Kunene jubel oor reën, toeriste

Die mense in die Kunenestreek is dankbaar oor die reën wat hulle onlangs ontvang het. Dié twee vroue verkoop aandenkings aan toeriste langs die pad, maar weens die Covid-19-pandemie en ’n gebrek aan toeriste kon hulle nie ’n beduidende inkomste verlede jaar genereer nie.

Hulle staan langs die C35-hoofpad tussen Uis en Khorixas by die Ugabrivier. Die voortslepende droogte die afgelope sewe jaar het die mense se nood net vererger. Hulle is dankbaar vir die toeriste wat stadig maar seker begin terugkom en oor die reën wat geval het. Foto Tanja Bause