Krokodil val man aan

Nadoodse ondersoek volg

12 February 2020 | Misdaad
Francoise Steynberg



Omstanders het tevergeefs probeer om 'n 45-jarige man uit die kake van 'n krokodil in die Zambezirivier by Impalila-eiland te red.

Volgens die Namibiese polisie se bevelvoerder in die Zambezistreek, komm. Karl Theron, het die voorval Saterdag tussen 07:00 en 09:00 by die Kawulu-nedersetting plaasgevind.

“Die slagoffer het op pad na die kliniek op die eiland aan sy wonde beswyk. Sy liggaam is vir 'n nadoodse ondersoek na die Katima Mulilo-staatshospitaal geneem,” het Theron gesê.

“Dit is die vierde krokodilaanval in die Zambezirivier in 'n kort tyd. Onlangs het 'n man, wat sy kar by die rivier gaan was het, ternouerdood aan 'n krokodilaanval ontkom.”

Theron waarsku gemeenskappe langs riviere om versigtig te wees as hulle water gaan skep of hul klere in die rivier gaan was.

Ander onnatuurlike sterftes was 'n negejarige seun wat Sondag omstreeks 17:40 by die Omundudu-nedersetting naby Endola in 'n gronddam verdrink het.

Volgens die Nambiese polisie se weeklikse misdaadverslag het hy saam met ander kinders geswem. Die polisieondersoek duur voort.

By Onathinge naby Onayena is die ontbinde liggaam van 'n 22-jarige man Saterdag omstreeks 13:00 in 'n moeras ontdek.

“Hy het glo verdrink ná hy geswem het. Sy liggaam is na die lykshuis op Omuthiya vir 'n nadoodse ondersoek geneem om die oorsaak van sy dood te bepaal,” sê die polisie.

Sy naasbestaandes is van sy dood ingelig en die ondersoek duur voort.

'n Man het Sondag omstreeks 17:30 by Epukiro Pos 3 in die Omaheke­streek dood neergeslaan ná hy 'n pot pap geëet het.

“Die man het na bewering by 'n naburige huis vir 'n pot gevra om pap te kook. Nadat hy op 'n stoel gesit en die pap geëet het, het hy glo inmekaargesak en gesterf,” sê die polisie.

'n Nadoodse ondersoek sal die oorsaak van sy dood bepaal.

Sy naasbestaandes is van sy dood ingelig en die ondersoek duur voort.

– [email protected]

Soortgelyk

 

Damme voller

8 ure gelede | Weer

Elvira Hattingh - Terwyl 99,671 Mm³ (miljoen kubieke meter) water altesaam 10 nasionale damme die afgelope week binnegevloei het, het die weerkantoor opnuut ’n waarskuwing...

Groot kommer oor sprinkaanplaag in Zambezi

8 ure gelede | Omgewing

Ronelle Rademeyer - ’n Plaag van bruin sprinkane uit vermoedelik Botswana teister kommunale boere by Muhundu en ander nedersettings in Katima Mulilo se landelike kiesafdeling...

Goliath, the giant

8 ure gelede | Mense

Elizabeth Joseph Born and raised in Windhoek, Romio Goliath started wrestling when he was 10. Being part of the After School Centre Wrestling...

Weerlig slaan meisie (11) dood

8 ure gelede | Misdaad

Weerlig het Saterdag die lewe van 'n elfjarige kind geëis. Volgens die Namibiese polisie se weeklikse misdaadverslag is Aini Shilongo Saterdag omstreeks 18:00 in 'n...

Weer vir 25 Februarie

8 ure gelede | Weer

WEERWAAK: Swaar storms word in die noordoostelike streke, Otjozondjupa-, Khomas- en suidelike streek verwag. Die nodige voorsorgmaatreëls moet getref word. BINNELAND: Gedeeltelik bewolk in die...

NamWater to fix Opuwo’s supply woes

8 ure gelede | Plaaslik

Uakutura Kambaekua – Since 2017, Opuwo town has been faced with diminished water supply, a predicament blamed on high water loss in distribution systems, which...

Havana, Otjomuise powered by June

8 ure gelede | Energie

The ministry of urban and rural development has committed a total of N$14 million for electrification for the 2019/20 financial year, an amount that is...

A significant contributor to Namibia's economic landscape

8 ure gelede | Byvoegsels

Hangana Seafood (Pty) Ltd is a 100% Namibian-owned company, passionate about “Creating a future, enhancing life” for its employees, country and the people of Namibia....

Corona: Afrika 66% gereed

8 ure gelede | Gesondheid

Henriette Lamprecht – Afrika se algehele gereedheidsvlak vir die coronavirussiekte (covid-19) staan op 66%. Volgens dr. Matshidiso Moeti, die Wêreldgesondheidsorganisasie (WHO) se streeksdirekteur vir Afrika,...