Kort nuus – Afrika- en Internasionale nuus

05 December 2019 | Kortnuus
Zimbabwe



VN gee meer koshulp aan Zim



Die Verenigde Nasies (VN) het Dinsdag aangekondig dat hy voedselhulp aan sowat 4,1 miljoen Zimbabwiërs, wat 'n kwart van die bevolking uitmaak, gaan gee.

“Ons is baie bekommerd omdat die situasie daar steeds aan die versleg is,” het Eddie Rowe, direkteur van die Wêreldvoedselprogram (WFP), op 'n nuuskonferensie in Genève, Switserland, gesê.

“Ons glo as ons nie na hierdie mense uitreik en hulle help nie, die situasie daar in 'n enorme krisis sal ontaard.”

Zimbabwe, wat eens op 'n tyd as die broodmandjie van Suidelike-Afrika bekend gestaan het, ervaar tans sy ergste ekonomiese krisis in 'n dekade, wat gekenmerk word deur wegholinflasie en tekorte aan kos, brandstof, medisyne en elektrisiteit.

Die 240 000 ton voedselhulp, wat die WFP op die internasionale mark moet verkry, verteenwoordig 'n verdubbeling van die hulp wat dié organisasie reeds aan Zimbabwe bied.

Daar word beoog om voorrade uit Tanzanië in die vorm van mieliegraan, asook voedsel uit Mexiko, Kenia en moontlik die Swartsee-gebied, aan te koop, sê Rowe.

“In die afgelope vyf jaar het Zimbabwe net in een jaar normale reënval gehad. Die markte funksioneer nie,” sê hy. “Daar is gesinne wat honger gaan slaap sonder enige maaltyd per dag.” – Netwerk24/Reuters



Amerika



Harris tree uit VSA-presidentstryd



Die Amerikaanse Demokratiese senator Kamala Harris van Kalifornië gaan Dinsdag haar verkiesingsveldtog vir 2020 beëindig nadat sy nie steun in belangrike deelstate op haar kon verenig nie ondanks 'n vroeë styging in die peilings, volgens 'n bron in die veldtog.

“Ek het teruggekyk en van elke hoek hierna gekyk en oor die laaste paar dae tot een van die moeilikste besluite van my lewe gekom,” sê Harris Dinsdag in 'n e-pos aan ondersteuners. “My veldtog vir die presidensie het eenvoudig nie die finansiële hulpbronne wat ons benodig om voort te gaan nie.”

Harris het Dinsdagmiddag in 'n groepoproep met haar personeel gepraat om hulle van haar besluit in kennis te stel, volgens bronne wat verkies om anoniem te bly.

Harris (55) het haarself posisioneer as 'n verenigende kandidaat wat die party se steunbasis van jong, diverse progressiewes kan opbou, terwyl gematigde kiesers ook aanklank by haar vind.

Nogtans het sy nadat sy goeie steun in meningsopnames geniet het ná sterk vertonings in debatte in Junie, die laaste paar maande uitgeval as een die topkandidate en is sy agter die ander kandidate wat geldinsameling betref.

Haar onttrekking is die eerste van die topkandidate wat in 'n groot groep meeding.

Harris het as 'n vroeë voorloper aan die wedloop deelgeneem, maar het gesukkel om steun te behou, wat kritici toeskryf aan haar onvermoë om beleidstandpunte uit te stippel en die ongunstige reaksie ná 'n poging om Joe Biden, voormalige visepresident, te roskam. – Netwerk24/Reuters

Soortgelyk

 

KOLLIG Voorblad

1 dag gelede | Byvoegsels

Swakop hou Makietie bl. 4

ECN gaan Itula se aansoek teenstaan

1 dag gelede | Politiek

Denver Kisting – Vanweë die beweerde negatiewe uitwerking van elektroniese stemtoestelle (EVM’s) in die afgelope presidensiële verkiesing moet die proses tersyde gestel word.Dr. Panduleni Itula,...

Ekonomie bloei lánkal

1 dag gelede | Plaaslik

Jo-Maré Duddy – Ekonomiese groei het reeds in 2015 skerp begin tuimel sonder dat dit deur amptelike syfers weerspieël is, toon nuwe data wat gister...

NOU AAN DIE GANG

1 dag gelede | Byvoegsels

» Die Swakopmund Wetenskaplike Vereniging bied tans ‘n Kersfees-skattejag by die Swakopmund Museum aan. Dit bestaan uit twee afdelings, een vir kinders en een vir...

Geskorste raadslede van Rehoboth herkies

1 dag gelede | Regering

Denver Kisting op Rehoboth – Dieselfde span raadslede wat verlede jaar deur dr. Peya Mushelenga, die minister van stedelike en landelike ontwikkeling, in die pad...

Weer vir 13 Desember 2019

1 dag gelede | Weer

BINNELAND: Mooi weer en baie tot bloedig warm in die Suide. Elders sal dit gedeeltelik bewolk en baie tot bloedig warm wees. Winderige weer sal...

STEMFEITE: NAM & SA 2019

1 dag gelede | Politiek

In Namibië het Swapo persentasiegewys meer steun ingeboet as die ANC in Suid-Afrika.

NamibRe: Versekeraars moet 12,5% sedeer

1 dag gelede | Howe

Elvira Hattingh Plaaslike versekeringsmaatskappye móét voorts vir herverseke­ring by NamibRe opdok - tot tyd en wyl daar in 'n hangende hofsaak oor die wettigheid van...

CoW baklei teen beslaglegging

1 dag gelede | Regering

Denver Kisting – Die Windhoekse munisipaliteit (CoW) baklei tans verbete teen ’n beweerde beslagleggingsbevel wat poog om van hul vaste bates te konfiskeer.Veertien superintendente verbonde...