekking oor die Suidweste,” sê die organisasie.
Intussen het die Namibiese weerkantoor se hoofweervoorspeller, mnr. Odillo Kgobetsi, aan Republikein gesê hulle volstaan by hul voorspelling Maandag waarvolgens reën na die noordelike, sentrale en oostelike dele van die land op pad is.
Botswana se department van meteorologiese dienste het 'n kennisgewing uitgereik waarvolgens swaar reën met sterk winde en weerlig van môre tot Vrydag in die buurland verwag word.
“Swaar reënbuie van 50 mm of meer in minder as 24 uur word oor die grootste dele van die land verwag,” sê hul weerkundiges en voeg by dit kan vloede en skade aan eiendom veroorsaak – veral môre en Vrydag.
Kgobetsi sê dieselfde stelsel wat vir Botswana na verwagting soveel reën gaan bring, sal vir plaaslike reën sorg.
“Ons verwag ook baie reën in Namibië. Dit sluit in sterk stormbuie van meer as 50 mm in bogenoemde streke,” sê hy.
Volgens Kgobetsi sal die huidige stelsel wat reën na verskeie plekke in Suider-Afrika bring teen môre en Vrydag verder versprei.
Intussen het Facebook-gebruikers op “Reën in Namibia” laat weet sekere plekke in die noordoostelike en sentrale dele van die land, tot so ver as Aranos, het die afgelope naweek tussen 5 mm en 45 mm reën ontvang.
- [email protected]
Weerkenners is dit eens goeie reëns kan van vandag tot Saterdag veral in die noordelike, sentrale en oostelike dele van Namibië voorkom, terwyl Botswana ook teen sterk reën waarsku.
Boonop is 'n weerwaak uitgereik oor kwaai storms sedert gister in die Ohangwena-, Oshikoto-, Otjozondjupa-Oos-, Khomas- and Omahekestreek.
Die nieregeringsorganisasie LandWater, wat satellietfoto's wetenskaplik ontleed en interpreteer, noem die komende dae 'n “swembadtydperk” vir Namibië, waartydens “groot dele in reën gaan swem”.
LandWater meen die reën kan tot Sondag en later voortduur, maar meer noordoos in die Zambezistreek.
Die reën behoort ook die suidelike en westelike dele van die land te bereik.
“Jul omgewing gaan dus oor die volgende paar dae ingrypend verander,” sê LandWater.
“Wat dit soveel meer besonders sal maak, is die oostelike deurvryf van die diagonale tropiese vogkanaal. Ons kyk dus na die volle dekking van reën oor die hele Suider-Afrika, met verminderde dekking oor die Suidweste,” sê die organisasie.
Intussen het die Namibiese weerkantoor se hoofweervoorspeller, mnr. Odillo Kgobetsi, aan Republikein gesê hulle volstaan by hul voorspelling Maandag waarvolgens reën na die noordelike, sentrale en oostelike dele van die land op pad is.
Botswana se department van meteorologiese dienste het 'n kennisgewing uitgereik waarvolgens swaar reën met sterk winde en weerlig van môre tot Vrydag in die buurland verwag word.
“Swaar reënbuie van 50 mm of meer in minder as 24 uur word oor die grootste dele van die land verwag,” sê hul weerkundiges en voeg by dit kan vloede en skade aan eiendom veroorsaak – veral môre en Vrydag.
Kgobetsi sê dieselfde stelsel wat vir Botswana na verwagting soveel reën gaan bring, sal vir plaaslike reën sorg.
“Ons verwag ook baie reën in Namibië. Dit sluit in sterk stormbuie van meer as 50 mm in bogenoemde streke,” sê hy.
Volgens Kgobetsi sal die huidige stelsel wat reën na verskeie plekke in Suider-Afrika bring teen môre en Vrydag verder versprei.
Intussen het Facebook-gebruikers op “Reën in Namibia” laat weet sekere plekke in die noordoostelike en sentrale dele van die land, tot so ver as Aranos, het die afgelope naweek tussen 5 mm en 45 mm reën ontvang.
- [email protected]
Kommentaar
Republikein
Geen kommentaar is op hierdie artikel gelaat nie