Klippies laat EPZ skitter
Vergeleke met die dieselfde tydperk in 2016 het diamantuitvoere na Israel in die eerste kwartaal vanjaar die grootste styging getoon, terwyl uitvoere na Switserland die meeste geval het.
Jo-Maré Duddy
'n Reusestyging in diamante wat deur die uitvoerverwerkingsone (EPZ) na die buiteland gekanaliseer is, het dié sone in die eerste kwartaal vanjaar Namibië se naasbelangrikste uitvoerbestemming gemaak.
Volgens die jongste syfers wat deur die Namibië Statistiekagentskap (NSA) vrygestel is, het uitvoere na die EPZ in die eerste drie maande vanjaar bykans N$1,746 miljard beloop. Hiervan was N$1,744 miljard diamante.
Diamante wat in dié kwartaal via die EPZ uitgevoer is, was 73% meer as dié in die laaste drie maande van 2016 en 'n styging van 111% vergeleke met die eerste kwartaal verlede jaar.
In totaal het Namibië in die eerste kwartaal vanjaar bykans N$5,88 miljard se diamante uitgevoer. As sulks was dit die land se vernaamste uitvoerproduk en het dit bykans 35% van alle uitvoere verteenwoordig.
Diamante wat in die kwartaal onder oorsig vir buitelandse markte bestem was, het sowat N$615 miljoen minder valuta as in die vierde kwartaal in 2016 verdien. Vergeleke met die eerste drie maande van verlede jaar het dit egter vir N$608 miljoen méér se uitvoerverdienste gesorg.
Naas die EPZ was die meeste diamante in die eerste kwartaal van 2017 vir Botswana bestem. Meer as N$1,49 miljard se stene is na dié buurland uitgevoer – N$805 miljoen of sowat 35% minder as die laaste drie maande van 2016 én bykans N$1,06 miljard of 41% minder as in die eerste kwartaal van 2016.
Suid-Afrika was in die jongste kwartaal die derde grootste uitvoermark vir diamante met N$948 miljoen se blinkes wat oor die Oranje gekoers het. Ook dié syfers was egter laer: In die vierde kwartaal verlede jaar is meer as N$1,2 miljard se diamante na Suid-Afrika uitgevoer, terwyl bykans N$1,03 miljard in die eerste kwartaal van 2016 vir dié mark bestem was.
Ander lande waarheen diamante in die eerste kwartaal vanjaar uitgevoer is: Verenigde Arabiese Emirate (N$679 miljoen), België (N$557 miljoen), Amerika (N$223 miljoen), Israel (N$128 miljoen), Indië (N$85 miljoen) en Switserland (N$22 miljoen).
Vergeleke met die eerste kwartaal van 2016 het uitvoere na Switserland die meeste geval. In die eerste drie maande verlede jaar was diamantuitvoere na dié land N$282 miljoen. Nou is dit 92% minder.
Uitvoere na Israel het die meeste gestyg – met N$85 miljoen of bykans 197%.
Voertuie
Voertuie was Namibië se vernaamste invoerproduk in die eerste kwartaal vanjaar met meer as N$2,15 miljard daarvan wat die grens oorgesteek het.
Dit is N$267 miljoen of 14% meer as die vorige kwartaal, maar N$56 miljoen of 2,5% minder as die eerste drie maande van 2016.
Sowat 17% of N$375 miljoen van voertuie wat in die eerste kwartaal vanjaar ingevoer is, is weer uitgevoer. Dit is meer as die N$226 miljoen van die vorige kwartaal en die N$214 miljoen van die eerste kwartaal in 2016.
Bykans 74% - N$1,593 miljard – van alle ingevoerde voertuie in die eerste kwartaal vanjaar was uit Suid-Afrika afkomstig. Die vorige kwartaal het dié invoere N$1,698 miljard beloop en in die eerste drie maande van 2016 was dit N$1,941 miljard.
Voertuiginvoere uit Botswana het ook gedaal: Van N$33 miljoen in die eerste en N$28 miljoen in die vierde kwartale van 2016 tot N$13 miljoen in die eerste drie maande van 2017.
Invoere uit China het egter drasties versnel. In die eerste kwartaal vanjaar is N$285 miljoen se voertuie uit dié land verkry vergeleke met N$40 miljoen die vorige een en N$37 miljoen in die eerste kwartaal van 2016.
Ook uit Bulgarye is voertuie ingevoer. In die eerste kwartaal vanjaar het dit Namibië N$1 miljoen gekos. Geen voertuie is die vorige kwartaal of in die eerste kwartaal van 2016 uit dié land ingevoer nie.
Namibië se totale invoere in die eerste kwartaal was bykans N$20,1 miljard, terwyl uitvoere sowat N$16,9 miljard beloop het. Dit het die land met 'n handelsbalanstekort van sowat N$3,18 miljard gelaat.
