Kort nuus – Internasionaal

16 April 2019 | Kortnuus
Nepal
3 dood toe vliegtuig helikopters by Everest tref

Drie mense is dood en nog drie beseer nadat ’n ligte vliegtuig Sondag op die berg Everest van die aanloopbaan geskiet en twee helikopters getref het.

Die ongeluk het op die Lukla-lughawe gebeur. Lukla is die naaste lughawe aan Everest en word deur baie beskou as een van die gevaarlikste lughawens ter wêreld.

’n Medevlieënier van die vliegtuig en ’n polisieman op die grond is in die ongeluk dood, het die owerhede aan AFP bevestig.

’n Derde persoon is later in die hospitaal dood.

Volgens owerhede by die lughawe het die vliegtuig op die aanloopbaan gegly en teen twee stilstaande helikopters gebots.

Die beseerdes is na die Nepalese hoofstad, Katmandoe, geneem.

Die presiese oorsaak van die ongeluk is nog nie bekend nie. – Netwerk24/AFP

Venezuela
Maduro brei sy mag met 1 m. uit

Pres. Nicolás Maduro van Venezuela wil die land se burgermag met ’n miljoen lede uitbrei, blykbaar omdat hy bang is die weermag draai teen hom.

Die burgermag, wat in 2008 deur oudpres. Hugo Chávez, sy voorganger, gestig is, doen regstreeks aan die staatshoof verslag.

Volgens Maduro gaan hy die burgermag teen die einde van die jaar tot drie miljoen uitbrei.

Die opposisieleier Juan Guaidó, wat die buiteland as die regmatige leier van Venezuela erken, het die weermag al gevra om Maduro teen te staan.

Volgens Maduro moet die burgermag op plase help. Die land gaan onder groot voedselskaarstes en hiperinflasie gebuk. Dit het daartoe gelei dat sowat 3 miljoen burgers in die laaste paar jaar geëmigreer het.

Hy het Saterdag duisende burgermaglede in uniform in die hoofstad toegespreek. Dit was nasionale milisiedag, waarop Chavez se terugkeer anderhalf dekades gelede toe ’n staatsgreeppoging teen hom misluk het, gevier word.

Die kragtoevoer na Caracas is die naweek weer herstel, maar elektrisiteit in die res van die land word nog gerantsoeneer. – Netwerk24/Reuters

Soortgelyk

 

Antjie Krog plaas gewraakte toespraak in konteks

5 ure gelede | Kuns en vermaak

Ronelle Rademeyer - Die veelbekroonde Suid-Afrikaanse digter, skrywer en akademikus, Antjie Krog, het in ’n radio-onderhoud die konteks verskaf vir ’n toespraak deur haar wat...

Hep E: 28 gevalle 'n dag

19 ure gelede | Gesondheid

Henriette LamprechtByna 30 nuwe gevalle van hepatitis E is in die laaste week van Julie daagliks oraloor die land aangeteken. Die siekte het boonop die...

Kaalkiekies saai amok aanlyn

19 ure gelede | Misdaad

Denver KistingSo onlangs soos gisteroggend moes die stadspolisie in Windhoek hulle na 'n toneel haas nadat 'n vrou haar lewe probeer neem het weens gelekte...

Die weer vir 8 Augustus 2019

19 ure gelede | Weer

BINNELAND: Gedeeltelik bewolk en koud tot matig in die Suide. Elders sal dit gedeeltelik bewolk en warm tot baie warm wees.KUS: Gedeeltelik bewolk en matig...

Ministerie steek stokkie voor mossel-oes

19 ure gelede | Ministeries

Erwin LeuschnerDie minister van visserye en mariene hulpbronne, mnr. Bernard Esau, het gister die oes van witmossels vir kommersiële gebruik verbied. Hy het dit by...

Ma hoop seuntjie leef nog ná 22 jaar ...

19 ure gelede | Misdaad

Denver Kisting – Meer as 22 jaar ná ’n negejarige seuntjie van die Kaapse Vlakte van sy ouerhuis verdwyn het, hoop sy ma hy lewe...

Dubbele moordenaar kry vyfde prokureur

19 ure gelede | Howe

font face="Verdana">Die man wat Dinsdag in die Windhoekse hoërhof skuldig bevind is aan die moord op twee vroue in Januarie 2016 het gister sy vyfde...

Bekendes belê groot in gasvryheidsbedryf

19 ure gelede | Toerisme

Ronelle Rademeyer - Die gewildheid van die drie Stellenbosch-restaurante in die Bougainvillea-sentrum in Klein Windhoek – The Stellenbosch Wine Bar, Tasting Room en Market –...

Polisie sing Kalahariwoestyn-lofliedere

19 ure gelede | Polisie

Denver Kisting Sedert die polisie verlede jaar met ander owerhede begin kragte saamsnoer het om misdaad te bestry, het misdaadbedrywighede met nagenoeg 9% afgeneem.So sê...