Kudugas sien weer die lig
'n Bekende ondersese kragontwikkelaar kry 56% van lisensie.
Augetto Graig - Hoop is uiteindelik op die horison in terme van Namibië se somber kragverskaffingsituasie.
Dit nadat Namcor aangekondig het dit het 'n vennoot gekry om die reusagtige 885 megawatt Kudugas-projek aan die gang te kry.
Nog beter nuus is dat die vennootskap met BW Kudu, die maatskappy wat die N$14,4 miljard-projek sal lei, met BW Offshore in Singapoer en Noorweë is. Volgens Namcor sal BW Offshore deur sy BW Kudu 'n 56%-bedryfsbelang in die Kudu-projek hê.
BW Offshore bestaan sedert 1982 toe dit in Angola vir Chevron 'n drywende produksie-, stoor- en aflaaiskip vir vloeibare petroleumgas opgestel het. Sedertdien het die maatskappy aan grootskaalse projekte in Indonesië, Egipte, Viëtnam, die Suid-Sjinese See, Ekwatoriaal-Guinee, Katar, Nigerië, Maleisië, die Verenigde Koninkryk, die Noordsee, Indië, die Kongo, Rusland, Brasilië en Australië gewerk.
Dit is tans betrokke by soortgelyke projekte in die Ivoorkus, Gaboen, Nigerië, Mauritanië, Brasilië, Mexiko, Nieu-Seeland, Amerika se Golf van Mexiko en Indonesië. Dit het ook vroeër vanjaar 'n olieproduksieskip in die Verenigde Koninkryk begin herbou. BW Offshore is tans 'n wêreldvoorloper in dié veld.
Namcor het ook ooreengekom om die rol van veldoperateur na BW Kudu te verplaas, alhoewel die Namibiese petrolverskaffer nog nóú sal saamwerk as deel van die gesamentlike ondernemingspan totdat die finale beleggingsbesluit geneem word. Daarna sal samewerking voortgaan met die boor van produksiegate, die konstruksie van ondersese gasvervoer-pyplyne en die installasie van die drywende produksieskip.
Die projek behels die ontwikkeling van die ondersese Kudu-gasveld om gas deur middel van 'n 170 km lange pyplyn te lewer na 'n kragstasie naby Uubvlei, sowat 25 km noordoos van Oranjemund. Die kragstasie sal deur nuwe transmissielyne aan die Namibiese en Suid-Afrikaanse elektrisiteitsnetwerk gekoppel word.
Volgens BW Offshore se hoof finansiële beampte, mnr. Knut Saethre, sal BW Kudu koste betaal wat reeds met die projek aangegaan is, sodra sy belang in Kudu oorgedra word. Hy sê die finale beleggingsbesluit kan in die laaste kwartaal van die jaar verwag word.
Die hoof uitvoerende beampte van BW Offshore, mnr. Carl Arnet, sê sy maatskappy sal nou met die Namibiese regering, NamPower, groot infrastruktuur-beleggers en ander belanghebbendes aan die “baie opwindende projek” begin werk.
“Kudugas is nóg 'n geleentheid vir BW Kudu om 'n ontwikkelende rol te speel in 'n projek wat vir die volgende 15 tot 25 jaar krag sal produseer. Dalende ontwikkelingskoste ná die val van oliepryse in 2014 help om die projek ekonomies haalbaar te maak," het Arnet gesê.
"Die elektrisiteit wat die kragstasie sal genereer, sal kragverskaffing in suidwestelike Afrika vernuwe met 'n veilige langtermyntoevoer om die ontwikkeling van Namibië en sy buurlande te ondersteun.”
Die Kudu-gasveld is in 1974 deur Chevron ontdek - sowat 170 km van Namibië se kus af. Nóg sewe beoordelingsboorgate is sedertdien deur verskeie oliemaatskappye geboor, onder meer Shell en Tullow, wat albei aan die projek onttrek het.
Dit nadat Namcor aangekondig het dit het 'n vennoot gekry om die reusagtige 885 megawatt Kudugas-projek aan die gang te kry.
Nog beter nuus is dat die vennootskap met BW Kudu, die maatskappy wat die N$14,4 miljard-projek sal lei, met BW Offshore in Singapoer en Noorweë is. Volgens Namcor sal BW Offshore deur sy BW Kudu 'n 56%-bedryfsbelang in die Kudu-projek hê.
BW Offshore bestaan sedert 1982 toe dit in Angola vir Chevron 'n drywende produksie-, stoor- en aflaaiskip vir vloeibare petroleumgas opgestel het. Sedertdien het die maatskappy aan grootskaalse projekte in Indonesië, Egipte, Viëtnam, die Suid-Sjinese See, Ekwatoriaal-Guinee, Katar, Nigerië, Maleisië, die Verenigde Koninkryk, die Noordsee, Indië, die Kongo, Rusland, Brasilië en Australië gewerk.
Dit is tans betrokke by soortgelyke projekte in die Ivoorkus, Gaboen, Nigerië, Mauritanië, Brasilië, Mexiko, Nieu-Seeland, Amerika se Golf van Mexiko en Indonesië. Dit het ook vroeër vanjaar 'n olieproduksieskip in die Verenigde Koninkryk begin herbou. BW Offshore is tans 'n wêreldvoorloper in dié veld.
Namcor het ook ooreengekom om die rol van veldoperateur na BW Kudu te verplaas, alhoewel die Namibiese petrolverskaffer nog nóú sal saamwerk as deel van die gesamentlike ondernemingspan totdat die finale beleggingsbesluit geneem word. Daarna sal samewerking voortgaan met die boor van produksiegate, die konstruksie van ondersese gasvervoer-pyplyne en die installasie van die drywende produksieskip.
Die projek behels die ontwikkeling van die ondersese Kudu-gasveld om gas deur middel van 'n 170 km lange pyplyn te lewer na 'n kragstasie naby Uubvlei, sowat 25 km noordoos van Oranjemund. Die kragstasie sal deur nuwe transmissielyne aan die Namibiese en Suid-Afrikaanse elektrisiteitsnetwerk gekoppel word.
Volgens BW Offshore se hoof finansiële beampte, mnr. Knut Saethre, sal BW Kudu koste betaal wat reeds met die projek aangegaan is, sodra sy belang in Kudu oorgedra word. Hy sê die finale beleggingsbesluit kan in die laaste kwartaal van die jaar verwag word.
Die hoof uitvoerende beampte van BW Offshore, mnr. Carl Arnet, sê sy maatskappy sal nou met die Namibiese regering, NamPower, groot infrastruktuur-beleggers en ander belanghebbendes aan die “baie opwindende projek” begin werk.
“Kudugas is nóg 'n geleentheid vir BW Kudu om 'n ontwikkelende rol te speel in 'n projek wat vir die volgende 15 tot 25 jaar krag sal produseer. Dalende ontwikkelingskoste ná die val van oliepryse in 2014 help om die projek ekonomies haalbaar te maak," het Arnet gesê.
"Die elektrisiteit wat die kragstasie sal genereer, sal kragverskaffing in suidwestelike Afrika vernuwe met 'n veilige langtermyntoevoer om die ontwikkeling van Namibië en sy buurlande te ondersteun.”
Die Kudu-gasveld is in 1974 deur Chevron ontdek - sowat 170 km van Namibië se kus af. Nóg sewe beoordelingsboorgate is sedertdien deur verskeie oliemaatskappye geboor, onder meer Shell en Tullow, wat albei aan die projek onttrek het.
Kommentaar
Republikein
Geen kommentaar is op hierdie artikel gelaat nie