'n Reusestyging in diamante wat deur die uitvoerverwerkingsone (EPZ) na die buiteland gekanaliseer is, het dié sone in die eerste kwartaal vanjaar Namibië se naasbelangrikste uitvoerbestemming gemaak.
Volgens die jongste syfers wat deur die Namibië Statistiekagentskap (NSA) vrygestel is, het uitvoere na die EPZ in die eerste drie maande vanjaar bykans N$1,746 miljard beloop. Hiervan was N$1,744 miljard diamante.
Diamante wat in dié kwartaal via die EPZ uitgevoer is, was 73% meer as dié in die laaste drie maande van 2016 en 'n styging van 111% vergeleke met die eerste kwartaal verlede jaar.
In totaal het Namibië in die eerste kwartaal vanjaar bykans N$5,88 miljard se diamante uitgevoer. As sulks was dit die land se vernaamste uitvoerproduk en het dit bykans 35% van alle uitvoere verteenwoordig.
Diamante wat in die kwartaal onder oorsig vir buitelandse markte bestem was, het sowat N$615 miljoen minder valuta as in die vierde kwartaal in 2016 verdien. Vergeleke met die eerste drie maande van verlede jaar het dit egter vir N$608 miljoen méér se uitvoerverdienste gesorg.
Naas die EPZ was die meeste diamante in die eerste kwartaal van 2017 vir Botswana bestem. Meer as N$1,49 miljard se stene is na dié buurland uitgevoer – N$805 miljoen of sowat 35% minder as die laaste drie maande van 2016 én bykans N$1,06 miljard of 41% minder as in die eerste kwartaal van 2016.
Suid-Afrika was in die jongste kwartaal die derde grootste uitvoermark vir diamante met N$948 miljoen se blinkes wat oor die Oranje gekoers het. Ook dié syfers was egter laer: In die vierde kwartaal verlede jaar is meer as N$1,2 miljard se diamante na Suid-Afrika uitgevoer, terwyl bykans N$1,03 miljard in die eerste kwartaal van 2016 vir dié mark bestem was.
Ander lande waarheen diamante in die eerste kwartaal vanjaar uitgevoer is: Verenigde Arabiese Emirate (N$679 miljoen), België (N$557 miljoen), Amerika (N$223 miljoen), Israel (N$128 miljoen), Indië (N$85 miljoen) en Switserland (N$22 miljoen).
Vergeleke met die eerste kwartaal van 2016 het uitvoere na Switserland die meeste geval. In die eerste drie maande verlede jaar was diamantuitvoere na dié land N$282 miljoen. Nou is dit 92% minder.
Uitvoere na Israel het die meeste gestyg – met N$85 miljoen of bykans 197%.
Voertuie
Voertuie was Namibië se vernaamste invoerproduk in die eerste kwartaal vanjaar met meer as N$2,15 miljard daarvan wat die grens oorgesteek het.
Dit is N$267 miljoen of 14% meer as die vorige kwartaal, maar N$56 miljoen of 2,5% minder as die eerste drie maande van 2016.
Sowat 17% of N$375 miljoen van voertuie wat in die eerste kwartaal vanjaar ingevoer is, is weer uitgevoer. Dit is meer as die N$226 miljoen van die vorige kwartaal en die N$214 miljoen van die eerste kwartaal in 2016.
Bykans 74% - N$1,593 miljard – van alle ingevoerde voertuie in die eerste kwartaal vanjaar was uit Suid-Afrika afkomstig. Die vorige kwartaal het dié invoere N$1,698 miljard beloop en in die eerste drie maande van 2016 was dit N$1,941 miljard.
Voertuiginvoere uit Botswana het ook gedaal: Van N$33 miljoen in die eerste en N$28 miljoen in die vierde kwartale van 2016 tot N$13 miljoen in die eerste drie maande van 2017.
Invoere uit China het egter drasties versnel. In die eerste kwartaal vanjaar is N$285 miljoen se voertuie uit dié land verkry vergeleke met N$40 miljoen die vorige een en N$37 miljoen in die eerste kwartaal van 2016.
Ook uit Bulgarye is voertuie ingevoer. In die eerste kwartaal vanjaar het dit Namibië N$1 miljoen gekos. Geen voertuie is die vorige kwartaal of in die eerste kwartaal van 2016 uit dié land ingevoer nie.
Namibië se totale invoere in die eerste kwartaal was bykans N$20,1 miljard, terwyl uitvoere sowat N$16,9 miljard beloop het. Dit het die land met 'n handelsbalanstekort van sowat N$3,18 miljard gelaat.
Kommentaar
Republikein
Geen kommentaar is op hierdie artikel gelaat nie