Kolskoot sonder teikens
Nog lank voor die kabaal oor Sanzar se sogenaamde herstrukturering losgebars het, het ek al oor die menere se b(r)ouwerk gewonder. ’n Eens aanskoulike kompetisie wat mense uit die werk laat dros het, is afgewater na ’n flouerige soppie.
’n Eens fantasiese kampioenskap is deur hulle, die Sanzar-base, tot ’n lomp en onsmaaklike brousel omskep. Niemand anders het die beplanning gedoen, behalwe dié vetkatte self nie. Nou is dit ’n geteem van ’n ander wêreld deur ’n ieder en elk wat ’n vinger in die Superpastei het.
Nou wil hulle die dierasie meer aanskoulik maak waar krag teen krag moet speel, en Suid-Afrika en Australië gaan aan die korste end trek. Hoekom het hulle die Sun Wolwes en Jaguares in die eerste plek deel van die kompetisie gemaak? Nou moet daar wyd en syd oor grense heen gevlieg word om elders in Asië te gaan speel.
Sanzar wil twee SA-spanne in die pad steek en een van die Aussie-spanne sal die spit moet afbyt om die aantal spanne in die Superkompetisie tot 15 te verminder. Hoe wil hulle dié besluit neem en in die proses op ’n hele paar ongetokste tone trap deur lukraak lande soos die Aussies en SA te straf?
Wel, dit maak sin dat die spanne tot 15 verminder word en in drie groepe ingedeel word. Maar dis ook maar net-net. Hoekom pak die drie laaste spanne in vanjaar se kompetisie nie maar hul goedjies nie? Dit maak nie sin dat twee lande onderskeidelik een en twee spanne moet opdok om vir die die Sun Wolves en Jaguares plek te maak nie. Ja, ek weet die Wolwe het die Bulle ’n kneusplek of twee toegedien, maar dit maak nie saak nie.
Al wat vir my sin maak, is dat die spanne wat die laaste twee of drie plekke in vanjaar se Superkompetisie klaar maak, sal moet vetrek.
Wie onthou nog die ou Curriebeker-stelsel? Ja, dit was in die amateurdae gewees, maar dit maak geen verskil nie. Ek voel die Superkampioenskap moet in twee afdelings ingedeel word.
Hoe so? Wel, die voorste agt spanne wat in 2017 boaan die punteleer eindig, maak die A-afdeling uit en die res (sewe of agt spanne) vul die B-afdeling. Die A-afdeling se spanne speel net twee wedstryde teen mekaar. Een tuis en een weg. En die span wat boaan die punteleer eindig, kry tuisveld-voordeel waar die eindstryd gespeel kan word. Dieselfde geld vir die B-afdeling.
Elk van die twee afdelings het sy semifinale en ’n finaal, maar ek glo dit is hier waar die koring elke jaar van die kaf geskei kan word. Die twee spanne van die B-afdeling wat in die finaal opgedraf het, moet die kans gegun word om na die A-afdeling vir die volgende jaar se kompetisie op te skuif. Indien hulle nie die pyp kan rook nie, sal hulle die volgende seisoen weer hul weg onseremoniëel na die B-afdeling vind.
Dit sal spanne en afrigters in beide divisies aanspoor om behoorlik vinger te trek. My mening is dat promosie-relegasiewedstryde nie nodig is om te bepaal wie aan die einde van die Superkampioenskap tussen die A- en B-afdeling plekke moet verwissel nie.
Die voordele is dat die kompetisie baie meer aanskoulik, korter en koste-effektief gaan wees waar krag teen krag gaan opdraf. Die spelers se lywe sal gespaar word en die kampioenskap kan binne drie maande afgehandel wees. Maar vir hulle (Sanzar) gaan dit oor die beursie en nie die spel nie. Dat die Sun Wolves gehou moet word, is ter wille van ontwikkeling, sê Sanzar. Ek reken ook dit is ter wille van ontwikkeling, maar die ontwikkeling van sy beursie, ja.
’n Eens fantasiese kampioenskap is deur hulle, die Sanzar-base, tot ’n lomp en onsmaaklike brousel omskep. Niemand anders het die beplanning gedoen, behalwe dié vetkatte self nie. Nou is dit ’n geteem van ’n ander wêreld deur ’n ieder en elk wat ’n vinger in die Superpastei het.
Nou wil hulle die dierasie meer aanskoulik maak waar krag teen krag moet speel, en Suid-Afrika en Australië gaan aan die korste end trek. Hoekom het hulle die Sun Wolwes en Jaguares in die eerste plek deel van die kompetisie gemaak? Nou moet daar wyd en syd oor grense heen gevlieg word om elders in Asië te gaan speel.
Sanzar wil twee SA-spanne in die pad steek en een van die Aussie-spanne sal die spit moet afbyt om die aantal spanne in die Superkompetisie tot 15 te verminder. Hoe wil hulle dié besluit neem en in die proses op ’n hele paar ongetokste tone trap deur lukraak lande soos die Aussies en SA te straf?
Wel, dit maak sin dat die spanne tot 15 verminder word en in drie groepe ingedeel word. Maar dis ook maar net-net. Hoekom pak die drie laaste spanne in vanjaar se kompetisie nie maar hul goedjies nie? Dit maak nie sin dat twee lande onderskeidelik een en twee spanne moet opdok om vir die die Sun Wolves en Jaguares plek te maak nie. Ja, ek weet die Wolwe het die Bulle ’n kneusplek of twee toegedien, maar dit maak nie saak nie.
Al wat vir my sin maak, is dat die spanne wat die laaste twee of drie plekke in vanjaar se Superkompetisie klaar maak, sal moet vetrek.
Wie onthou nog die ou Curriebeker-stelsel? Ja, dit was in die amateurdae gewees, maar dit maak geen verskil nie. Ek voel die Superkampioenskap moet in twee afdelings ingedeel word.
Hoe so? Wel, die voorste agt spanne wat in 2017 boaan die punteleer eindig, maak die A-afdeling uit en die res (sewe of agt spanne) vul die B-afdeling. Die A-afdeling se spanne speel net twee wedstryde teen mekaar. Een tuis en een weg. En die span wat boaan die punteleer eindig, kry tuisveld-voordeel waar die eindstryd gespeel kan word. Dieselfde geld vir die B-afdeling.
Elk van die twee afdelings het sy semifinale en ’n finaal, maar ek glo dit is hier waar die koring elke jaar van die kaf geskei kan word. Die twee spanne van die B-afdeling wat in die finaal opgedraf het, moet die kans gegun word om na die A-afdeling vir die volgende jaar se kompetisie op te skuif. Indien hulle nie die pyp kan rook nie, sal hulle die volgende seisoen weer hul weg onseremoniëel na die B-afdeling vind.
Dit sal spanne en afrigters in beide divisies aanspoor om behoorlik vinger te trek. My mening is dat promosie-relegasiewedstryde nie nodig is om te bepaal wie aan die einde van die Superkampioenskap tussen die A- en B-afdeling plekke moet verwissel nie.
Die voordele is dat die kompetisie baie meer aanskoulik, korter en koste-effektief gaan wees waar krag teen krag gaan opdraf. Die spelers se lywe sal gespaar word en die kampioenskap kan binne drie maande afgehandel wees. Maar vir hulle (Sanzar) gaan dit oor die beursie en nie die spel nie. Dat die Sun Wolves gehou moet word, is ter wille van ontwikkeling, sê Sanzar. Ek reken ook dit is ter wille van ontwikkeling, maar die ontwikkeling van sy beursie, ja.
Kommentaar
Republikein
Geen kommentaar is op hierdie artikel gelaat nie