Krag en internet vir armes

‘Geen soortgelyke projek ter wêreld’

17 December 2019 | Plaaslik
Tanja Bause - Vyf huishoudings in die informele nedersetting Okalevonga in Oniipa in die Oshikotostreek het nou vir die eerste keer elektrisiteit, internetverbinding en digitale dienste danksy die loodsprojek Fusion Grid.

Twaalf sonpanele op ’n dak verskaf krag aan die vyf huise, asook WiFi-verbinding.

Volgens mnr. Sem Shinedima, een van die begunstigdes, kan hy nou ’n televisie, radio, waaier en ’n klein yskassie in sy huis gebruik.

“Ek kan nou vir die eerste keer vandat ek hier woon my selfoon by my in die huis herlaai. Ons het nou krag en ons lewe gaan nou beter word. Dié krag gaan nooit af nie. Alhoewel dit sonkrag is, het ons die hele nag lank elektrisiteit en ek kan die hele nag deur lees,” het hy gesê.

Fusion Grid is 'n navorsing- en ontwikkelingsprojek wat elektrisiteit, internetverbinding en digitale dienste na huishoudings en entrepreneurs in afgeleë gemeenskappe bring.

Die projek is 'n voortsetting van vroeëre samewerking tussen Finse en Namibiese universiteite. Dit bou voort op die deurlopende uitruiling van studente en onderwysers, en is deur Business Finland en die Finse ministerie van buitelands sake gefinansier.

Fusion Grid is deel van die BEAM (besighede met impak)-program.

Volgens dr. Karin Amukugo-Fröhlich, die enigste Namibiër wat deel is van die projek, is die navorsingsvennote die LUT- en Aalto-universiteit van Finland, asook GreenEnergy Finland (GEF), Finnish University Properties (SYK), Nokia en Solar Finland.

Fusion Grid werk nou saam met die Namibië Universiteit van Wetenskap en Tegnologie (NUST).

Die LUT-universiteit bestudeer en ontwikkel sonkragaangedrewe elektrisiteitstelsels wat nie aan die nasionale netwerk verbind is nie.

Die Aalto-universiteit stel digitale dienste in die gemeenskappe bekend en lei mense in die gebruik daarvan op.

Die GEF is verantwoordelik vir die tegniese aspekte van die fotovoltaïese (PV) kragproduksie, -beheer en -monitering.

Die sonpanele kom van Solar Finland.

Nokia se eksperimentele, gemeenskapsbeheerde, mobiele basisstasie (Kuha) bied plaaslike mobiele internetverbindings aan afgeleë gebiede.

Finnish University Properties (SYK) fokus op kampus-infrastruktuur, asook innoverende leerruimtes en oplossings.

“Ons werk nou saam met die gemeenskap. Hulle is by elke stap betrokke en het opleiding ontvang,” het Amukugo-Fröhlich gesê.

“Daar is 'n persepsie dat ontwikkelde lande ingewikkelde tegnologie in onderontwikkelde lande stort. Die tegnologie werk solank die skenkerlande betrokke is, maar sodra hulle onttrek, hou dit op werk en weet die gemeenskap nie wat om daarmee te doen nie.

“Dit is vir ons uiters belangrik dat die gemeenskap weet wat hulle het en hoe om daarme te werk. Hulle moet beheer van die tegnologie neem wanneer ons onttrek, en hulle moet dit verstaan en in stand kan hou,” het sy gesê.

Volgens mnr. Pietari Kesuinen van die Aalto-universiteit is daar geen soortgelyke projek ter wêreld nie.

“Dit ’n eerste in die wêreld wat sonkrag en digitale dienste na gemeenskappe in die verste hoeke van ’n land bring. Ons werk saam met die gemeenskap om hul behoeftes te verstaan sodat ons die projek kan aanpas om daarin te kan voorsien,” het hy gesê. - [email protected]

Soortgelyk

 

Een sterfte, 158 nuwe gevalle

6 ure gelede | Gesondheid

Die dood van 'n 22-jarige vrou van die Rundu-distrik skuif die Covid-sterftes op tot 3 574. Gister is 158 nuwe gevalle aangemeld (112 in Windhoek),...

Namibiër by Oxford vereer vir doktorale proefskrif oor waterrregte

9 ure gelede | Onderwys

Ronelle Rademeyer - ‘n Namibiër wat aan die Universiteit van Oxford in Engeland in die regte studeer het, is met die Dr. Surya Subedi-prys vir...

130 nuwe gevalle, meeste in Windhoek

1 dag gelede | Gesondheid

Gister is 130 nuwe gevalle aangemeld, 'n positiewe koers van 8,4%. Die meeste (97) is in Windhoek aangeteken. Die nuwe gevalle sluit 13 studente, 11...

Uitstel van eksamens: Integriteit van eksamen, kwalifikasie moet beskerm...

2 dae gelede | Onderwys

Die ministerie van onderwys, kuns en kultuur sê dit het 'n wettige kontrak met Cambridge International om te verseker dat kredietwaardige eksamens geskryf word wat...

Styging van 56% in nuwe gevalle, 184 gister aangemeld

2 dae gelede | Gesondheid

Gister is 184 nuwe gevalle aangemeld, 'n positiewe koers van 3,9% en 56% meer as die vorige dag. Die meeste gevalle is in Windhoek en...

Veldbrande woed al tien dae

2 dae gelede | Ongelukke

Tanja Bause’n Groot aantal beeste loop langs distrikspaaie noordoos van Windhoek waar verwoestende veldbrande boere tussen Steinhausen en Omitara genoop het om grensdrade te knip...

‘Voltooi vanjaar se eksamen’

2 dae gelede | Ministeries

Henriette LamprechtSkryf die vraestelle wat moontlik is vóór die einde van die jaar met nuwe vraestelle in die plek van dié wat uitgelek het, identifiseer...

Oscar-benoeming dalk in ‘The White Line’ se visier

2 dae gelede | Byvoegsels

Die plaaslike rolprent The White Line is amptelik in die wedloop om oorweeg te word vir ’n moontlike Oscar-benoeming. Dit is die eerste Namibiese rolprent...

Voortrekkers trap vir renosters

2 dae gelede | Byvoegsels

Karli RudolphDie Voortrekkers vier vanjaar hul 90ste bestaansjaar met die tema “Voortrekkers gaan groot”. Die Namibiese Voortrekkers het daarom besluit om hul eie span vir...