Komeet swel vinnig uit

Reeds sigbaar per teleskoop

31 March 2020 | Tegnologie
Elvira Hattingh



Die komeet Atlas, ook bekend as C2019 Y4, is besig om vinnig uit te swel, en het intussen boonop 'n stert ontwikkel.

Spaceweather berig foto's van ­amateursterrekundiges oraloor die wêreld wys die deursnee van die komeet se atmosfeer is nou 'n enorme 720 000 km – bykans die helfte van die son se grootte.

Sy stert is amper net so groot.

Die Namibië Wetenskapvereniging se afdeling vir astronomie het onlangs gesê Namibiërs behoort die komeet van einde Mei af te kan sien – mits hy ons son se hitte oorleef.

Volgens berekeninge sal die komeet op 31 Mei vanjaar tot diep in ­Mercurius se wentelbaan inbeweeg en naby ons son verbybeweeg.

Indien hy die skroeiende hitte kan oorleef, sal die komeet aardbewoners 'n skouspel besorg.

Die wetenskapvereniging het die afgelope Woensdag gesê Atlas sal op ons breedtegraad onder die horison bly en eers sigbaar raak wanneer hy die ander kant van die son bereik, indien hy nie weens die son se hitte ontplof nie.



GROOTTE

Dit is steeds nie bekend hoe groot Atlas se yskern is nie, maar wetenskap­likes meen dit behels niks meer as 'n paar kilometer nie.

Dit is ook nie ongewoon dat 'n komeet so groot uitswel nie.

In die proses kan reusehoeveel­hede gas en stof in die ruimte ­ingeskiet word, berig Spaceweather.

In 2007 het die Holmes-komeet ­gedeeltelik ontplof en tydelik 'n ­atmosfeer groter as die son s'n gehad.

Tans is Atlas nog nie sigbaar met die blote oog nie, maar kan hy met eenvoudige teleskope gesien word.

Spaceweather berig die komeet raak toenemend helderder soos hy nader aan die son beweeg. Teen Mei kan hy so helder soos Venus wees en moontlik selfs bedags sigbaar wees.

Wetenskaplikes sê komete se gedrag is egter onvoorspelbaar.

Hulle meen Atlas sal net oorleef indien hy 'n groot kern met baie gevriesde gas het. Dán sal hy baie helder wees – andersins sal sy gas opraak en kan hy verkrummel en dowwer raak soos hy nader aan ons son beweeg.

'n Wetenskaplike verbonde aan die Naval-navorsingslaboratorium, mnr. Karl Battams in Washington DC, het onlangs aan die media gesê hy dink nie die komeet sal oorleef nie, omdat hy reeds “oorpresteer”.

Na raming kan die komeet vroeg in April reeds met die blote oog sigbaar wees.

Atlas is so onlangs as Desember verlede jaar in Hawaii deur 'n waar­skuwingstelsel vir asteroïde genaamd Atlas ontdek.

Die Amerikaanse ­ruimteagentskap (Nasa) se ruimtetuie wat daarin ­spesialiseer om items naby aan die son af te neem, sal die komeet van middel Mei tot vroeg in Junie dophou en op kamera vaslê as hy verbrokkel.

Komeet McNaught (C/2006 P1) het sowat 13 jaar gelede ook naby ons son verbybeweeg en was selfs smiddae sigbaar.

– [email protected]

Soortgelyk

 

Air Namibia hervat op 28 Oktober vlugte na SA

37 minute gelede | Vervoer

Die nasionale redery het vanmiddag aangekondig hy hervat op 28 Oktober vlugte vanaf Windhoek na Johannesburg en Kaapstad.Die redery sal nie soos in die verlede...

77 leerlinge van dieselfde skool toets binne vier dae...

2 ure gelede | Gesondheid

Nog agt leerlinge van die senior sekondêre skool Oshakati het positief vir Covid-19 getoets wat die totaal leerlinge van die skool wat positief getoets het...

Geingob sê oor Covid-19-weg vorentoe

3 ure gelede | Gesondheid

Die minister van gesondheid en maatskaplike dienste, dr. Kalumbi Shangula, sê pres. Hage Geingob sal vandeesweek ’n aankondiging maak oor die regering se voortgesette hantering...

Covid-19: Aankondiging kom oor pad vorentoe

5 ure gelede | Gesondheid

Die minister van gesondheid en maatskaplike dienste, dr. Kalumbi Shangula, sê pres. Hage Geingob sal vandeesweek ’n aankondiging maak oor die regering se voortgesette hantering...

Geingob onder skoot oor ‘wit’ opmerkings

17 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

17 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

17 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

17 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

17 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...