Kort nuus – Internasionaal
Tonga
Aardbewing van 6.1 tref gebied duskant Tonga
’n Aardbewing met ’n sterkte van 6.1 het Sondagoggend (plaaslike tyd) 97 km noordoos van die dorp Ohonua, aan die noordooste van een van Tonga se eilande, getref. Die Amerikaanse geologiese agentskap het die aardbewing bevestig.
Volgens die agentskap het die aardbewing Sondag om 10:56 (Saterdag 23:56 in Suid-Afrika) gebeur met die episentrum wat op ’n diepte van 10 km gemeet is. Tonga is 11 uur voor Suid-Afrika.
Die Stille Oseaan se tsoenami-waarskuwingsentrum het geen waarskuwings uitgereik nie en skade, beserings of sterfgevalle is nie onmiddellik aangemeld nie.
Die episentrum van die aardbewing lê in die sogenaamde Vuurkring in die Stille Oseaan, ’n gebied wat deur gereelde seismiese aktiwiteit gekenmerk word.
In Februarie 2018 het ’n aardbewing van 7.5 die gebied van Papoea-Nieu-Guinee getref en die grootskaalse vernietiging van honderde geboue veroorsaak, asook die dood van 150 mense. – Netwerk24/AFP
Hong Kong
Leier vra verskoning ná miljoene betoog
Terwyl miljoene betogers weer Sondag die strate van Hongkong ingevaar het, het Carrie Lam, uitvoerende leier van dié stad, om verskoning gevra vir die planne vir ’n uitleweringswetsontwerp.
Sy het Saterdag reeds aangekondig die omstrede wetsontwerp word vir eers op die ys gesit, maar die geraamde 2 miljoen betogers eis nou dat sy bedank.
Die wetsontwerp oor die uitlewering van verdagtes in strafregtelike sake aan China het tot grootskaalse betogings gelei wat ’n week gelede begin het. Dit was van die gewelddadigste optogte in dekades in die gebied en word as een van die grootste politieke gebeure in China sedert 1997 beskou.
Volgens bronne het sommige magnate in Hongkong reeds hul persoonlike rekeninge oorsee begin skuif weens kommer oor die beoogde wetgewing. Kritici waarsku dat dié soort ding die stad se finansiële status stadig maar seker kan verwoes.
Die week se betogings is die grootste nog in die stad sedert mense in 1989 in opstand gekom het teen die bloedige verdrukking van prodemokratiese betogings op Beijing se Tiananmen-plein. – Netwerk24
Aardbewing van 6.1 tref gebied duskant Tonga
’n Aardbewing met ’n sterkte van 6.1 het Sondagoggend (plaaslike tyd) 97 km noordoos van die dorp Ohonua, aan die noordooste van een van Tonga se eilande, getref. Die Amerikaanse geologiese agentskap het die aardbewing bevestig.
Volgens die agentskap het die aardbewing Sondag om 10:56 (Saterdag 23:56 in Suid-Afrika) gebeur met die episentrum wat op ’n diepte van 10 km gemeet is. Tonga is 11 uur voor Suid-Afrika.
Die Stille Oseaan se tsoenami-waarskuwingsentrum het geen waarskuwings uitgereik nie en skade, beserings of sterfgevalle is nie onmiddellik aangemeld nie.
Die episentrum van die aardbewing lê in die sogenaamde Vuurkring in die Stille Oseaan, ’n gebied wat deur gereelde seismiese aktiwiteit gekenmerk word.
In Februarie 2018 het ’n aardbewing van 7.5 die gebied van Papoea-Nieu-Guinee getref en die grootskaalse vernietiging van honderde geboue veroorsaak, asook die dood van 150 mense. – Netwerk24/AFP
Hong Kong
Leier vra verskoning ná miljoene betoog
Terwyl miljoene betogers weer Sondag die strate van Hongkong ingevaar het, het Carrie Lam, uitvoerende leier van dié stad, om verskoning gevra vir die planne vir ’n uitleweringswetsontwerp.
Sy het Saterdag reeds aangekondig die omstrede wetsontwerp word vir eers op die ys gesit, maar die geraamde 2 miljoen betogers eis nou dat sy bedank.
Die wetsontwerp oor die uitlewering van verdagtes in strafregtelike sake aan China het tot grootskaalse betogings gelei wat ’n week gelede begin het. Dit was van die gewelddadigste optogte in dekades in die gebied en word as een van die grootste politieke gebeure in China sedert 1997 beskou.
Volgens bronne het sommige magnate in Hongkong reeds hul persoonlike rekeninge oorsee begin skuif weens kommer oor die beoogde wetgewing. Kritici waarsku dat dié soort ding die stad se finansiële status stadig maar seker kan verwoes.
Die week se betogings is die grootste nog in die stad sedert mense in 1989 in opstand gekom het teen die bloedige verdrukking van prodemokratiese betogings op Beijing se Tiananmen-plein. – Netwerk24
Kommentaar
Republikein
Geen kommentaar is op hierdie artikel gelaat nie