Koekeloer! gratis op YouTube
As jy nog nie die Afrikaanse klug Koekeloer! gesien het nie, kan jy dit tot 9 Augustus elke aand om 19:00 gratis op YouTube kyk.
Dit word deur die Staatsteater in Pretoria aangebied, waar dit vroeër op die planke sou wees voor die staat van inperking aangekondig is.
Theatrerocket is die vervaardiger van dié klug uit die pen van Braam van der Vyver.
Dit het verlede jaar op die Standard Bank Innibos Kunstefees in Mbombela gedebuteer, waarna dit elders opgevoer is.
Volgens Erick Ndlala, bemarker en woordvoerder van die Staatsteater, beplan die teater om nog Afrikaanse konserte regstreeks te vertoon, maar ná 9 Augustus sal teatergangers Koekeloer! net teen betaling kan kyk.
Koekeloer! speel af tydens die eindronde van die bak-program Koekedoor met die finaliste Marie en Marié wat meeding. Marie is ’n oujongnooi en is ongemaklik in haar lyf, terwyl Marié ’n lingerie-model is. En vir ds. De Groot is dit een te veel wanneer hy met sekere klein kledingstukkies te doen kry. Die vraag bly wie in die kompetisie met die louere gaan wegstap.
Die konsert is op Innibos verfilm.
• Die spelers is Gavin van den Berg, Ben Pienaar, Roché van Blerk, Émil Haarhoff, Juanita de Villiers-Velts en Tiaan Slabbert.
• Dit word elke aand om 19:00 op YouTube uitgesaai. - Netwerk24
Dit word deur die Staatsteater in Pretoria aangebied, waar dit vroeër op die planke sou wees voor die staat van inperking aangekondig is.
Theatrerocket is die vervaardiger van dié klug uit die pen van Braam van der Vyver.
Dit het verlede jaar op die Standard Bank Innibos Kunstefees in Mbombela gedebuteer, waarna dit elders opgevoer is.
Volgens Erick Ndlala, bemarker en woordvoerder van die Staatsteater, beplan die teater om nog Afrikaanse konserte regstreeks te vertoon, maar ná 9 Augustus sal teatergangers Koekeloer! net teen betaling kan kyk.
Koekeloer! speel af tydens die eindronde van die bak-program Koekedoor met die finaliste Marie en Marié wat meeding. Marie is ’n oujongnooi en is ongemaklik in haar lyf, terwyl Marié ’n lingerie-model is. En vir ds. De Groot is dit een te veel wanneer hy met sekere klein kledingstukkies te doen kry. Die vraag bly wie in die kompetisie met die louere gaan wegstap.
Die konsert is op Innibos verfilm.
• Die spelers is Gavin van den Berg, Ben Pienaar, Roché van Blerk, Émil Haarhoff, Juanita de Villiers-Velts en Tiaan Slabbert.
• Dit word elke aand om 19:00 op YouTube uitgesaai. - Netwerk24
Kommentaar
Republikein
Geen kommentaar is op hierdie artikel gelaat nie